పెదాల సంరక్షణ చిట్కాలు

పెదాలు మృదువుగా ఉన్నప్పుడే లిప్ స్టిక్ వంటి ప్రోడక్ట్స్ వలన పెదాల అందం రెట్టింపవుతుంది. మృదువైన పెదాల అందాన్ని లిప్ స్టిక్ అనేది మరింత ఎలివేట్ చేస్తుంది. పెదాలను మృదువుగా మార్చేందుకు పెదాల సంరక్షణ అనేది ఎంతో అవసరం.

శరీరంలోని ఇతర ప్రాంతాల చర్మంతో పోలిస్తే పెదాలపైన ఉండే చర్మం ఎంతో పలచగా ఉంటుంది. కాబట్టి, ఇది దెబ్బతినే అవకాశం ఎక్కువ. కాబట్టి, లిప్ కేర్ అనేది అత్యంత అవసరం. అటువంటి సమస్యలను నిరోధించేందుకు లిప్ కేర్ పై శ్రద్ధ కనబరచాలి. రోజువారీ బ్యూటీ రెజైమ్ లో లిప్స్ కి తగినంత సంరక్షణని అందించాలి.

ఇక్కడ వివరించబడిన చిట్కాలను పాటిస్తే పెదాలు మృదువుగా మారతాయి.

పెదాలను చప్పరించకండి:
పెదాలను పదే పదే టచ్ చేయడం అలాగే పెదాలను చప్పరించడం వలన పెదాల అందం దెబ్బతింటుంది. చాలా మందికి పెదాలను అదే పనిగా తడిపే అలవాటు ఉంటుంది. దీని వలన పెదాలు మాయిశ్చరైజ్ అవుతాయని వారు భావిస్తారు. అయితే, దీని వలన సమస్య మరింత జఠిలమవుతుంది. పెదాలను చప్పరిస్తున్నప్పుడు కాసేపటి వరకు పెదాలు మాయిశ్చరైజ్ అయినట్టు అనిపించవచ్చు. కానీ, త్వరగా పెదాలపై తడి ఆరిపోతుంది. దీని వలన పెదాలు డ్రైగా అలాగే ఫ్లేకీ గా మారతాయి. సెలైవాలో ఉండే ఎంజైమ్స్ అనేవి పెదాలను కఠినంగా మారుస్తాయి.

పెదాలను పదే పదే టచ్ చేయడం వలన పెదాలపై ఉండే సహజమైన మాయిశ్చరైజర్ అనేది తొలగిపోతుంది. పెదాలు డ్రై గా మారతాయి.

మేకప్ తొలగించడం ముఖ్యం:

పెదాలు కూడా ఉపశమనం పొందాలి. అందువలన, నిద్రపోయే ముందు మేకప్ ను తొలగించడం ముఖ్యం. ఒక కాటన్ ప్యాడ్ ను ఉపయోగించి పెదాలపై ఉండే లిప్ స్టిక్ ను తొలగించవచ్చు. అలాగే, మేకప్ తో నిద్రపోవడం వలన చర్మం దెబ్బతింటుంది. బ్రేకవుట్స్ తో పాటు అలర్జీలు తలెత్తవచ్చు.

నీళ్లు తాగండి:

పైపూతగా వాడే లిప్ కేర్ ప్రోడక్ట్స్ అనేవి పెదాలకు సంపూర్ణ పోషణను అందించలేవు. కాబట్టి, పెదాల సంరక్షణ కోసం మీరు మరింత శ్రద్ధ వహించాలి. పెదాలు హైడ్రేటెడ్ గా ఉండేందుకు మంచినీళ్లను ఎక్కువగా తీసుకోవాలి. మీరు ఎంత ఎక్కువగా నీటిని తీసుకుంటే పెదాలు అంత హైడ్రేటెడ్ గా ఉంటాయి.

నిద్రపోయే ముందు లిప్స్ ను హైడ్రేట్ చేసుకోండి:

నిద్రలో పెదాలు ఎండిపోయే అవకాశం ఎక్కువగా ఉంది. కాబట్టి, ప్రతి రోజు రాత్రి నిద్రపోయే ముందు పెదాలను హైడ్రేట్ లేదా మాయిశ్చరైజ్ చేసుకోవడం మంచిది. మీకు నచ్చిన లిప్ బామ్ లేదా పెట్రోలియం జెల్లీను అప్లై చేసుకుని రాత్రంతా అలాగే ఉండనివ్వండి. దీని వలన పెదాలు స్మూత్ గా అలాగే సాఫ్ట్ గా మారతాయి.

ఎక్స్ఫోలియేట్ చేయండి:

తరచూ ఎక్స్ఫోలియేట్ చేసుకోవడం వలన పెదాలపై ఉండే డెడ్ స్కిన్ సెల్స్ అనేవి తొలగిపోతాయి. తద్వారా, లిప్స్ మృదువుగా అలాగే పింక్ గా మారతాయి. ఎక్స్ఫోలియేషన్ కోసం హోమ్ మేడ్ స్క్రబ్ ను వాడండి. ఒక టీస్పూన్ సాల్ట్ లో కొన్ని చుక్కల నిమ్మరసాన్ని తీసుకోండి. ఈ మిశ్రమంతో పెదాలపై ఒకటి నుంచి రెండు నిమిషాల పాటు మృదువుగా స్క్రబ్ చేయండి. ఆ తరువాత సాధారణ నీటితో పెదాలను రిన్స్ చేయండి. ఈ పద్దతిని వారానికి ఒకటి లేదా రెండు సార్లు పాటిస్తే మంచి ఫలితాలను పొందుతారు.

లిప్ స్టిక్ ను వాడండి:

పెదాల సంరక్షణలో భాగంగా లిప్ స్టిక్ ను వాడాలి. ఇంట్లోంచి బయటకు వెళ్ళేటప్పుడు లిప్ స్టిక్ ను అప్లై చేసుకోవడం మరచిపోవద్దు. దీని వలన డర్ట్, ఎండ అలాగే వేడి గాలి నుంచి పెదాలకు రక్షణ లభిస్తుంది.

లిప్ బామ్ ను వాడండి:

పెదాల సంరక్షణలో లిప్ బామ్ పాత్ర ప్రముఖమైనది. మీతో పాటు మేకప్ బ్యాగ్ లో లిప్ బామ్ ను తీసుకువెళ్లడం మరచిపోవద్దు. మీ పెదాలు ఎప్పుడు డ్రై గా మారతాయో మీకు తెలియకపోవచ్చు. అటువంటప్పుడు, లిప్ బామ్ సహాయపడుతుంది.