జిడ్డు చ‌ర్మానికి ఇంట్లో సింపుల్‌గా త‌యారుచేసుకునే ఫేస్ వాష్

ఆయిలీ స్కిన్ ప్రాబ్ల‌మ్స్

ఆయిలీ స్కిన్ కార‌ణంగా మొటిమ‌లు, యాక్నే, బ్లాక్ హెడ్స్, వైట్ హెడ్స్, గుంత‌లు ఏర్ప‌డి చ‌ర్మం నిర్జీవంగా, అంద‌విహీనంగా క‌నిపిస్తుంది. ఇలాంటి చ‌ర్మత‌త్వం ఉన్న‌వాళ్లు కాస్త కేర్, అటెన్ష‌న్ అవ‌స‌రం. మార్కెట్‌లో దొరికే ఫేస్ వాష్‌ల‌లో కెమిక‌ల్స్, ఫ్రాగ్రెన్సేస్ ఉంటాయి. ఇవి చ‌ర్మానికి మ‌రింత హాని చేస్తాయి. కాబ‌ట్టి ఇంట్లోనే న్యాచుర‌ల్‌గా త‌యారు చేసుకునే ఫేస్ వాష్ ద్వారా ఎక్కువ ప్ర‌యోజ‌నాలు పొంద‌వ‌చ్చు.

బేకింగ్ సోడా

బేకింగ్ సోడాలో యాంటీసెప్టిక్, యాంటీ ఇన్ల్ఫ‌మేట‌రీ, క్లెన్సింగ్, న్యూట్ర‌లైజింగ్ గుణాలుంటాయి. ఇవి జిడ్డు చ‌ర్మానికి, మొటిమ‌ల‌ను తొల‌గించడంలో ఎఫెక్టివ్‌గా ప‌నిచేస్తాయి.

తేనె

తేనె చ‌ర్మాన్ని స్మూత్‌గా చేస్తుంది. ఇందులో ఉండే యాంటీ బ్యాక్టీరియ‌ల్, యాంటీ ఇన్ల్ఫ‌మేట‌రీ గుణాలు.. మొటిమ‌లు, ఇన్ఫెక్ష‌న్‌ల‌కు కార‌ణ‌మ‌య్యే బ్యాక్టీరియాతో పోరాడ‌తాయి.

ప‌సుపు

ప‌సుపులో కూడా యాంటీ ఆక్సిడెంట్స్, యాంటీ ఇన్ల్ఫ‌మేట‌రీ, యాంటీ బ్యాక్టీరియ‌ల్ గుణాలు మెండుగా ఉంటాయి. అలాగే ర‌క‌ర‌కాల చ‌ర్మ స‌మ‌స్య‌ల‌తో పోరాడే స‌త్తా ప‌సుపులో ఉంటుంది. అలాగే చ‌ర్మాన్ని కాంతివంతంగా మార్చ‌డంలోనూ ప‌సుపు ఎఫెక్టివ్‌గా ప‌నిచేస్తుంది.

ఫేస్ వాష్‌

చ‌ర్మాన్ని గోరువెచ్చ‌ని నీటితో శుభ్రం చేసుకోవాలి. ఒక టీ స్పూన్ తేనె, చిటికెడు ప‌సుపు, అర టీ స్పూన్ బేకింగ్ సోడా అర‌చేతిలో వేసుకోవాలి. వీటన్నింటినీ రెండు చేతుల‌తో మొఖంపై బాగా రుద్దాలి. సర్కుల‌ర్ మోష‌న్ లో 2 నిమిషాల పాటు స్క్ర‌బ్ చేయాలి. ఎక్కువ ఆయిలీగా అనిపించే ప్రాంతంలో ఎక్కువ‌గా రుద్దుకోవాలి. త‌ర్వాత చ‌ల్ల‌టి నీటితో శుభ్రం చేసుకోవాలి. అంతే హోంమేడ్ ఫేస్ వాష్ అయిపోతుంది. చాలా సింపుల్ గా ఉన్న ఈ టిప్ ట్రై చేస్తారు క‌దూ.. !