Nayanthara-Vignesh Shivan Wedding Dress: నయన్-విఘ్నేష్ పెళ్లి డ్రస్సుపై ఓ లుక్కేయండి...

నయనతార-విఘ్నేష్ శివన్ సుమారు ఏడేళ్ల పాటు ప్రేమించుకున్నారు. ఆ తర్వాత ఏడడుగులు వేయాలని నిర్ణయించుకున్నారు. వివాహం కోసం ఎంతో కాలం ఆశగా ఎదురుచూశారు.

ఎట్టకేలకు 2022లో బంధువులు, ప్రముఖుల సమక్షంలో అధికారికంగా ఒక్కటయ్యారు. దక్షిణాది అందాల తారలలో ఒకరైన నయనతార, కోలీవుడ్ దర్శకుడు విఘ్నేష్ శివన్.. తాజాగా పెళ్లి చేసుకుని ఇండియన్ స్టార్ కపుల్స్ జాబితాలో చేరిపోయారు. తమిళనాడులోని మహాబలిపురంలోని ఒక ప్రైవేట్ రిసార్ట్ లో వీరి వివాహం అంగరంగ వైభవంగా జరిగింది.

ఈ పెళ్లి వేడుకలకు బాలీవుడ్, కోలీవుడ్ నుండి అతిరథ మహారథులు ఎందరో వచ్చారు. ముఖ్యంగా తమిళ తలైవా, సూపర్ స్టార్ రజనీకాంత్, బాలీవుడ్ బాద్ షా షారుఖ్ ఖాన్, బోనీ కపూర్, శింబు, ప్రభుదేవా వంటి స్టార్ హీరోలందరూ హాజరై వీరిని ఆశీర్వదించారు. ఇదిలా ఉండగా.. కమనీయమైన కళ్యాణ కార్యక్రమంలో నయనతార, విఘ్నేష్ ధరించిన కొత్త డ్రస్సులు ప్రతి ఒక్కరినీ ఆకట్టుకున్నాయి. వివాహ దుస్తుల్లో వీరిద్దరూ సరికొత్తగా కనిపించారు. ఈ సందర్భంగా వారిద్దరూ ఎలాంటి డ్రస్సులు ధరించారు.. ఎలాంటి కట్టుబాట్లను పాటించారనే ఆసక్తికరమైన విషయాలను ఇప్పుడు తెలుసుకుందాం....

2022లో జూన్ 9వ తేదీన గురువారం నాడు చెన్నై సమీపంలోని మహాబలిపురంలో వీరిద్దరూ మూడు ముళ్ల బంధంతో ఒక్కటవ్వగా.. వీరి ఫొటోలు సోషల్ మీడియాలో వైరల్ అవుతున్నాయి. నయనతారకు ఎంతో ఇష్టమైన రెడ్ కలర్ కాస్ట్యూమ్ లో కొత్త పెళ్లికూతురిలా మెరిసిపోయింది. ఆ డ్రస్సుకు తగ్గట్టు యాంటిక్ జ్యువెలరీతో ప్రతి ఒక్కరి చూపు తనవైపు ఉండేలా చేసింది. ముఖ్యంగా ఎర్రని రంగు డ్రస్సులో మెడ నిండా పచ్చని ఆభరణాలతో తళుకు తారలా మెరిసిపోయింది. తన ఇయర్ రింగ్స్, పాపిడి బిల్లా, చేతికి ఉన్న ఉంగరాలన్నీ పర్ఫెక్ట్ గా మ్యాచ్ అయ్యేలా చూసుకుంది. విఘ్నేష్ శివన్ కూడా సంప్రదాయ పంచె కట్టులో చాలా కొత్తగా కనిపించాడు. తను బ్రౌన్ కలర్ లెదర్ షూ వేసుకున్నాడు.

జూన్ 11వ తేదీన అంటే శనివారం రోజున నయనతార-విఘ్నేష్ శివన్ కపుల్ చెన్నైలో భారీ రిసెప్షన్ ఏర్పాటు చేశారు. ఈ వేడుకలకు సుమారు లక్ష మంది వస్తారని అంచనా వేస్తున్నారు. ఎందుకంటే దాదాపు అంత మందికి ఆహ్వానాలు వెళ్లినట్లు తెలుస్తోంది.