ఆరంజ్ ఫేస్ ప్యాక్‌తో డే అండ్ నైట్ ఫ్రెష్ లుక్

పెరుగు, తేనెతో

చర్మంపై డడ్ స్కిన్ సెల్స్ తొలగించి గ్లోయింగ్ స్కిన్ పొందడానికి పెరుగు సహాయపడుతుంది. అలాగే డార్క్ స్పాట్స్ తొలగించి, ఏజింగ్ ని నివారించవచ్చు. కాబట్టి 2 టీ స్పూన్ల ఆరంజ్ పీల్ పౌడర్, 1 టీ స్పూన్ తేనె, 1 టీస్పూన్ పెరుగు తీసుకోవాలి. అన్నింటినీ బాగా మిక్స్ చేసి.. మందంగా ముఖంపై అప్లై చేసుకోవాలి. 15నిమిషాల తర్వాత నీటితో శుభ్రం చేసుకోవాలి. తర్వాత మాయిశ్చరైజర్ రాసుకోవాలి. అంతే.. యంగ్ అండ్ బ్యూటీఫుల్ లుక్ సొంతం చేసుకోవచ్చు.

ఓట్ మీల్, ఆరంజ్ పీల్

మొటిమలతో బాధపడుతుంటే.. ఆరంజ్ పీల్ ఫేస్ ప్యాక్ ట్రై చేయండి. ఇది డర్ట్, ఆయిల్ తగ్గించి బ్లాక్ హెడ్స్ ని కూడా తొలగిస్తుంది. 2 టీస్పూన్ల ఆరంజ్ పీల్ పౌడర్, 1 టీస్పూన్ ఓట్ మీల్, 1 టీ స్పూన్ బేకింగ్ సోడా తీసుకుని బాగా మిక్స్ చేయాలి. చేతివేళ్లతో ముఖానికి అప్లై చేసుకోవాలి. గుండ్రంగా మసాజ్ చేస్తూ నీటితో శుభ్రం చేసుకుంటే మంచి ఫలితం ఉంటుంది.

స్ర్కబ్

స్క్రబ్ చేసుకోవడానికి ఆరంజ్ పీల్ పౌడర్ అవసరం లేదు. డైరెక్ట్ గా నారింజ తొక్కతో స్క్రబ్ చేసుకోవచ్చు. ఒక కప్ లో కొద్దిగా పంచదార, కొంచెం ఆరంజ్ పీల్, కొంచెం తేనె, కొంచెం కొబ్బరినూనె కలిపి బాగా మిక్స్ చేయాలి. ఈ మిశ్రమాన్ని శరీరానికి కూడా ఉపయోగించవచ్చు. దీంతో స్ర్కబ్ చేయడం వల్ల స్కిన్ ప్రకాశవంతంగా మారుతుంది.

పాలు, నారింజ తొక్క పొడి

పాలు, నారింజ తొక్క పొడి సమానంగా తీసుకుని బాగా పేస్ట్ లా కలపాలి. ఈ మిశ్రమాన్ని ముఖానికి, నెక్ కి పట్టించి 30 నిమిషాల తర్వాత శుభ్రం చేసుకోవాలి. ఈ మాస్క్ స్కిన్ పై ఉండే అదనపు జిడ్డుని, మృతకణాలను తొలగించి చర్మం ప్రకాశించేలా చేస్తుంది.

క్లెన్సర్ మాస్క్

చర్మంపై ఉండే అదనపు ఆయిల్ ని తొలగించడంతో పాటు, చర్మాన్ని హైడ్రెట్ చేస్తుంది ఈ మాస్క్. రెండు టీ స్పూన్ల ఆరంజ్ పీల్ పౌడర్, 1 టీ స్పూన్ పాలు, 1 టీస్పూన్ కొబ్బరినూనె తీసుకుని అన్ని బాగా మిక్స్ చేయాలి. ఈ మాస్క్ తరచుగా వేసుకోవడం వల్ల.. చర్మం అందం, స్మూత్ గా మారుతుంది.

గ్లోయింగ్ స్కిన్ కి

నారింజ తొక్క పొడి, ఎండిన నిమ్మ ఆకులు, దానిమ్మ తొక్క అన్నింటినీ నిమ్మరసం కలిపి పేస్ట్ చేసుకోవాలి. ఈ ప్యాక్ ని రెగ్యులర్ గా అప్లై చేస్తే.. చర్మం ప్రకాశవంతంగా మారుతుంది. ఇది చాలా ఎఫెక్టివ్ గ్లో తీసుకొస్తుంది.

ఆరంజ్ పీల్ లిప్ బామ్

ఒక కప్పులో నారింజ తొక్క పొడి, చక్కెర, ఆల్మండ్ ఆయిల్ మిక్స్ చేయాలి. అయితే నారింత తొక్క పొడి ఎంత తీసుకుంటామో, అంత పరిమాణంలోనే పంచదార తీసుకోవాలి. ఈ లవ్లీ లిప్ బామ్.. మంచి సువాసన వెదజల్లుతూ.. మీ పెదాలకు స్మూత్ ఫీలింగ్ తీసుకొస్తుంది.

చర్మంపై ముడతలకు

2 టీస్పూన్ల నారింజ తొక్క పొడి, 1 టీస్పూన్ చందనం తీసుకుని రోజ్ వాటర్ కలిపి.. పేస్ట్ తయారు చేసుకోవాలి. ఈ మిశ్రమాన్ని ముఖానికి, మెడకి అప్లై చేసి అరగంట తర్వాత నీటితో శుభ్రం చేసుకోవాలి. ఇలా వారానికి రెండుసార్లు అప్లై చేస్తూ.. యూత్ ఫుల్ గ్లోయింగ్ స్కిన్ పొందడమే కాకుండా.. చర్మంపై ముడతలు మాయమవుతాయి.

ముల్తానీ మట్టి

ఒక టేబుల్ స్పూన్ నారింజ తొక్క పొడి, 1 టేబుల్ స్పూన్ ముల్తానీ మట్టి, 2 టీస్పూన్ల పాలు తీసుకుని అన్నింటినీ కలిపి చక్కగా పేస్ట్ చేసుకోవాలి. ఈ మిశ్రమాన్ని ముఖానికి అప్లై చేసి అరగంట తర్వాత చల్లటి నీటితో శుభ్రం చేసుకోవాలి. రోజు మార్చి రోజు ఈ ప్యాక్ అప్లై చేయడం వల్ల ముఖంపై ఉండే నల్లటి మార్క్స్ తొలగిపోతాయి.