వారం రోజుల్లో మెరిసే చర్మం పొందడానికి అమేజింగ్ సొల్యూషన్..!!

ఓట్ మీల్, హనీ, రోజ్ వాటర్

రెండు టేబుల్ స్పూన్ల ఓట్ మీల్, ఒక టేబుల్ స్పూన్ తేనె, ఒక టేబుల్ స్పూన్ రోజ్ వాటర్ మిక్స్ చేయాలి. ఈ మిశ్రమాన్ని ముఖానికి పట్టించి.. 15 నిమిషాలు ఆరనివ్వాలి. తర్వాత నీటితో శుభ్రం చేసుకోవాలి.

ఓట్ మీల్, ఆల్మండ్ ఆయిల్, పపాయ

మీ చర్మంపై సన్ ట్యాన్ ఏర్పడి ఉంటే.. 50 గ్రాముల బొప్పాయిని గుజ్జుగా చేయాలి. ఒక టీస్పూన్ ఆల్మండ్ ఆయిల్, గ్రైండ్ చేసిన ఓట్స్ మిక్స్ చేయాలి. అవసరమైతే.. 3 మూడు టేబుల్ స్పూన్ల నీళ్లు కలపాలి. ఈ మిశ్రమాన్ని ముఖానికి పట్టించి 10 నిమిషాల తర్వాత శుభ్రం చేసుకోవాలి.

ఓట్ మీల్, నిమ్మరసం, ఆల్మండ్స్

ఎల్లప్పుడూ మీ చర్మం మెరిసిపోవాలంటే.. ఈ ప్యాక్ ట్రై చేయండి. 3 టేబుల్ స్పూన్ల ఓట్ మీల్, 1 టేబుల్ స్పూన్ నిమ్మరసం, 1 టేబుల్ స్పూన్ ఆల్మండ్ ఆయిల్ తీసుకుని పేస్ట్ చేసుకోవాలి. ఈ మిశ్రమాన్ని ముఖానికి, మెడకి అప్లై చేయాలి. అయితే నీటితో శుభ్రం చేసుకోకుండా.. కాటన్ బాల్స్ తో చర్మాన్ని క్లీన్ చేసుకోండి. ఇప్పుడు చల్లటి నీటితో శుభ్రం చేసుకుంటే.. అద్భుతమైన మెరుపు మీ సొంతమవుతుంది.

ఓట్ మీల్, పాలు

ఆయిలీ స్కిన్ నివారించడానికి 3 టేబుల్ స్పూన్ల ఓట్ మీల్, 7 టేబుల్ స్పూన్ల పాలు కలపాలి. ఈ రెండింటినీ 15 నిమిషాలు ఉడికించాలి. చల్లారిన తర్వాత ముఖానికి, మెడకు అప్లై చేయాలి. 15 నిమిషాల తర్వాత శుభ్రం చేసుకోవాలి.

ఓట్స్, కివి, హనీ, పెరుగు

స్పెషల్ అకేషన్స్ ఉన్నప్పుడు మీ స్కిన్ టోన్ మెరుగుపరుచుకోవడానికి ఈ ప్యాక్ ఉపయోగించవచ్చు. 1 కివీ ఫ్రూట్, 2 టేబుల్ స్పూన్ల ఓట్ మీల్, 1 టేబుల్ స్పూన్ తేనె, 1 టేబుల్ స్పూన్ పెరుగు తీసుకుని అన్నింటినీ బాగా మిక్స్ చేయాలి. దీన్ని ముఖానికి, మెడకు పట్టించి.. 15 నిమిషాలు ఆరిన తర్వాత కడిగేసుకోవాలి.

ఎలా ఉపయోగించాలి ?

పైన చెప్పిన ఫేస్ ప్యాక్స్ అన్నింటినీ ఉపయోగించాల్సిన అవసరం లేదు. ఏదో ఒకదాన్ని ఎంచుకుని.. ఏడు రోజులపాటు అప్లై చేయాలి. లేదంటే.. రోజుకి ఒక ఫేస్ ప్యాక్ మీకు నచ్చినవి ఉపయోగించినా.. మెరుగైన ఫలితాలు పొందవచ్చు. అయితే.. ఈ ప్యాక్స్ ని ముఖంపై రుద్దాల్సిన అవసరం లేదు. ఊరికే అప్లై చేస్తే సరిపోతుంది.