మజ్జిగలో మైమరిపించే.. సౌందర్య రహస్యాలు..!!

ఎండకు కమిలిన చర్మానికి

1 టేబుల్ స్పూన్ మజ్జిగ, అంతే మోతాదులో టమోటా రసం కలపాలి. రెండింటినీ బాగా మిక్స్ చేసి.. కాటన్ ప్యాడ్ తో ముఖానికి అప్లై చేయాలి. 30 నిమిషాల తర్వాత.. ముఖాన్ని నీటితో శుభ్రం చేసుకోవాలి.

డ్రై స్కిన్

1 టేబుల్ స్పూన్ మజ్జిగ, అర టీస్పూన్ మీగడ కలిపి.. చర్మంపై మసాజ్ చేయాలి. 30 నిమిషాల తర్వాత.. చల్లటి నీటితో శుభ్రం చేసుకోవాలి.

క్లియర్ స్కిన్ పొందడానికి

బాగా పండిన మామిడి పండు ముక్క తీసుకుని అందులో 1 టేబుల్ స్పూన్ మజ్జిగ, ఒక టీ స్పూన్ తేనె కలపాలి. అన్నింటినీ బాగా మిక్స్ చేసి మెత్తటి పేస్ట్ చేసుకోవాలి. ఈ మిశ్రమాన్ని ముఖానికి పట్టించి.. 30 నిమిషాల తర్వాత శుభ్రం చేసుకోవాలి.

క్లెన్సింగ్ మాస్క్

ఒక టేబుల్ స్పూన్ మజ్జిగ, 1 టీస్పూన్ రోజ్ వాటర్, కొన్ని చుక్కల టీట్రీ ఆయిల్ కలపి.. ముఖానికి అప్లై చేయాలి. 10నిమిషాల తర్వాత.. కాటన్ ప్యాడ్ ఉపయోగించి.. శుభ్రం చేసుకోవాలి. ఇది చర్మంపై పేరుకున్న దుమ్ము, ధూళి తొలగిపోవడానికి సహాయపడుతుంది.

డెడ్ స్కిన్ సెల్స్

పావు కప్పు మజ్జిగ, అర కప్పు సీసాల్ట్, 10 చుక్కల ఆల్మండ్ ఆయిల్ కలపాలి. అన్నింటినీ బాగా మిక్స్ చేసి.. నెమ్మదిగా స్క్రబ్ చేయాలి. 20 నిమిషాల తర్వాత.. శుభ్రం చేసుకుని మాయిశ్చరైజర్ అప్లై చేయాలి.

ముడతలు తొలగించడానికి

ఒక టేబుల్ స్పూన్ బాగా పండిన అవకాడో గుజ్జు, ఒక టేబుల్ స్పూన్ మజ్జిగ, ఒక గుడ్డులోని తెల్లసొన మిక్స్ చేయాలి. అన్నింటినీ బాగా మిక్స్ చేసిన తర్వాత.. ముఖానికి అప్లై చేయాలి. బాగా ఆరిన తర్వాత.. చల్లటి నీటితో శుభ్రం చేసుకోవాలి.

చర్మ రంధ్రాలకు

ఒక టేబుల్ స్పూన్ చల్లటి మజ్జిగలో కాటన్ బాల్ ముంచి.. ముఖంపై బాగా రుద్దాలి. 5 నిమిషాల తర్వాత.. చల్లటినీటితో శుభ్రం చేసుకోవాలి. ఆరిన తర్వాత.. పలుచగా.. రోజ్ వాటర్ రాసుకోవాలి. కాసేపటి తర్వాత.. లైట్ మాయిశ్చరైజర్ తో మసాజ్ చేస్తే.. చర్మ రంధ్రాలు మూసుకుపోతాయి.

స్కిన్ రిపేరింగ్

ఒక ఎగ్ వైట్ తీసుకుని అందులో టేబుల్ స్పూన్ తేనె, 10 చుక్కల ఆల్మండ్ ఆయిల్, టీ స్పూన్ మజ్జిగ కలపాలి. అన్నీ బాగా మిక్స్ చేసి..ముఖానికి, మెడకు రాసుకోవాలి. 30 నిమిషాల తర్వాత.. బాగా స్ర్కబ్ చేసి. .శుభ్రం చేసుకోవాలి.

స్కిన్ వైటెనింగ్

1 టేబుల్ స్పూన్ మజ్జిగ, 1 టేబుల్ స్పూన్ ముల్తానీ మట్టి, చిటికెడు పసుపు, టీ స్పూన్ తేనె కలపాలి. అన్నింటినీ బాగా మిక్స్ చేసి.. ముఖానికి, మెడకు అప్లై చేయాలి. 30 నిమిషాల తర్వాత.. బాగా స్క్రబ్ చేసి.. చల్లటి నీటితో శుభ్రం చేసుకోవాలి.

స్కిన్ టోనింగ్ మాస్క్

1 టేబుల్ స్పూన్ బట్టమిల్క్ పౌడర్ లో కావాల్సినన్ని నీళ్లు కలపాలి. ఈ మిశ్రమాన్ని ముఖానికి, మెడకు పట్టించాలి. 20 నిమిషాల తర్వాత.. శుభ్రం చేసుకోవాలి. ఈ టీప్ తో.. డార్క్ స్పాట్స్ తొలగిపోయి.. చర్మం నిగారింపు సంతరించుకుంటుంది.