వీకెండ్ స్పెషల్: ఇంట్లోనే తయారుచేసుకునే ట్యాన్ రిమూవల్ బ్లీచ్ లు..

పెరుగు

బ్లీచింగ్ ఎఫెక్ట్ ఇవ్వడానికి పెరుగు చాలా సహజసిద్ధంగా పనిచేస్తుంది. కాబట్టి పెరుగులో కాస్త పసుపు, పాలమీగడ కలిపి.. బాగా కలుపుకోవాలి. ఈ మిశ్రమాన్ని ట్యాన్ ఉన్న ప్రాంతంలో రాసుకోవాలి. 20 నిమిషాల తర్వాత శగనపిండితో.. స్క్రబ్ చేసుకుంటే.. సహజ మెరుపు సొంతం చేసుకోవచ్చు.

బ్రెడ్

బ్రెడ్ తో బ్లీచింగా అని ఆశ్చర్యపోతున్నారా ? నిజమే బ్రెడ్ ట్యాన్ తొలగించడంలో బాగా పనిచేస్తుంది. వైట్ బ్రెడ్ ని ముక్కలుగా కట్ చేసి.. నిమ్మరసం, పాలు కలుపుకోవాలి. ఈ మిశ్రమంతో.. ట్యాన్ ఉన్న ప్రాంతంలో బాగా స్క్రబ్ చేయాలి. 20 నిమిషాల తర్వాత కడిగేసుకుంటే.. ట్యాన్ తేలికగా తొలగిపోతుంది.

టొమాటొ

రెండు స్పూన్ల టొమాటొ రసానికి, అర స్పూన్ నిమ్మరసం, రెండు స్పూన్ల పెరుగు కలిపి పేస్ట్ తయారు చేసుకోవాలి. ఈ మిశ్రమంతో.. ముఖానికి, మెడకు అప్లై చేయాలి. ఆరిన తర్వాత.. మళ్లీ అప్లై చేయాలి. మళ్లీ ఆరిన తర్వాత నీటితో శుభ్రం చేసుకుంటే.. మంచి ఫలితం ఉంటుంది.

కలబంద

కలబందలో న్యాచురల్ బ్లీచింగ్ ఏజెంట్ ఉంటుంది. కాబట్టి కలబంద గుజ్జు, టమోటా రసం సమానంగా తీసుకుని.. నానబెట్టి పేస్ట్ చేసి ఎర్రపప్పు మిశ్రమాన్ని కలపాలి. ఈ మూడింటిని కలిపిన పేస్ట్ తో.. ట్యాన్ ఉన్న దగ్గర మసాజ్ చేసి.. 20 నిమిషాల తర్వాత కడిగేస్తే... ట్యాన్ దూరమవుతుంది.

ఓట్ మీల్

రెండు స్పూన్ల పెరుగు, స్పూన్ ఓట్ మీల్ వేసి బాగా కలపాలి. కాసేపు రెండు బాగా నానిన తరవ్ాత.. ముఖానికి అప్లై చేయాలి. 15 నిమిషాల తర్వాత కడిగేసుకుంటే.. ట్యాన్ దూరమవుతుంది.

బొప్పాయి

బొప్పాయి బ్లీచింగ్ ఏజెంట్ లా పనిచేస్తుంది. బొప్పాయి, పైనాపిల్ ముక్కల్ని సమానంగా తీసుకుని మిక్సీ పట్టాలి. ఇందులో కాస్త నిమ్మరసం కలిపి ముఖానికి రాసుకుని 20 నిమిషాల తర్వాత రోజ్ వాటర్ తో శుభ్రం చేసుకోవాలి. ఇలా చేయడం వల్ల ట్యాన్ తొలగిపోవడంతో పాటు.. చర్మం నిగారింపు సంతరించుకుంటుంది.

ఆరంజ్

ఆరంజ్ లో విటమిన్ సి ఎక్కువగా ఉండటం వల్ల చర్మాన్ని చాలా మంచిది. రెండు ముక్కల ఆరంజ్ ముక్కల గుజ్జుకి, 2 స్పూన్ల పెరుగు కలిపి.. మిక్స్ చేయాలి. ఫేస్ కి అప్లై చేసి.. శుభ్రం చేసుకుంటే.. మంచి ఫలితం ఉంటుంది.