Just In
- 25 min ago ఎన్నికల ముందు ప్రచారంలో గాల్లో మేడలు కడుతున్న నాయకులు..
- 2 hrs ago ఈ 4 రాశులకు శుక్రుడు, రాహువు కలయిక గొప్ప ఫలితాలిస్తాయి, ఏప్రిల్లో డబ్బు వర్షం కురుస్తుంది
- 3 hrs ago First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- 6 hrs ago నోరూరించే పచ్చి మామిడికాయ గొజ్జు కర్రీ వేడివేడి అన్నంతో తింటుంటే ఆహా అనాల్సిందే..
క్లియర్ స్కిన్ కోసం హీరోయిన్స్ ఫాలో అయ్యే సింపుల్ హోం రెమిడీస్..!!
వెండితెరపై వెలిగిపోయే అందాల తారలను చూసి.. వావ్ వాళ్ల స్కిన్ అంత గ్లోయింగ్ గా, క్లియర్ గా ఎలా ఉంటుంది ? వాళ్లు ఎలాంటి కేర్ తీసుకుంటారు ? అన్న డౌట్స్ చాలామంది అమ్మాయిలకు వస్తుంటాయి. మరికొందరైతే.. వాళ్లు రెగ్యులర్ గా పార్లర్లకు వెళ్తారు కాబట్టి.. వాళ్ల చర్మం అంత మెరిసిపోతుందని భావిస్తారు.
కానీ.. హీరోయిన్స్ స్కిన్ సీక్రెట్స్ ఎక్కడో పార్లర్ లో కాదు.. ఇంట్లోనే ఉన్నాయట. ఖరీదైన బ్యూటీ ప్రొడక్ట్స్, ట్రీట్మెంట్స్ తోనే వెండితెర ముద్దుగుమ్మల చర్మం గ్లోయింగ్ గా ఉంటుందని భావిస్తే.. మీరు పొరబడ్డట్టే. బ్యూటీ ప్రొడక్ట్స్, ట్రీట్మెంట్స్ వల్ల చర్మంపై సైడ్ ఎఫెక్ట్స్ వస్తాయని వాళ్లు భావించి.. హోం రెమిడీస్ ఫాలో అవుతూ.. చర్మ సౌందర్యాన్ని రెట్టింపు చేసుకుంటున్నారట.
బాలీవుడ్ లో టాప్ ఛెయిర్ లో ఉన్న యంగ్ అండ్ బ్యూటిఫుల్ బ్యూటీస్ తమ చర్మ సౌందర్యానికి ఫాలో అయ్యే టిప్స్ అండ్ ట్రిక్స్ ని రివీల్ చేసేశారు. సింపుల్ గా ఇంట్లో అందుబాటులో ఉన్న వస్తువులతోనే క్లియర్ స్కిన్ పొందుతామంటున్న వాళ్ల టిప్స్ ఏంటో తెలుసుకోండి. ఏ హీరోయిన్ ఎలాంటి రెమిడీస్ ఫాలో అవుతుందో మీకోసం..
అలియా భట్
వాగ్యూ ఇంటర్వ్యూలో బబ్లీ బ్యూటీ అలియా భట్ తన స్కిన్ సీక్రెట్ ని రివీల్ చేసింది. ఈమె తన కళ్లు హెల్తీగా ఉండటానికి ఐస్ క్యూబ్స్, చర్మ సమస్యలు దరిచేరకుండా ఉండటానికి ముల్తానీ మట్టిని ఉపయోగిస్తుందట.
పరిణీతి చోప్రా
చర్మ సౌందర్యానికి పరిణీతి చోప్రా వాళ్ల అమ్మ ఎప్పుడూ.. హోం రెమిడీస్ నే ఫాలో అవమని చెప్పేదట. అన్నీ ఫాలో అవకపోయినా.. న్యాచురల్ అలోవెరా జ్యూస్ ని ముఖానికి ఎప్పుడూ పట్టించడం అలవాటుగా మారిందట. ఇది అప్లై చేయడం వల్ల.. చర్మం సాఫ్ట్ గా, మాయిశ్చరైజ్డ్ గా ఉంటుందని చెబుతోంది ఈ బ్యూటీ.
దీపికా పదుకొనె
వారానికి ఒకసారి ఖచ్చితంగా కొబ్బరినూనెతో జుట్టుకి మసాజ్ చేసుకుంటుందని.. పొడుగుకాళ్ల సుందరి దీపికా పదుకొనె. దీనివల్ల ఎక్కువసేపు ఎండలో ఉండటం వల్ల డ్యామేజ్ అయిన జుట్టుకి పోషణ అందుతుందని చెబుతోంది. ఈ హెయిర్ కేర్ టిప్ ని.. తన చిన్నతనం నుంచి ఫాలో అవుతోందట.. ఇది చాలా వండర్ ఫుల్ గా పనిచేస్తోందని చెబుతోంది.
సోనమ్ కపూర్
బాలీవుడ్ బ్యూటీ.. సోనమ్ కపూర్ చాలా సింపుల్ టిప్ తో.. అందమైన చర్మాన్ని సొంతం చేసుకుంది. ముందుగా పాలతో చర్మానికి బ్లీచ్ చేసి, తర్వాత శనగపిండి, పెరుగు ఫేస్ ప్యాక్ అప్లై చేస్తుంది. అలాగే జుట్టు సంరక్షణకు నెలకు రెండు సార్లు ఆల్మండ్ ఆయిల్, కొబ్బరినూనె, షీకాకాయ మిశ్రమాన్ని పట్టిస్తుందట. ఇది జుట్టుకి చాలా స్మూత్ నెస్ అందిస్తుందట.
కరీనా కపూర్
సైజ్ జీరోతో ఆకట్టుకున్న కరీనా కపూర్.. ఎంట్రీ ఇచ్చినప్పటి నుంచి ఇప్పటివరకు.. స్కిన్ లో ఎలాంటి మార్పూ రాలేదు. ఈ ముద్దుగుమ్మ తేనెను చర్మానికి పట్టించడం వల్ల.. చర్మం హైడ్రేట్ గా ఉంటుందట. ఇదే ఈ బ్యూటీ స్కిన్ సీక్రెట్.
అనుష్కా శర్మ
అనుష్కా శర్మ క్లియర్ స్కిన్ సీక్రెట్ కూడా.. చాలా సింపుల్ రెమిడీ. రోజ్ వాటర్ తో ఫేస్ వాష్ చేసి.. వేప ఆకుతో ఫేస్ ప్యాక్ వేసుకుంటుందట. దీనివల్ల చర్మం డెటాక్సిఫై అవుతుంది. హాట్ ఆయిల్ ట్రీట్మెంట్స్.. జుట్టుని హెల్తీగా మారుస్తాయి అంటోంది ఈ ముద్దుగుమ్మ.
ఐశ్వర్యారాయ్
ఈ ప్రపంచంలోనే అత్యంత అందమైన అమ్మాయిగా క్రేజ్ సంపాదించిన ఐష్ కూడా తన బ్యూటీ సీక్రెట్ రివీల్ చేసింది. దోసకాయ చర్మ సమసస్యలకు, శనగపిండిలో పాలు లేదా పెరుగు కలిపి పట్టించడం వల్ల చర్మానికి మాయిశ్చరైజర్ అందిస్తుందని చెబుతోంది. దీనివల్ల టాక్సిన్స్ తొలగిస్తుంది. అలాగే తేనె, నిమ్మరసం, హాట్ వాటర్ తో లోషన్ ప్రిపేర్ చేసుకుని శరీరానికి అప్లై చేస్తుందట.