Lakme Fashion Week 2023: చమ్కీ డ్రెస్సులో చమక్కుమన్న సోనాక్షి సిన్హా

ముంబయిలోని జియా గార్డెన్ లో జరుగుతున్న లాక్మే ఫ్యాషన్ వీక్ 2023 అంచనాలకు తగ్గట్లుగా అదిరిపోయే రేంజ్ లో జరుగుతోంది. రెండో రోజు బాలీవుడ్ కు చెందిన సినీ సెలెబ్రిటీలు లాక్మే ఫ్యాషన్ ఈవెంట్ లో ర్యాంప్ పై తమ స్టైల్ ప్రదర్శించారు. ఒకరికి మించి ఒకరు డిజైనర్ దుస్తుల్లో తమ గ్లామర్ ను ఒలకబోశారు.

లాక్మే ఫ్యాషన్ వీక్ 2023 లో రెండో రోజు మూడో షోలో ఇత్ర్, తాన్యా ఖనిజా, వరుణ్ నిదికా డిజైన్స్ ను మోడల్స్ ర్యాంప్ పై ప్రదర్శించారు. ఈ షోలో బాలీవుడ్ బ్యూటీ సోనాక్షి సిన్హా షో స్టాపర్ గా వచ్చింది.

రన్ వే వేదికగా జరిగిన ఈ షోలో సోనాక్షి గోల్డ్ బ్లాక్ కలర్ చమ్కీల డ్రెస్సులో మెరిసిపోయింది.

గోల్డ్ కలర్ లెహంగాలో సోనాక్షి ఎంతో అందంగా కనిపించింది. పర్ఫెక్ట్ ఫిట్టింగ్ తో వచ్చిన ఈ డ్రెస్ పైకి సోనాక్షి అదే రంగు దుపట్టా ధరించింది.

సేమ్ కలర్ లెహంగా, బ్లౌజ్, దుపట్టాతో మోనోక్రోమిక్ లుక్ ను తీసుకువచ్చింది సోనాక్షి. సోనాక్షి అందానికి, శరీర సౌష్టవానికి సరిగ్గా సరిపోయే డిజైన్ ను ఎంచుకున్నారు డిజైనర్ ఇత్ర్.

ఈ స్పార్కిల్ ఔట్ ఫిట్ పైకి సోనాక్షి ఎలాంటి యాక్ససెరీస్ ధరించకుండానే స్టైల్ గా కనిపించింది.