అలసిన, నిర్జీవమైన చర్మంను కాంతివంతంగా మార్చే బీట్ రూట్ ఫేస్ మాస్క్

బీట్ రూట్ అండ్ మయోనైజ్ ఫేస్ మాస్క్

బీట్ రూట్ మయోనైజ్ ఫేస్ మాస్క్ డల్ అండ్ డ్రైడ్ స్కిన్ ను త్వరగా ప్రకాశవంతంగా మార్చుతుంది. అందుకు అరకప్పు మయోనైజ్ ను బీట్ రూట్ జ్యూస్ లో మిక్స్ చేసి. ముఖానికి మాస్క్ వేసుకోవాలి. ఈ కాంబినేషన్లో ఉండే ప్రోటీన్స్, విటమిన్స్, యాంటీఆక్సిడెంట్స్ చర్మంలో రేడియంట్ గ్లోను అందిస్తాయి.

బీట్ రూట్ అండ్ బాదం ఆయిల్ మాస్క్

కొన్ని బీట్ రూట్ ముక్కలు తీసుకుని మెత్తగా పేస్ట్ చేయాలి. తర్వాత ఇందులో కొద్దిగా బాదం ఆయిల్ మిక్స్ చేసి, ముఖానికి అప్లై చేసి మసాజ్ చేసుకోవాలి. ఈ బీట్ రూట్ అండ్ బాదం ఆయిల్ మాస్క్ చర్మంను కాంతివంతంగా..బ్రైట్ గా మార్చుతుంది. చర్మంలో నేచురల్ గ్లో అందిస్తుంది.

బీట్ రూట్ మరియు ముల్తానీ మట్టి ప్యాక్

బీట్ రూట్ ను మెత్తగా పేస్ట్ చేసి,అందులో కొద్దిగా ముల్తానీ మట్టిని మిక్స్ చేసి, నిమ్మరసం జోడించి ఫేస్ మాస్క్ తయారుచేసి, ముఖానికి అప్లై చేయాలి. 15 నిముషాల తర్వాత చల్లటి నీటితో ముఖం శుభ్రం చేసుకోవాలి. బీట్ రూట్ ముల్తానీ మట్టి ఫేస్ మాస్క్ చర్మంను కాంతివంతంగా మార్చుతుంది. చల్లటి నీటితో శుభ్రం చేసుకోవాలి. ముఖంలో మచ్చలు, మొటిమలు తొలగిపోతాయి. చర్మం కాంతివంతంగా తయారవుతాయి.

బీట్ రూట్ అండ్ పెరుగు ఫేస్ మాస్క్

బీట్ రూట్ , పెరుగు కాంబినేషన్ ఫేస్ మాస్క్ ను వేసుకోవడం వల్ల ఏజింగ్ లక్షణాలు దూరం అవుతాయి. డల్ గా ఉన్న చర్మం , ఫ్లాకీ స్కిన్ నివారించబడుతుంది. బీట్ రూట్ పేస్ట్ చేసి, అందులో అరకప్పు పెరుగు మిక్స్ చేసి, అరటీస్పూన్ పసుపు కలిపి పేస్ట్ లా చేయాలి. దీన్ని ముఖానికి అప్లై చేసి, మసాజ్ చేయాలి. కొన్ని నిముషాల తర్వాత చల్లటి నీటితో ముఖం శుభ్రం చేసుకోవాలి.

బీట్ రూట్ అండ్ ఆరెంజ్ జ్యూస్ ఫేస్ మాస్క్ :

బీట్ రూట్ జ్యూస్ ను ఆరెంజ్ జ్యూస్ తో మిక్స్ చేసి, ముఖానికి అప్లై చేయాలి. ఇది నేచురల్ సన్ స్ర్కీన్ లా పనిచేస్తుంది. ఇది చర్మానికి రక్షణ కల్పిస్తుంది. యూవీ కిరణాల నుండి రక్షణ కల్పిస్తుంది. బీట్ రూట్ లో ఉండే ఐరన్, స్కిన్ డ్యామేజ్ ను నివారిస్తుంది.

బీట్ రూట్ లెమన్ మాస్క్ :

రెండు టీస్పూన్ బీట్ రూట్ జ్యూస్ లో రెండు టీస్పూన్ల నిమ్మరసం మిక్స్ చేసి, అలాగే రెండు టీస్పూన్ల రోజ్ వాటర్ మిక్స్ చేసి, ముఖానికి అప్లై చేయాలి. లెమన్ జ్యూస్ చర్మంలో డార్క్ నెస్, స్కిన్ పిగ్మెంటేషన్ నివారిస్తుంది. బీట్ రూట్ చర్మంను కాంతివంతంగా మరియు పింక్ గా మార్చుతుంది. రోజ్ వాటర్ ను రెగ్యులర్ గా ఉపయోగించడం వల్ల చర్మం బ్రైట్ గా మారుతుంది. చర్మానికి స్మూత్ టచ్ ఇస్తుంది.

బీట్ రూట్ , శెనగపిండి ఫేస్ మాస్క్ :

బీట్ రూట్ పేస్ట్ లా చేసి అందులో శెనగిపండి, ఒక కప్పు పాలక్రీమ్, ఒక స్పూన్ గులాబీ రేకుల పొడిచేసి వేయాలి. మొత్తం మిశ్రమాన్ని పేస్ట్ లా మిక్స్ చేసుకోవాలి. ఉండలు లేకుండా మిక్స్ చేయాలి. ఈ మిశ్రమాన్ని ముఖాని ప్యాక్ లా వేసుకుని, కొద్ది సేపు డ్రైగా మారిన తర్వాత చల్లటి నీటితో శుభ్రం చేసుకోవాలి. ఇలా చేయడం వల్ల హెల్తీ గ్లోయింగ్ స్కిన్ పొందుతారు.

బీట్ రూట్, పసుపు ఫేస్ ప్యాక్:

బీట్ రూట్ , పసుపు కాంబినేషన్ ప్యాక్ నేచురల్ గ్లోను అందిస్తుంది. బ్యూటిని మెరుగుపరుస్తుంది. కొన్ని బీట్ రూట్ ముక్కలను తీసుకుని పేస్ట్ చేయాలి. అందులో పసుపు మిక్స్ చేసి, పేస్ట్ లా చేసి, ముఖానికి మాస్క్ వేసుకోవాలి. ఇప్పుడు అందులో కొద్దిగా పసుపు, పాలు మిక్స్ చేసి ముఖానికి ప్యాక్ వేసుకోవాలి. అరగంట తర్వాత గోరువెచ్చని నీటితో ముఖం శుభ్రంగా చేసుకోవాలి. హెల్తీ గ్లోయింగ్ స్కిన్ పొందుతారు.