చర్మాన్ని ప్రకాశవంతంగా మార్చే హోంమేడ్ వెజిటబుల్ ఫేస్ ప్యాక్స్

1. పొటాటో ఫేస్ ప్యాక్

పొటాటో ని స్లైసెస్ గా కట్ చేసుకుని ఒక ఫోర్క్ తో మ్యాష్ చేసుకోండి.

ఇప్పుడు పొటాటో పేస్ట్ లో రెండు టీస్పూన్ల పెరుగుని కలిపి ఈ మిశ్రమాన్ని ముఖంపై సున్నితంగా అప్లై చేయండి.

పది నుంచి పదిహేను నిమిషాల తరువాత గోరువెచ్చటి నీటితో మీ ముఖాన్ని శుభ్రపరుచుకోండి.

వారానికి రెండు సార్లు ఈ విధంగా మీ చర్మాన్ని సంరక్షించుకుంటే మీరు కోల్పోయిన నిగారింపుని త్వరగా తిరిగి పొందుతారు.

2. కేరట్ ఫేస్ ప్యాక్

రెండు టీస్పూన్ల కేరట్ జ్యూస్ లో ఒక టేబుల్ స్పూన్ తేనెను కలపండి.

ఇలా తయారైన మిశ్రమాన్ని ఫేస్ ప్యాక్ లా అప్లై చేసుకోండి. 20 నిమిషాల వరకు ఈ ఫేస్ ప్యాక్ ని అలాగే ఉంచండి.

పది నుంచి పదిహేను నిమిషాల తరువాత గోరువెచ్చటి నీటితో ఈ ఫేస్ ప్యాక్ ను తొలగించండి.

ఈ సమర్థవంతమైన వెజిటబుల్ ఫేస్ ప్యాక్ ను వారానికి ఒకసారి వాడినట్లైతే మీ చర్మం ప్రకాశవంతంగా మారుతుంది.

3. వంకాయ ఫేస్ ప్యాక్

వంకాయ స్లైస్ ను తీసుకుని ఫోర్క్ తో మ్యాష్ చేసుకోండి.

ఈ పేస్ట్ లో ఒక టేబుల్ స్పూన్ అలోవెరా జెల్ ను కలపండి.

ఈ మిశ్రమాన్ని మీ ముఖంపై సున్నితంగా అప్లై చేసుకోండి. పదినిమిషాల వరకు ఈ మిశ్రమాన్ని కదపవద్దు.

ఆ తరువాత, తేలికపాటి క్లీన్సర్ తో అలాగే గోరువెచ్చటి నీటితో మీ ముఖాన్ని శుభ్రపరుచుకోండి.

నెలలో రెండుసార్లు, ఈ వెజిటబుల్ ఫేస్ ప్యాక్ ను అప్లై చేసుకోవడం ద్వారా కాంతివంతమైన చర్మాన్ని పొందవచ్చు.

4. బీట్ రూట్ ఫేస్ ప్యాక్

బీట్ రూట్ ని సన్నటి స్లైస్ గా తరిగి ఒక ఫోర్క్ తో మ్యాష్ చేసుకోండి.

ఇప్పుడు, బీట్ రూట్ పేస్ట్ లో రెండు టీస్పూన్ల ఆలివ్ ఆయిల్ ను కలపండి.

ఇలా తయారైన మిశ్రమాన్ని ముఖంపై అప్లై చేసి ఇరవై నిమిషాల వరకు అలాగే ఉంచండి.

ఇప్పుడు, గోరువెచ్చటి నీటితో చర్మాన్ని కడగండి.

నెలలో మూడు సార్లు ఈ విధంగా చర్మానికి సంరక్షణని అందించడం ద్వారా మెరిసే చర్మాన్ని పొందవచ్చు.

5. గ్రీన్ పీస్ ఫేస్ ప్యాక్

ఆరేడు గ్రీన్ పీస్ ను మ్యాష్ చేసి ఆ పేస్ట్ లో ఒక టీస్పూన్ నిమ్మరసాన్ని అలాగే అర టీస్పూన్ కొబ్బరి నూనెను కలపండి.

ఇప్పుడు ఈ మిశ్రమాన్ని మీ ముఖంపై అలాగే మెడపై అప్లై చేయండి.

ఈ ప్యాక్ ని మీ చర్మంపై పదిహేను నిమిషాల వరకు ఉండనివ్వండి.

ఇప్పుడు, తేలికపాటి క్లీన్సర్ తో అలాగే గోరువెచ్చటి నీటితో ముఖాన్ని శుభ్రంగా కడగండి.

నెలలో ఒకసారి ఈ ప్యాక్ ను అప్లై చేస్తే చర్మంలో తాజాదనం ఉట్టిపడుతుంది.

6. క్యాబేజ్ ఫేస్ ప్యాక్

రెండు మూడు క్యాబేజ్ ఆకులను బ్లెండర్ లో గ్రైండ్ చేయండి.

ఇప్పుడు, ఈ మిశ్రమంలో ఒక టీస్పూన్ తీపిలేని గ్రీన్ టీ ని జోడించండి.

ఈ మిశ్రమాన్ని ముఖంపై అప్లై చేయండి.

పది నుంచి పదిహేను నిమిషాల వరకు ఈ మిశ్రమాన్ని కదపవద్దు. ఆ తరువాత గోరువెచ్చటి నీటితో ఈ ప్యాక్ ను ముఖంపై నుంచి తొలగించండి.

నెలలో ఒక్కసారి ఈ ఫేస్ ప్యాక్ ను అప్లై చేయడం ద్వారా కాంతివంతమైన చర్మాన్ని పొందవచ్చు.

7. సెలెరీ ఫేస్ ప్యాక్

సెలెరీలను మెత్తగా నూరుకుని అందులో ఒక టీస్పూన్ ఆల్మండ్ ఆయిల్ ను అలాగే రెండు టీస్పూన్ల రోజ్ వాటర్ ను కలపండి.

ఈ మిశ్రమాన్ని ముఖంపై అలాగే మెడపై అప్లై చేసుకోండి.

ఇప్పుడు కొద్ది నిమిషాల పాటు మసాజ్ చేయండి. ఆ తరువాత పది నిమిషాల వరకు ఈ మిశ్రమాన్ని కదపకండి.

కాసేపటి తరువాత గోరువెచ్చటి నీటితో మీ చర్మాన్ని శుభ్రపరుచుకోండి.

నెలకొకసారి ఈ అద్భుతమైన ఫేస్ ప్యాక్ ను అప్లై చేయడం ద్వారా తాజాదనం ఉట్టిపడే చర్మాన్ని పొందవచ్చు.