For Quick Alerts
ALLOW NOTIFICATIONS  
For Daily Alerts

చర్మంపై మచ్చలా..జాగ్రత్త! తగిన జాగ్రత్తలు తీసుకోకుంటే ఎన్నో సమస్యలు..

|

మారుతున్న జీవనశైలి, వాతావరణ కాలుష్యం, ఇతర కారణాల వల్ల ఇటీవల కాలంలో చర్మ సమస్యలు విజృంభిస్తున్నాయి. వివిధ రకాల సమస్యలు, వ్యాధులు నుండి ఏకంగా చర్మ క్యాన్సర్ వరకూ ఇబ్బందులు కలుగుతున్నాయి. మన శరీరంలో వ్యర్థాలను తొలగించడానికి, శరీర ఉష్ణోగ్ర సమంగా ఉండటానికి శరీరాన్ని బయటి సమస్యల నుండి రక్షించడానికి తోడ్పడేది చర్మమే.

ఇటీవల కాలంలో చర్మ సమస్యలు ఎక్కువగా పెరిగిపోతున్నాయి. చాలా మంది మొటిమలు, మచ్చలు, పులిపిర్లు, చర్మం నల్లబడటం, చర్మం కమిలిపోవడం, చర్మంపై తీవ్రంగా పగుళ్ళు వంటి సాధారణ సమస్యలతో పాటు సోరియాసి, బొల్లి, టినియా వర్సికలర్, చర్మ క్యాన్సర్ వంటి వ్యాధుల బారిన పడుతున్నారు. మారుతున్న జీవనశైలి కాలుష్యం, జన్యుపరమైన సమస్యలు, బ్యాక్టీరియా, ఫంగస్ వంటి స్మూక్ష్మ జీవులు అతినీలలోహిత కిరణాలు రేడియేషన్ కు గురికావడం వంటి చర్మ సమస్యలు, వ్యాధులకు కారణమవుతున్నాయి.

ముఖ్యంగా యువత మొటిమలు, మచ్చలు వంటి సమస్యతో ఇబ్బంది పడుతుంటారు. తగిన జాగ్రత్తలు తీసుకుంటే ఇలాంటి సమస్యల నుండి సులువుగా బయటపడవచ్చు.

మొటిమలు:

మొటిమలు:

ఇది సాధారణంగా అందరిలో కనిపించే సమస్య. యుక్త వయసు అమ్మాయిలు, అబ్బాయిల్లో మొటిమలు ఎక్కువగా వస్తుంటాయి. హార్మోన్ల అసమతుల్యత వల్ల ఇవి వస్తుంటాయి. ముఖంపై, ఛాతీ మీద, వీపు మీద మొటిమలు వచ్చే అవకాశాలు ఎక్కువ.

విటమిన్ ఏ ప్రొడక్టులు, సాలిసైలిక్ యాసిడ్, బెంజైల్ పెరాక్సైడ్, యాంటీ బయాటిక్స్ వినియోగిస్తే మొటిమలు తగ్గిపోతాయి. అయితే వైద్యులను సంప్రదించి పరీక్షలు చేయించుకుని.. తగిన చికిత్స తీసుకోవడం బెటర్.

మచ్చలు

మచ్చలు

మచ్చలు ప్రతి ఒక్కరి శరీరంపై ఉంటాయి. పరిమాణంలో తేాడాలు, ఎరుపు, నలుపు, గోధుమ రంగులలో ఉంటాయి. చాలా వరకు మచ్చలు ఆవ గింజంతా పరిమాణం నుంచి నాలుగైదు సెంటీమీటర్లంత పెద్దగా కూడా ఉంటాయి. కొంత మందిలో పుట్టుకతోనే మచ్చలు పెద్దగా ఉంటాయి. అయితే చిన్న పరిమాణంలో ఉన్న మచ్చలు క్రమేపీ పెద్దగా మారుతుండటం, అవి రంగు మారుతుంతడడం, నొప్పిగా ఉండడం వంటి లక్షణాలు ఉంటే మాత్రం ఏదైనా సమస్య తలెత్తుతున్నట్టు భావించాలి. వెంటనే వైద్యులను సంప్రదించి తగిన వైద్య పరీక్షలు చేయించుకోవాలి.

సొరియాసిస్

సొరియాసిస్

ఇది కూడా ఒక రకమైన చర్మ వ్యాధి. మోకాళ్లు, మోచేతులు వంటి చోట్ల ఎక్కువగా వస్తుంటుంది. వ్యాధి సోకిన ప్రాంతాల్లో చర్మం ఎర్రగా మారడం, మంట పుట్టడం వంటి లక్షణాలు ఉంటాయి. దాదాపు మూడు శాతం మంది ప్రజలు సొరియాసిస్ వ్యాధితో బాధపడుతున్నట్టు అంచనా.

పులిపీర్లు (వాట్స్)

పులిపీర్లు (వాట్స్)

సాధారణంగా చాలా మందికి పులిపీర్లు ఉంటాయి. వైరల్ ఇన్ ఫెక్షన్లు, పలు ఇతర కారణాల వల్ల పులిపీర్లు వస్తాయని వైద్య నిపుణులు చెబుతున్నారు. ఇవి ఎక్కువగా చేతులు, కాళ్ల మీద చిన్న మొటిమలాగా ఏర్పడతాయి. తరువాత కొంత పెద్దగా మారుతాయి. ఇందులోనూ పాపిలోమా వైరల్ ఇన్ ఫెక్షన్ తో వచ్చే ఈ పులిపీర్లు పెరిగే కొద్ది రక్త నాళాలపై ప్రభావం చూపుతాయని వైద్యులు హెచ్చరిస్తున్నారు.

గజ్జి

గజ్జి

దీన్ని డెర్మటైటిస్ అని కూడా అంటారు. ఇది వేళ్ల మధ్య, కాళ్లు, చేతుల మూలల్లో ఎక్కువగా వస్తుంటుంది. ఇది వైరస్ వల్ల వస్తుంది. ఒకరినుంచి మరొకరికి వ్యాప్తి చెందే అంటువ్యాధి. వైద్యుల సలహా మేరకు తగిన మందులు వాడితే త్వరగా తగ్గిపోతుంది.

బొల్లి

బొల్లి

ఇటీవలి కాలంలో పెరిగిపోతున్న చర్మ వ్యాధుల్లో బొల్లి ఒకటి. ఈ వ్యాధి సొకితే చర్మానికి రంగునిచ్చే మెలనిన్ ఉత్పత్తి నిలిచిపోతుంది. దానివల్ల చర్మం రంగు మారిపోతుంది. వ్యాధి సోకిన చోట చర్మం పూర్తి తెల్లగా.. మిగతా చోట్ల సాధారణ రంగులో ఉంటుంది. ఈ వ్యాధి రోగ నిరోధక వ్యవస్థ మీద ప్రభావం చూపుతుంది. చర్మ కణాలు పనిచేయకుండా చేయడంతోపాటు వాటి మరణానికి కారణం అవుతుంది. లైట్ ట్రీట్ మెంట్ (కాంతి చికిత్స) ద్వారా బొల్లి సమస్యను నివారించవచ్చని వైద్యులు చెబుతున్నారు

English summary

Do You Really Need a Skin Care Routine?

The phrase skin care brings to mind three things: skin cancer, dry skin and a long aisle of beauty products at your local drugstore. But it’s more than a surface-level concern. While a skin care routine may sound like high maintenance, in reality, the steps for healthy skin are not only necessary, they’re easy to implement too.
Story first published: Thursday, August 29, 2019, 15:17 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more