అందంగా కనిపించాలంటే.. 2023లో ఈ తప్పులు చేయకుండా ఉండండి

ముఖాన్ని ఎక్కువగా కడగడం

నమ్మినా, నమ్మకపోయినా చర్మం నుండి ఉత్పత్తి అయ్యే సహజసిద్ధమైన నూనెలు చర్మానికి మంచే చేస్తాయి. తరచూ ముఖాన్ని కడగడం వల్ల సహజంగా ఉత్పత్తి అయ్యే ఈ నూనెలు తొలగిపోతాయి. తర్వాత వివిధ చర్మ సంబంధిత సమస్యలు వస్తాయి. అందుకే ఎక్కువ సార్లు ముఖాన్ని కడగడం మానుకోవాలని చర్మ సంబంధిత నిపుణులు సూచిస్తున్నారు. రోజుకు రెండు మూడుసార్ల కంటే ఎక్కువగా కడగొద్దని చెబుతున్నారు.

రోజూ మేకప్ వేయడం మానుకోండి

చాలా మేకప్ ఉత్పత్తులు ముఖ్యంగా ఫౌండేషన్ చర్మం చికాకు లేదా మొటిమలు పెరగడానికి దారితీస్తాయి. వివిధ రంగుల ఐషాడోలు, కాజల్‌లను ఉపయోగించడం వల్ల కళ్ల చుట్టూ చాలా చికాకు కలుగుతుంది. ఇవి చర్మ ఆరోగ్యాన్ని పాడు చేస్తాయి. రోజువారీ మేకప్ నుండి విరామం తీసుకోవడం వల్ల చర్మాన్ని రిపేర్ చేసుకోవచ్చు.

తరచూ చర్మాన్ని తాకొద్దు

మనకు తెలియకుండానే మన ముఖాన్ని తరచుగా తాకుతుంటాం. మన చేతుల్లో ఉండే సూక్ష్మక్రిములు చర్మంపై దద్దుర్లు, దురదను కలిగిస్తాయి. అందుకే చర్మాన్ని తాకే ముందుకు చేతులను శుభ్రంగా కడుక్కోవాలి. శుభ్రం లేని చేతులతో ముఖాన్ని తాకవద్దు.

సరిపడా నీళ్లు తాగకపోవడం

నీరు శరీరాన్ని హైడ్రేటెడ్ మరియు రిఫ్రెష్‌గా ఉంచుతుందని మనందరికీ తెలుసు. తద్వారా చర్మం ఆరోగ్యంగా, మెరుస్తూ ఉంటుంది. తగినంత నీరు తాగకపోవడం వల్ల డీహైడ్రేషన్‌కు దారి తీయవచ్చు. ఇది చర్మం పొడిబారడానికి కారణమవుతుంది.

ఆరోగ్యకరమైన ఆహారం లేకుండా ఉండటం

ఫాస్ట్ ఫుడ్స్, స్పైసీ ఫుడ్స్‌లో మొటిమలు, రోసేసియా, అలెర్జీలకు కారణమయ్యే పదార్థాలు ఉంటాయి. వీటికి బదులుగా, పోషకాలు, యాంటీఆక్సిడెంట్లు ఉండే తాజా పండ్లు, కూరగాయలు తినాలని వైద్యులు సూచిస్తున్నారు.

నిద్ర లేకపోవడం

నిద్ర లేకపోవడం వల్ల చర్మాన్ని ఆరోగ్యంగా మరియు ముడతలు పడకుండా ఉంచే కొల్లాజెన్ మరియు ప్రొటీన్ల ఉత్పత్తి మందగిస్తుంది. మంచి చర్మం కోసం, రోజూ కంటినిండ నిద్ర ఉండేలా చూసుకోవాలి. సరిపడ నిద్ర పోవడం వల్ల ఇతర ఆరోగ్య ప్రయోజనాలు కూడా ఉన్నాయి.