బ్లాక్ హెడ్స్ ని చిటికెలో మాయం చేసే ఫ్రూట్ స్క్రబ్స్

స్ట్రాబెర్రీ

స్ట్రాబెర్రీలో విటమిన్ సి సమృద్దిగా ఉంటుంది. ముందుగా ముఖాన్ని చల్లని నీరు లేదా చల్లని పాలతో శుభ్రం చేసుకొని ఆ తర్వాత స్ట్రాబెర్రీ గుజ్జుతో మసాజ్ చేయాలి. స్ట్రాబెర్రీలో విత్తనాలు ఉండుట వలన చర్మ రంద్రాలను శుభ్రపరచి బ్లాక్ హెడ్స్ ని తొలగించటానికి సహాయపడుతుంది.

కివి

ఈ అందమైన ఆకుపచ్చని పండు చర్మానికి చాలా అనుకూలంగా ఉంటుంది. కివి పండును సగానికి కోసి ప్రభావిత ప్రాంతంలో రుద్ది 15 నిమిషాల తర్వాత ముఖాన్ని శుభ్రం చేసుకోవాలి.

అనాస పండు

అనాస పండు

ఆపిల్

ఆపిల్ చర్మ ఇన్ ఫెక్షన్స్ మరియు సమస్యలను తగ్గించటానికి సహాయపడుతుంది. అంతేకాకుండా చర్మం టోన్ అభివృద్ధి మరియు బ్లాక్ హెడ్స్ తొలగించుకోవటానికి సహాయపడుతుంది. ప్రభావిత ప్రాంతంలో ఆపిల్ గుజ్జుతో మసాజ్ చేసి 10 నిమిషాల తర్వాత చల్లని పాలతో కడగాలి.

పియర్

పియర్ లో చర్మాన్ని సంరక్షించే లక్షణాలు ఉన్నాయి. పియర్ ని కట్ చేసి ఒక చెంచా సాయంతో గుజ్జును బయటకు తీసి మెత్తని గుజ్జుగా చేయాలి. ఈ గుజ్జును ప్రభావిత ప్రాంతంలో రాసి వేళ్ళ సాయంతో మసాజ్ చేసి 5 నిమిషాల తర్వాత శుభ్రం చేయాలి.

పుచ్చకాయ

వేసవి పండు అయిన పుచ్చకాయ చర్మ రంద్రాలను రిఫ్రెష్ చేయటానికి సహాయపడుతుంది. ఈ గుజ్జును ప్రభావిత ప్రాంతంలో రాసి మసాజ్ చేస్తే చర్మ రంద్రాలు శుభ్రం అయ్యి బ్లాక్ హెడ్స్ తగ్గిపోతాయి.

టమోటా

బాగా పండిన టమోటాను తీసుకోని సగానికి కోసి గుజ్జును తీసుకోని ప్రభావిత ప్రాంతంలో రాసి మసాజ్ చేసి 15 నిమిషాల తర్వాత ముఖాన్ని శుభ్రం చేయాలి. ఈ విధంగా వారానికి ఒకసారి చేస్తే క్రమంగా బ్లాక్ హెడ్స్ తొలగిపోతాయి.