ఇన్ స్టాంట్ గ్లో కోసం DIY హనీ మరియు కుకుంబర్ ఫేస్ ప్యాక్

కావలసిన పదార్థాలు:

ఒక టేబుల్ స్పూన్ దోశకాయ గుజ్జు

అర టేబుల్ స్పూన్ తేనె

ఒక టేబుల్ స్పూన్ ఓట్స్

తయారుచేసే విధానం:

• పైన చెప్పిన పదార్థాలన్నిటినీ ఒక పాత్రలోకి తీసుకుని బాగా కలపండి. ప్యాక్ రెడీ అయినట్టే.

• ఈ ప్యాక్ ను అప్లై చేసుకునే ముందు ముఖాన్ని శుభ్రంగా కడగండి. ఆ తరువాత ప్యాక్ ను ముఖంపై ఈవెన్ గా అప్లై చేయండి.

• అయిదు నుంచి పది నిమిషాల వరకు బాగా మసాజ్ చేయండి.

• మరో 15 నిమిషాల వరకు ప్యాక్ ను అలాగే ఉంచండి.

• ఆ తరువాత వెచ్చటి నీటితో ప్యాక్ ను తొలగించండి.

ఎంత తరచుగా ఈ ప్యాక్ ను వినియోగించాలి?

ఈ DIY ఫేస్ ప్యాక్ ను వారానికి ఒకసారి వాడితే చర్మానికి పోషణ అంది చర్మం తాజాగా మారుతుంది.

తేనె ద్వారా చర్మానికి అందే ప్రయోజనాలు:

• తేనెలో స్కిన్ మాయిశ్చరైజింగ్ ప్రాపర్టీలు కలవు. అందువలన, తేనె చక్కటి స్కిన్ కేర్ ఇంగ్రిడియెంట్ గా పనిచేస్తుంది. చర్మంలో మాయిశ్చరైజర్ ను నిలిపి చర్మాన్ని కాంతివంతంగా మారుస్తుంది.

• యాంటీ ఆక్సిడెంట్స్ పుష్కలంగా లభించడం వలన తేనె అనేది అద్భుతమైన స్కిన్ క్లీన్సర్ గా కూడా పనిచేస్తుంది. చర్మంలో పేరుకుపోయిన మలినాలను అలాగే కాలుష్య కారకాలను తొలగించి చర్మాన్ని తేటగా మారుస్తుంది. ప్రకాశవంతమైన నిగారింపును అందిస్తుంది.

• తేనె అనేది ఇన్ఫెక్షన్స్ ను అరికట్టేందుకు వికారకరమైన బ్రేకవుట్స్ ను తగ్గించేందుకు తోడ్పడుతుంది. ఇందులో యాంటీ బాక్టీరియల్ ప్రాపర్టీలు కలవు.

• అలాగే, చర్మంలోని పి హెచ్ బాలన్స్ ని రేగులేట్ చేయడానికి తద్వారా ఇన్ఫెక్షన్స్ సోకే ప్రమాదాన్ని తగ్గించేందుకు తేనె తోడ్పడుతుంది.

• తేనె అనేది రక్తప్రసరణను మెరుగుపరుస్తుంది. తద్వారా, మీ చర్మం మృదువుగా అలాగే కోమలంగా మారుతుంది.

దోశకాయ ద్వారా చర్మానికి అందే ప్రయోజనాలు:

• దోశకాయలో నీటి శాతం ఎక్కువగా ఉండటం వలన ఇది ఎండాకాలంలో అద్భుతమైన స్కిన్ కేర్ ఇంగ్రిడియెంట్ గా పనిచేస్తుంది. చర్మానికి తగినంత హైడ్రేషన్ ను అందించి చర్మానికి పోషణని అందిస్తుంది.

• విటమిన్ ఏ వంటి శక్తివంతమైన యాంటీ ఆక్సిడెంట్స్ దోశకాయలో పుష్కలంగా లభిస్తాయి. తద్వారా, చర్మానికి హానికర గాలి నుంచి అలాగే కాలుష్య కారకాల నుంచి రక్షణ అందుతుంది.

• విటమిన్స్ లభ్యమవడంతో పాటు సల్ఫేట్ మరియు పొటాషియం వంటి కొన్ని ముఖ్యమైన పదార్థాలు ఇందులో లభించడం వలన దోశకాయ అనేది సన్ బర్న్ ను ట్రీట్ చేసేందుకు అద్భుతమైన రెమెడీగా పనిచేస్తుంది. ఇరిటేటెడ్ స్కిన్ ను ప్రశాంతపరచి ట్యానింగ్ ను తగ్గిస్తుంది.

• దోశకాయను శక్తివంతమైన యాంటీ ఆక్సిడెంట్స్ కు నిలయంగా భావించవచ్చు. ఇది అద్భుతమైన యాంటీ ఏజింగ్ ఇంగ్రీడియెంట్ గా పనిచేస్తుంది. దీనిని తరచూ వాడటం వలన ముడతలతో పాటు ఫైన్ లైన్స్ సమస్యను తగ్గించుకోవచ్చు.

చర్మానికి ఓట్స్ ద్వారా అందే ప్రయోజనాలు:

• సపోనిన్స్ అనే పదార్థం ఓట్ మీల్ లో లభ్యమవుతుంది. ఇది చర్మంలో పేరుకుపోయిన దుమ్మూ ధూళిని తొలగించడానికి తోడ్పడుతుంది. చర్మంపై పేరుకున్న మలినాలు, డెడ్ స్కిన్ సెల్స్ లేదా టాక్సిన్లను ఓట్స్ ద్వారా సునాయాసంగా చర్మంపైనుంచి తొలగించవచ్చు.

• ఈ ఏజ్ ఓల్డ్ స్కిన్ ఇంగ్రిడియెంట్ అనేది సన్ బర్న్ ను హీల్ చేసేందుకు ఎంతో ప్రభావవంతంగా పనిచేస్తుంది. ఓట్స్ ను ప్రభావిత ప్రాంతంపై అప్లై చేస్తే నొప్పి మరియు దురద నుంచి ఉపశమనం లభిస్తుంది.

• ఇందులో యాంటీ ఇంఫ్లేమేటరీ ప్రాపర్టీలు పుష్కలంగా లభిస్తాయి. ఇది సోరియాసిస్, ఎగ్జిమా వంటి చర్మ సమస్యలను తగ్గించేందుకు ఉపయోగకరంగా ఉంటాయి.

• దోశకాయ, తేనె మరియు ఓట్ మీల్ ను కలిపి వాడటం వలన చర్మం అనేక విధాలా ప్రయోజనాలను పొందుతుంది. చర్మం హైడ్రేట్ అవుతుంది. చర్మానికి సహజ కాంతి అందుతుంది.