ఆరంజ్ ఫేస్ ప్యాక్ లతో 7రోజుల్లో మెరిసే చర్మ సౌందర్యం..!!

ఆరంజ్, తేనె, పసుపు

ఒక టేబుల్ స్పూన్ ఆరంజ్, ఒక టీస్పూన్ తేనె, చిటికెడు పసుపు కలపాలి. అన్నింటినీ బాగా మిక్స్ చేసి.. ముఖాన్ని శుభ్రం చేసుకున్న తర్వాత ఈ ప్యాక్ అప్లై చేయాలి. 15 నుంచి 30 నిమిషాల తర్వాత శుభ్రం చేసుకోవాలి. ఇది అలసిపోయిన చర్మానికి పోషణ అందిస్తుంది.

పెరుగు, ఆరంజ్

ఈ ప్యాక్ చర్మాన్ని హైడ్రేట్ చేసి స్మూత్ గా మారుస్తుంది. ఆరంజ్ పీల్ ని ఎండలో 24గంటలు ఎండబట్టి.. పౌడర్ చేసుకోవాలి. ఒక టీస్పూన్ ఈ పౌడర్ లో 1టేబుల్ స్పూన్ పెరుగు కలపాలి. మెత్తగా పేస్ట్ అయిన తర్వాత.. ముఖానికి, మెడకు అప్లై చేయాలి. 30 నిమిషాల తర్వాత శుభ్రం చేసుకోవాలి.

పాలు, ఆరంజ్ పౌడర్

ఈ మాస్క్ చర్మ రంధ్రాల్లో దుమ్ముని తొలగించి, మొటిమలను నివారించి.. సెబమ్ ఉత్పత్తిని కంట్రోల్ చేస్తుంది. ఒక టేబుల్ స్పూన్ ఆరంజ్ పీల్ పౌడర్, కొద్దిగా పాలు కలిపి పేస్ట్ చేసుకోవాలి. తర్వాత మైల్డ్ క్లెన్సర్ తో శుభ్రం చేసుకున్న తర్వాత.. ప్యాక్ అప్లై చేయాలి. బాగా ఆరిపోయిన తర్వాత.. నీళ్లు చల్లి.. స్క్రబ్ చేసుకోవాలి. తర్వాత చల్లటినీటితో శుభ్రం చేసుకోవాలి.

గంధం, ఆరంజ్ పీల్ పౌడర్

ఒక టీస్పూన్ నారింజ తొక్కపొడి, అదే మోతాదులో గంధం, రోజ్ వాటర్ మిక్స్ చేసి పేస్ట్ చేసుకోవాలి. బ్రష్ ఉపయోగించి.. ప్యాక్ అప్లై చేయాలి. 20 నిమిషాల తర్వాత శుభ్రం చేసుకోవాలి. ఈ ప్యాక్ చర్మంపై ట్యాన్ తొలగించి గ్లోయింగ్ గా మారుస్తుంది.

ఆరంజ్, ఓట్స్

1టీస్పూన్ వాల్ నట్ పౌడర్, టీస్పూన్ ఓట్స్ పౌడర్ లో అవసరమైనంత ఆరంజ్ జ్యూస్ కలిపి పేస్ట్ చేసుకోవాలి. ఈ ప్యాక్ ని ముఖానికి అప్లై చేసి.. 20 నిమిషాల తర్వాత 2నిమిషాల పాటు స్క్రబ్ చేయాలి. తర్వాత చల్లటి నీటితో శుభ్రం చేసుకోవాలి. తర్వాత మాయిశ్చరైజర్ అప్లై చేయాలి. ఇలా తరచుగా చేస్తూ ఉంటే.. డెడ్ స్కిన్ లేయర్ తొలగిపోయి.. చర్మం సాఫ్ట్ గా మారుతుంది.

పాలమీగడ, ఆరంజ్

1 టీస్పూన్ ఆరంజ్ పౌడర్, 2టేబుల్ స్పూన్ల పాలమీగడ కలిపి పేస్ట్ చేసుకోవాలి. ఈ మిశ్రమంతో.. చర్మానికి 5నిమిషాలు మసాజ్ చేయాలి. తర్వాత చల్లటి నీటితో శుభ్రం చేసుకోవాలి. ఇలా చేయడం వల్ల చర్మంలో కొల్లాజెన్ లెవెల్ పెరిగి, ఎలాస్టిసిటీ పెరుగుతుంది. దీనివల్ల ఫైన్ లైన్స్ ను అరికట్టవచ్చు.

మసాజ్ కి

ఆరంజ్ పీల్ ని సగానికి మడిచి.. జ్యూస్ ని ముఖంపై పిండాలి. స్మూత్ గా జ్యూస్ ని వేలితో ముఖమంతా స్ప్రెడ్ చేయాలి. కాస్త మంటగా అనిపించవచ్చు. కానీ 5 నిమిషాల అలానే వదిలేసి.. శుభ్రం చేసుకుంటే.. చర్మం గ్లోయింగ్ గా మారుతుంది.