అస్సాంను ఫ్యాషన్ ఐకాన్ గా చెప్పవచ్చా ?

అస్సాం ట్రెండ్ సెట్టర్ స్టేట్ గా గుర్తింపు పొందింది. అస్సాం రాష్ట్రం నృత్యం, కళలు మాత్రమే కాదు.. ఫ్యాషన్ లోనూ ముందువరుసలో ఉంది. అస్సామ్ సిల్క్ భారతదేశంలోనే ప్రాధాన్యత పొందింది. ఏడాదికేడాది అక్కడ.. సిల్క్ ఉత్పత్తి పెరుగుతోంది. అస్సామీల ప్రముఖ పండగల్లో ఒకటైన బిహు ఫెస్ట్ లో అక్కడివాళ్లు ఎక్కువగా ముగా సిల్క్, ప్యాట్ సిల్క్ ధరిస్తారు. అందుకే మనం అస్సాం సిల్క్ గురించి.. దానిలో దాగున్న ఫ్యాషన్ గురించి చర్చిద్దాం..

ఈశాన్య భారతదేశంలో అస్సాం ఒక రాష్ట్రం. హిమాయల పర్వతాల మధ్య అస్సాం ఉంది. అస్సాం పలు రాష్ట్రాలకు బార్డర్ గా ఉంది. అలాగే భూటాన్, బంగ్లాదేశ్ దేశాలకు సరిహద్దులో ఉంది. ఈ రాష్ట్రంలో ఆదివాసీల ఆచారాలు కలిసినట్లు ఉంటుంది. అందుకే అస్సామీల సంప్రదాయాలు దేశంలో భిన్నంగా అనిపిస్తాయి.

Image Curtecy - Pinterst

మైదానాలు, కొండల మధ్య ఉన్న అస్సాం.. టీ ఉత్పత్తికి ఫేమస్. దేశంలో.. టీ ఉత్పత్తి చేస్తున్న రాష్ట్రాల్లో అస్సాం పెద్దది. బిహు అస్సామీయుల ప్రధాన పండుగ. సంప్రదాయాలు, కళలు, సంగీతం, నృత్య కళలకు అస్సాం పెట్టింది పేరు.

మెఖేలా ఛాదర్.. ఇది అస్సామీయుల ట్రెడిషినల్ డ్రెస్. మెఖేలా స్కర్ట్ అయితే.. ఛాదర్ అనేది చీర. మెఖేలాతో నడుము భాగాన్ని కవర్ చేస్తూ చుట్టుకుంటారు. ఛాదర్ చీరలా పొడవుగా ఉంటుంది. దీంతో పైభాగాన్ని కప్పుకుంటూ.. మిగిలిన దాన్ని కిందకి వదిలేస్తారు. ఈ రెండింటితో పాటు.. మ్యాచింగ్ బ్లౌజ్ ఉంటుంది. ఇంకే కొత్తగా.. విభిన్నంగా ఉన్న ఈ మెఖేలా ఛాదర్ ను ఎలా ధరిస్తారో తెలిసింది కదా.. కావాలంటే మీరూ ట్రై చేయొచ్చు.