నారింజ తొక్క ఫేస్ ప్యాక్స్ లో దాగున్న స్కిన్ సీక్రెట్స్..!

ఆల్మండ్ స్క్రబ్, ఆరంజ్ పీల్

ఆరంజ్ పీల్, ఆల్మండ్ స్క్రబ్ చర్మంలోని మలినాలను ఎఫెక్టివ్ గా తొలగిస్తుంది. అలాగే ఫ్రెష్, రేడియంట్ లుక్ అందిస్తుంది. ఎండిన నారింజ తొక్కలు, 10 నుంచి 20 బాదాం గింజలను బ్లెండర్ లో వేసి పొడిచేయాలి. దీన్ని ప్రతిరోజూ పాలు కలిపి.. స్క్రబ్ చేసుకుంటూ ఉండాలి. ఇది క్లియర్ కాంప్లెక్షన్ ని ఇస్తుంది.

ఆరంజ్ పీల్, పెరుగు

ఆరంజ్ పీల్, పెరుగు రెండూ.. చర్మంలో ఫైన్ లైన్స్, ముడతలను ఎఫెక్టివ్ గా నివారిస్తాయి. కొద్దిగా ఆరంజ్ పీల్ పొడి తీసుకుని పెరుగు కలిపి ముఖానికి మసాజ్ చేసుకోవాలి. తర్వాత చల్లటి నీటితో శుభ్రం చేసుకోవాలి.

ఆరంజ్ పీల్, షుగర్ స్క్రబ్

ఆరంజ్ పీల్ ని కొద్దిగా తరుముకోవాలి. అందులో కొద్దిగా పంచదార కలపాలి. ఇందులో కొద్దిగా కొబ్బరినూనె, తేనె కలిపి.. ముఖానికి అప్లై చేసి.. స్క్రబ్ చేసుకోవాలి. తర్వాత గోరువెచ్చటి నీటితో శుభ్రం చేసుకుంటే.. ఫ్రెష్ అండ్ క్లియర్ స్కిన్ మీ సొంతమవుతుంది.

ఆరంజ్ పీల్, పాలు

ఆరంజ్ పీల్, పాల మిశ్రమం చర్మాన్ని హైడ్రేట్ చేస్తుంది. అలాగే పెద్ద పెద్ద చర్మ రంధ్రాలను సన్నగా మారుస్తుంది. 2 స్పూన్ల ఆరంజ్ పీల్ పౌడర్ లో, పాలు లేదా పాల మీగడ మిక్స్ చేయాలి. అలాగే కొబ్బరినూనె కొద్దిగా కలిపి.. ముఖానికి మసాజ్ చేయాలి. 15 నిమిషాల తర్వాత చల్లటి నీటితో శుభ్రం చేసుకోవాలి.

ఆరంజ్ పీల్, వేప ఆకులు

ఆరంజ్ పీల్, వేప ఆకులు మొటిమలను చాలా ఎఫెక్టివ్ గా నివారిస్తాయి. సున్నితమైన, ఆయిలీ స్కిన్ పై ఈ ప్యాక్ చాలా మంచి ఫలితాలను ఇస్తుంది. కొద్దిగా ఆరంజ్ పీల్ పౌడర్ తీసుకుని, కొద్దిగా వేప పొడి కలపాలి. కొబ్బరినూనె మిక్స్ చేసి పేస్ట్ చేసుకోవాలి. ఈ మిశ్రమాన్ని ముఖానికి అప్లై చేస్తే ఫలితాలు ఆశ్చర్యపరుస్తాయి.