చలికాలంలో చర్మం పగలకుండా కంపల్సరీ తీసుకోవాల్సిన టిప్స్..!

స్నానానికి ముందు ఆయిల్

స్నానానికి ముందు శరీరానికి కొబ్బరినూనె పట్టించాలి. ఇది చర్మం మాయిశ్చరైజర్ కోల్పోకుండా అడ్డుకుంటుంది. దీనివల్ల చర్మం పొడిబారకుండా, పగలకుండా ఉంటుంది.

గోరువెచ్చని నీళ్లు

హాట్ వాటర్ ఉపయోగించడం వల్ల చర్మం డ్రైగా మారుతుంది. కాబట్టి గోరువెచ్చని నీటినే ఉపయోగించాలి. చలికాలంలో పాటించాల్సిన జాగ్రత్తల్లో ఇది ముఖ్యమైనది.

రెగ్యులర్ మాయిశ్చరైజర్

స్నానం చేసిన వెంటనే.. బాడీ బటర్ అప్లై చేయడం వల్ల.. తర్వాత చర్మం డ్రై కాకుండా ఉంటుంది. మాయిశ్చరైజర్ చర్మంలో ఇంకిపోయి.. డ్రై కాకుండా అడ్డుకుంటుంది.

హైడ్రేట్

చలికాలంలో చాలామంది ఫేస్ చేసే ప్రాబ్లమ్ డీహైడ్రేషన్. ఎందుకంటే.. నీళ్లు తాగాలి అనిపించదు. కాబట్టి.. నీళ్లు తాగాలని అనిపించకపోయినా.. చలికాలంలో కూడా నీళ్లు బాగా తాగాలి. అప్పుడే చర్మం పగలకుండా ఉంటుంది.

మసాజ్ ఆయిల్

మసాజ్ ఆయిల్ ని రాత్రి నిద్రపోవడానికి ముందు కనీసం వారానికి ఒకసారైనా పట్టించాలి. వారానికి ఒకసారి కంటే.. ఎక్కువసార్లు ఇలా చేస్తే.. బ్లడ్ సర్క్యులేషన్ మెరుగుపడి.. చర్మం మాయిశ్చరైజర్ కోల్పోకుండా ఉంటుంది.

షీ బట్టర్

తీవ్రమైన డ్రై స్కిన్ తో బాధపడేవాళ్లు.. ఏం చేసినా.. ఫలితం పొందలేకపోతారు. కాబట్టి షీ బట్టర్ ట్రై చేయండి. ఎలాంటి స్కిన్ టైప్ వాళ్లకైనా.. ఇది పర్ఫెక్ట్ రెమెడీ.

హ్యాండ్ క్రీమ్

సాధారణంగా చాలా మంది చేతులకు మాయిశ్చరైజర్ అప్లై చేయడాన్ని నిర్లక్ష్యం చేస్తారు. చేతులు ఎక్కువ పని చేస్తుంటాయి. కాబట్టి.. వాటిపై సరైన శ్రద్ధ అవసరం. కాబట్టి ప్రతిరోజూ.. ఎక్స్ ట్రా మాయిశ్చర్ ఉండే క్రీమ్ ని చేతులకు అప్లై చేయాలి.