చలికాలంలోనూ చర్మ సౌందర్యం పెంచుకోవాలంటే మౌని రాయ్ చిట్కాలను ఫాలో అవ్వండి...

లిప్ స్టిక్ లైనర్లంటే..

బాలీవుడ్ నటి మౌని రాయ్ తన అందమైన నటనతో పాటు అందమైన రూపానికి ప్రసిద్ధి చెందింది. మౌని రాయ్ తన స్టైలిష్ దుస్తులకు మరియు అద్భుతమైన మేకప్ తో ఫ్యాషన్ వర్డల్ లో ప్రముఖంగా ప్రాధాన్యతను సంపాదించుకున్నారు. ఈ నాగిని ఫేమ్ నటి మేకప్ అంటే బాగా ఇష్టపడుతుందట. ఈమెకు మేకప్ లో లిప్ స్టిక్ లైనర్లు వాడటం అంటే చాలా ఇష్టమట. ఇంకా తన అందాన్ని పెంచుకోవడానికి ఏయే చిట్కాలు పాటిస్తుందో ఇప్పుడు తెలుసుకుందాం...

కాంటౌరింగ్ ముఖ్యం..

బాలీవుడ్ అందాల ముద్దుగుమ్మ మౌని రాయ్ తన ముఖానికి పరిపూర్ణమైన గ్లో తీసుకురావడానికి కచ్చితమైన కాంటౌరింగ్ చేస్తుందట. దీని వల్ల తన బుగ్గలు అందంగా.. ఎర్రగా మెరుస్తూ ఉంటాయట. మీకు కూడా ఇలాంటి అందమైన రూపం కావాలంటే.. దీన్ని ప్రయత్నించి చూడండి.

బ్రౌన్ స్మోకీ ఐ మేకప్..

ఈ బాలీవుడ్ భామ మౌని రాయ్ తరచుగా మేకప్ వేసుకునేటప్పుడు.. ముందుగా తన కళ్లకు బ్రౌన్ స్మోకీ ఐ మేకప్ వేసుకుంటుందట. బ్లాక్ కలర్ ఐషాడోతో తరచుగా స్మోకీ ఐ మేకప్ లో ఉపయోగిస్తుందట. దీని వల్ల సంప్రదాయ రూపంలో గాని లేదా పాశ్చాత్య రూపంలో అయినా చాలా అందంగా కనిపిస్తారని చెబుతోంది. కొన్నిసార్లు బ్లాక్ లేకపోతే బ్రౌన్ కలర్ కూడా వాడొచ్చు.

మీ చర్మం విపత్తుగా మారుతుందా? క్యారెట్ పౌడర్‌ను ఇలా వాడండి, పౌడర్ తయారుచేసే మార్గం ఇదే!

రెడ్ లిప్ స్టిక్..

ఏ అమ్మాయికైనా పెదాలకు ఎర్రని రంగులో ఉండే లిప్ స్టిక్ వేసుకుంటే ఆమె అందం మరింత పెరిగిపోతుందనడంలో ఎలాంటి సందేహం లేదు. అందుకే మౌని రాయ్ కూడా ఎక్కువగా రెడ్ కలర్ లిప్ స్టిక్ నే వేసుకుంటారు. ముఖ్యంగా బ్లాక్ అండ్ వైట్ డ్రెస్ వేసుకున్నప్పుడు.. బ్లాక్ స్మోకీ ఐ మేకప్ కు రెడ్ కలర్ లిప్ స్టిక్ వేసుకుంటే మీకు కచ్చితంగా అందమైన లుక్ వస్తుందని.. ఇలాంటి చిట్కాలను మీ మేకప్ లో అనుసరించొచ్చని సలహాలిస్తోంది.

మేకప్ కు ముందు..

మౌని రాయ్ మేకప్ వేసుకోవడానికి ముందు కచ్చితంగా కొన్ని ఫౌండేషన్ పద్ధతులను పాటిస్తారు. ఆ తర్వాతనే మేకప్ వేసుకుంటారట. ముందుగా ఈ బాలీవుడ్ అందాల భామ ముఖం మీద బ్లషర్ ఉపయోగిస్తుంది. దీని తర్వాత ఫైనల్ లుక్ కోసం హైలైటర్ ను వాడుతుందట.

కొత్త లుక్ కోసం..

ఎలాగో త్వరలో కొత్త సంవత్సరం రాబోతోంది. కాబట్టి ఈ కొత్త సంవత్సర వేళ.. మీరు మరింత కొత్తగా కనిపించేలా.. కొత్త మేకోవర్ ను ప్రయత్నించండి.. ఓ కొత్త లుక్ ట్రై చేసి మిమ్మల్ని మీరు కొత్తగా అందరికీ చూపించండి. అలా కొత్త ఉత్సాహంతో న్యూ ఇయర్ ను స్టార్ చేయండి.