రణ్వీర్ సింగ్ మమ్ములను క్షమించాలి, రణభీర్ కపూర్ - దీపికా పదుకునే పెయిర్ అదిరింది

రణ్వీర్ సింగ్ మమ్ములను క్షమించాలి, రణభీర్ కపూర్ - దీపికా పదుకునే పెయిర్ అదిరింది
మొన్న గురువారం రాంప్ పై మనిష్ మల్హోత్రా డిజైన్ చేసిన ప్రత్యేకమైన దుస్తులతో రాంప్ వాక్ చేసిన దీపికా పదుకొనే – రణభీర్ కపూర్ కార్యక్రమానికే కేంద్రబిందువుగా నిలిచారు. తద్వారా పద్మావత్ సినిమాలో తనతో నటించిన రణ్వీర్ సింగ్ కన్నా, రణభీర్ కపూర్ తో పెయిర్ అదిరింది అంటూ న్యూస్ షికార్లు చేస్తూ ఉంది. మిజ్వాన్ సంక్షేమ సంఘం నిర్వహించిన ఫాషన్ షో లో భాగంగా పాల్గొన్న వీరు ప్రపంచాన్నే అబ్బురపరచే అందమైన కపుల్ గా కన్పించారు.

రణభీర్ - దీపిక ఇద్దరూ “ ది వాక్ ఆఫ్ మిజ్వాన్ “ ఫాషన్ షో లో ౩ సంవత్సరాల తర్వాత కలిసి కనిపించారు. ఈ ఫాషన్ షో లో దీపికా ముత్యాలతో పూలవలె ఎంబ్రాయిడ్ చేసిన లెహంగా చోళీని ధరించగా, రణభీర్ కపూర్ నలుపు షేర్వాణీ మీద తెలుపు రంగు ఎంబ్రాయిడరీ చేసిన దుస్తులను ధరించి ఎంతో ఆకర్షణీయంగా కనిపించారు.

ఈ ఇద్దరూ చేతిలో చేయి వేసుకుని రాంప్ నుండి కిందకు దిగుతూ ప్రేక్షకులను పలకరిస్తూ కార్యక్రమానికే ఒక కళను తీసుకుని వచ్చారు. తద్వారా దీపిక – రణభీర్ జంట టాక్ ఆఫ్ ది టౌన్ గా మారింది. ఈ జంట ఇదివరకే “ ఏ జవానీ హై దివానీ “ సినిమాలో నటనకు ప్రేక్షకుల ప్రశంసలను పొందారు. మరలా ఇన్ని సంవత్సరాల తర్వాత, రాంప్ పై ఎంతో ఆకర్షణీయంగా కనిపించి ప్రేక్షకుల మతులు పోగొట్టారు.

మనీష్ మల్హోత్రా దీపికా – రణభీర్ మద్యన ఎలా కనిపించారంటే :

మనీష్ మల్హోత్రా, వీరిరువురితో కలిసి స్టేజ్ మద్యలో చేరి సంతోషం , స్నేహపూరిత వాతావరణం మద్య ఉబ్బితబ్బిబ్బైనట్లుగా కనిపించారు. తద్వారా ఫాషన్ షో ఏంతో ప్రాధాన్యతను సంతరించుకుంది.

రణభీర్ కపూర్ తర్వాతి సినిమా ఎవరితో అంటే ...

అయన్ ముఖర్జీ తీస్తున్న “బ్రహ్మాస్త్ర” సినిమాలో ఆలియా భట్ , దీపికా పదుకునే లతో తన తర్వాతి ప్రాజెక్ట్ లో నటించనున్నట్లు తెలిపారు.
బాలీవుడ్ నంబర్ వన్ హీరోయిన్ దీపిక పదుకునే , రణ్వీర్ సింగ్ తో ఇది వరకే పద్మావత్ లో నటించగా, దీపికా బాయ్ ఫ్రెండ్ రణ్వీర్ గా రూమర్లు షికార్లు చేస్తున్న విషయం విదితమే. ఇవి ఈ సంవత్సరం చివరలో అయినా ఒక ముగింపును ఇస్తాయేమో చూడాలి.