Makar Sankranti 2025: సంక్రాంతి రోజు ఏ రంగు బట్టలు ధరించాలి? ఇవి ధరిస్తే చాలా శుభప్రదం

దేశవ్యాప్తంగా మకర సంక్రాంతి సంబరాలు ప్రారంభమయ్యాయి. సంక్రాంతి పండుగ రోజున సాధారణంగా అందరూ కొత్త బట్టలు ధరిస్తారు. అయితే సంక్రాంతి రోజున ఏ రంగు దుస్తులు ధరించాలి, ఏ రంగు దస్తులు ధరించకూడదు? అనే విషయాలు తెలుసుకోవడం చాలా ముఖ్యం. మకర సంక్రాంతి నాడు మంగళకరమైన రంగుల వస్త్రాలు ధరించడం వల్ల జీవితంలో శ్రేయస్సు, సంతోషం, అదృష్టాలు లభిస్తాయి.

మకర సంక్రాంతికి మత, సాంస్కృతిక, జ్యోతిషశాస్త్ర కోణంలో ప్రత్యేక ప్రాముఖ్యత ఉంది. ఈ రోజున పాజిటివ్ ఎనర్జీ, మత విశ్వాసాల ఆధారంగా ధరించే దుస్తుల రంగులు ఎంపిక చేయబడతాయి. ఈ రోజున కొన్ని రంగుల దుస్తులను ధరించడం శుభప్రదంగా పరిగణించబడడమే కాకుండా ఆధ్యాత్మిక, శాస్త్రీయ కారణాలతో కూడా సంబంధం కలిగి ఉంటాయి.

సంక్రాంతి నాడు ఈ రంగు దుస్తులు ధరించాలి

పసుపు రంగు
పసుపు రంగు సూర్య భగవానుని చిహ్నంగా పరిగణించబడుతుంది. సూర్యుడు శక్తి, కాంతి, జ్ఞానంకి ప్రతీకగా భావిస్తారు. ఈ రోజున పసుపు రంగు దుస్తులు ధరించడం వల్ల సానుకూల శక్తి,అదృష్టం వస్తుంది. పసుపు రంగు భక్తి, ఉత్సాహం, అంకితభావానికి చిహ్నం. ఇది మతపరమైన పండుగలలో పవిత్రమైనదిగా పరిగణించబడుతుంది. పసుపు రంగు సరస్వతీ దేవి విష్ణువు ఇష్టమైన రంగు కూడా.

నలుపు

మకర సంక్రాంతి నాడు సూర్యుడు మకరరాశిలోకి ప్రవేశిస్తాడు,ఇది శని ఆధిపత్య రాశి. అందుకే నలుపు రంగుకు ప్రాముఖ్యత ఉంది. కొన్ని నమ్మకాల ప్రకారం నల్ల బట్టలు చెడు కన్ను, ప్రతికూల శక్తి నుండి రక్షిస్తాయి. సాధారణంగా నలుపు రంగును అశుభకరమైనదిగా పరిగణిస్తారు, అయితే మకర సంక్రాంతి నాడు నల్లని బట్టలు ధరించే సంప్రదాయం ముఖ్యంగా మహారాష్ట్రలో కనిపిస్తుంది. ఈ రోజు వాతావరణం చల్లగా ఉంటుంది, నలుపు రంగు శరీరానికి వెచ్చదనాన్ని అందిస్తుంది.

తెలుపు
తెలుపు రంగు శాంతి, స్వచ్ఛత,సరళతకు చిహ్నంగా పరిగణించబడుతుంది. మకర సంక్రాంతి నాడు తెల్లటి దుస్తులు ధరించడం వల్ల మనస్సుకు ప్రశాంతత చేకూరుతుంది, జీవితంలో సానుకూల శక్తి ప్రవహిస్తుంది. ఈ రంగు సూర్యుని శక్తిని కూడా ఆకర్షిస్తుంది, ఇది మకర సంక్రాంతికి ప్రధాన ఆధారం.

ఎరుపు
ఎరుపు రంగు బలం, ధైర్యం, విశ్వాసాన్ని సూచిస్తుంది. మకర సంక్రాంతి నాడు ఎరుపు రంగును ధరించడం వల్ల జీవితంలో ఉత్సాహం పెరుగుతుంది. ముఖ్యంగా పూజ సమయంలో ఎరుపు రంగును ధరించడం వల్ల విశేష ఫలితాలు లభిస్తాయి, దైవిక శక్తులు ప్రభావితమవుతాయి.