ముక్కు మీది బ్లాక్ హెడ్స్ ను ఎలా తొలగించాలి?

1. కోడి గుడ్డు తెల్లసొన మాస్కు

గుడ్డు యొక్క తెల్లసొనలో ఉన్న పోషకాలు మృతచర్మకణాలను తొలగించడంలో సహాయపడతాయి. ఇవి బ్లాక్ హెడ్స్ ను కూడా తొలగిస్తాయి.

కావలసిన పదార్థాలు:

2 గుడ్డు తెల్లసొనలు

ఎలా వాడాలి:

1. 2 గుడ్లు నుండి తెల్లసొనలు వేరుచేయండి.

2. బ్లెండర్ సహాయంతో, బాగా మృదువుగా గిలకొట్టండి.

3. తరువాత, టిష్యు కాగితాలను మీ ముక్కు మీద పెట్టండి.

4. ఇప్పుడు బ్రష్ తో తెల్లసొనను కాగితంపై పూయండి.

5. గుడ్డు తెల్లసొన బాగా ఇంకెంత వరకు ఆగండి.

6. పొడిగా మారిన తర్వాత, కాగితంను తొలగించండి.

7. ఇలా పలుమార్లు చేస్తే తేడా మీకే తెలుస్తుంది.

2. చక్కెర మరియు నిమ్మకాయ మాస్క్

ఈ మాస్కును చర్మం మీది మృతకణాలను తొలగించడానికి ఉత్తమమైనదిగా భావిస్తారు. ఇది చర్మం నుండి విషతుల్య పదార్థాలను తొలగిస్తుంది.

కావలసిన పదార్థాలు:

1 టేబుల్ స్పూన్ చక్కెర

2-3 టేబుల్ స్పూన్ల నిమ్మ రసం

ఎలా వాడాలి:

1. ఒక శుభ్రమైన గిన్నెలో, ఒక టేబుల్ స్పూన్ చక్కెర తీసుకోండి.

2. ఇప్పుడు ఒక నిమ్మకాయను కట్ చేసి, కొన్ని చుక్కల నిమ్మరసం చక్కెరలో వేసి పిండి బాగా కలపాలి.

3. దీనితో మీ ముక్కు మీద మృదువుగా కొన్ని నిమిషాల పాటు వలయాకార కదలికలలో మర్దన చేయండి.

4. 10 నిముషాలు తరువాత చల్లటి నీటితో శుభ్రం చేసుకోవాలి.

5. ఉత్తమమైన మరియు వేగవంతమైన ఫలితాల కొరకు ఇలా వారానికి 2-3 సార్లు చేయండి.

3.పాలు మరియు జిలాటిన్ మాస్క్:

ఈ మాస్క్ చర్మం సంరక్షణకు బాగా పనిచేస్తుంది.

కావలసిన పదార్థాలు:

1 టేబుల్ స్పూన్ పాలు

1 టేబుల్ స్పూన్ జెలాటిన్

ఎలా వాడాలి:

1. ఒక శుభ్రమైన గిన్నెలో 1 టేబుల్ స్పూన్ రుచి, వాసన లేని జెలటిన్ పొడి తీసుకోండి.

2. జెలటిన్ పౌడర్ లో 1 టేబుల్ స్పూన్ పాలు వేసి, నెమ్మదిగా రెండు పదార్థాలను కలపాలి.

3. ఇప్పుడు, కొన్ని సెకన్ల పాటు ఈ మిశ్రమాన్ని వేడి చేయండి.

4. మిశ్రమం కొద్దిగా చల్లారాక, మీ ముక్కు మీద ఒక పొరలా పూసుకోండి.

5. సుమారు 15 నిముషాల ఆరనివ్వండి.

6. తరువాత ఆ పొరను తీసివేసి చల్లటి నీటితో శుభ్రం చేసుకోవాలి. దీనివలన చర్మరంధ్రాలు తెరచుకుంటాయి.

4. తేనె మరియు పైనాపిల్ మాస్క్

పైనాపిల్ చర్మం నుండి అదనపు నూనెను తొలగించడంలో సహాయపడుతుంది మరియు తేనె చర్మం తేమగా ఉండేలా చేస్తుంది.

కావలసిన పదార్థాలు:

1 కప్పు పైనాపిల్ రసం

2 టేబుల్ స్పూన్లు తేనె

ఎలా వాడాలి:

1. ఒక పైనాపిల్ ను చిన్న చిన్న ముక్కలుగా కోసి, బ్లెండ్ చేయండి.

2. ఇప్పుడు రసాన్ని వడగట్టి ఒక శుభ్రమైన గిన్నెలో వేయండి.

3. 2 టేబుల్ స్పూన్ల తేనేని ఈ రసంలో వేయండి.

4. మీ ముఖానికి ఈ మాస్కును రాసుకుని 20 నిమిషాలు ఆరనివ్వండి.

5. 20 నిముషాల తర్వాత, గోరువెచ్చని నీటిలో ముంచిన బట్టతో దాన్ని తుడిచేయండి.

5. టమాటో మరియు ఉప్పు

టమాటోలోని యొక్క యాంటీ ఇన్ఫ్లమేటరీ లక్షణాలు చర్మాన్ని శుభ్రపరచి, హైడ్రేట్ చేయడంలో సహాయపడతాయి.

కావలసిన పదార్థాలు:

1 టేబుల్ స్పూన్ ఉప్పు

2 టేబుల్ స్పూన్లు టమాటో ప్యూరీ

ఎలా వాడాలి:

1. ఒక టొమాటో తీసుకొని బ్లెండ్ చేసి ప్యూరీ చేయండి.

2. టమాటో ప్యూరీలో 1 టేబుల్ స్పూన్ ఉప్పు కలపండి.

3. బాగా కలిసాక, మీ ముక్కు మీద ఈ మిశ్రమాన్ని మృదువుగా వలయాకారంలో మర్దన చేసుకుంటూ రాసుకోండి.

4. 5-10 నిముషాల తరువాత చల్లటి నీటితో శుభ్రం చేసుకోండి.