మోచేతులు మిళమిళా మెరిసిపోవాలంటే.. ?

చేతులంతా తెల్లగా మెరిసిపోతూ ఉంటాయి. మోతులు చూస్తే నల్లగా ఇబ్బందికరంగా ఉంటాయి. వాటిని దాచుకోవడానికి ప్రతిసారీ పొడవు చేతుల డ్రెస్ లు వేసుకోలేం. మరి ఏం చేయాలి. ఎంత ప్రయత్నించినా.. ఎన్ని చిట్కాలు ఫాలో అయినా.. మోచేతుల నలుపు మాత్రం తగ్గడం లేదని చాలా మంది డీలా పడుతుంటారు. అయితే మీకు ఈజీగా, ఎఫెక్టివ్ గా రిజల్ట్స్ తీసుకొచ్చే అద్భుతమైన ట్రీట్మెంట్స్ మీ వంటింట్లో దాగున్నాయి.

కానీ ఒకసారి రెండు సార్లు ప్రయత్నిస్తే తగ్గదు. అలాగని.. ఎప్పుడో ఒకసారి ప్రయత్నించినా ఫలితం ఉండదు. కాబట్టి.. రెగ్యులర్ గా.. ఇక్కడ చెబుతున్న సింపుల్ టిప్స్ ట్రై చేయండి.. మీ మోచేతులు.. మిళమిళా మెరిపించుకోండి.

తేనె, చందనం
గంధం పొడి, తేనె మిశ్రమాన్ని కలిపి.. రెండు వారాలకు ఒకసారైనా మోచేతులకు అప్లై చేయండి. ఖచ్చితంగా ఈ ప్యాక్ మీ మోచేతులపై డెడ్ సెల్స్ తొలగించి.. హెల్తీ, గ్లోయింగ్ స్కిన్ అందిస్తుంది.

పెరుగు, శనగపిండి
శనగపిండి, పెరుగు కలిపి.. మోచేతులకు రాసుకుని అరగంటపాటు ఆరనివ్వాలి. కొన్ని రోజుల్లోనే తేడా మీకు కనిపిస్తుంది. ఈ ప్యాక్ వేసుకోవడం వల్ల చర్మం హెల్తీగా, మాయిశ్చరైజ్డ్ గా ఉంటుంది.

దోసకాయ, పపాయ
ఈ ప్యాక్ చాలా వండర్ ఫుల్ గా పనిచేస్తుంది. ఈ రెండింటిని సమానంగా తీసుకుని పేస్ట్ తయారు చేసుకోవాలి. దీన్ని వారానికి ఒకసారి వీలైతే.. రెండుసార్లు అప్లై చేయాలి. త్వరలోనే మీ మోచేతులు తెల్లగా మిళమిళా మెరిసిపోతాయి.