బ్లాక్ హెడ్స్ ని నొప్పి లేకుండా తొలగించే బెస్ట్ హోం రెమిడీస్..

గెలటిన్ ప్యాక్

స్టిక్కీగా ఉండే గెలటిన్ బ్లాక్ హెడ్స్ ని ఎఫెక్టివ్ గా తొలగిస్తుంది. మలినాలను బయటకు పంపుతుంది. అయితే దీన్ని ఉపయోగించేటప్పు ఎక్కువ పెయిన్ ఉంటుంది. కానీ.. ఎలాంటి హాని జరగదు. గెలటిన్ పౌడర్ ని నీళ్లతో కలిపి.. వెంటనే బ్లాక్ హెడ్స్ పై రాసుకోవాలి. బాగా ఆరిన తర్వాత పీల్ ఆఫ్ చేయాలి.

టూత్ పేస్ట్ స్క్రబ్

మింట్ టూత్ పేస్ట్ తీసుకోవాలి. జెల్ లేదా వైట్ గా ఉండేది. దానికి ఉప్పు కలిపి స్క్రబ్ తయారు చేసుకోవాలి. దాన్ని ముఖంపై బాగా రబ్ చేస్తే.. తేలికగా తొలగిపోతాయి.

ఎగ్ వైట్స్

ఒక ఎగ్ లోని తెల్లసొన తీసి.. రాసుకోవాలి. తర్వాత టిఫ్యూ పేపర్ పెట్టుకోవాలి. మళ్లీ ఇంకొక లేయర్ ఎగ్ వైట్ అప్లై చేసుకోవాలి. ఆరిన తర్వాత.. తీసేస్తే.. బ్లాక్ హెడ్స్ తొలగిపోతాయి. వారానికి ఒకసారి చేస్తే.. మెరుగైన ఫలితాలు పొందవచ్చు.

బంగాళదుంప రసం

బంగాళదుంప రసంలో న్యాచురల్ బ్లీచింగ్, క్లెసింగ్ ప్రాపర్టీస్ ఉంటాయి. ఒక బంగాళదుంప తీసుకుని సగానికి కట్ చేసి.. బ్లాక్ హెడ్స్ ఉన్న ప్రాంతంలో కింద నుంచి పైకి రుద్దుతూ ఉండాలి. ఇలా 10 నిమిషాల పాటు చేయడం వల్ల మంచి ఫలితం పొందవచ్చు.

పంచదారతో స్ర్కబ్

ఒక బౌల్ తీసుకుని 3 టేబుల్ స్పూన్ల చక్కెర వేయాలి.. అందులో రెండు చుక్కల రోజ్ వాటర్ కలిపి బాగా మిక్స్ చేయాలి. ఈ స్ర్కబ్ ని బ్లాక్ హెడ్స్ ఉన్న ప్రాంతంలో మసాజ్ చేయాలి. వారానికి రెండు సార్లు ఈ పద్ధతి ఫాలో అవడం వల్ల బ్లాక్ హెడ్స్ కి గుడ్ బై చెప్పవచ్చు.

నిమ్మరసం

నిమ్మరసం ఉపయోగించడం వల్ల చర్మంపై ఉండే బ్లాక్ హెడ్స్ తొలగిపోవడమే కాదు.. స్కిన్ కొత్త నిగారింపు సంతరించుకుంటుంది. నిమ్మరసంతో ముఖాన్ని మసాజ్ చేయాలి. తర్వాత 15 నిమిషాల తర్వాత శుభ్రం చేసుకోవాలి.