పెళ్లిళ్లలో ఇలాంటి కలర్ ఫుల్ లెహంగాలో మెరిసిపోండి.. !

పెళ్లిళ్ల సీజన్ ఆర్భాటంగా మొదలయ్యింది కదా. డిజైనర్ బొటీక్ లు, షాపింగ్ మాల్స్‌లో డిస్కౌంట్ ధరలలో పెళ్లిళ్లలో ధరించే దుస్తులు కొనడానికి అమ్మాయిలు క్రేజీగా ఉండే ఉంటారు. ఈ సీజన్ లో పెళ్లిళ్లలో ధరించిన దుస్తుల్లో ఎక్కువగా ఇండో-వెస్టర్న్ రంగులు కనిపించాయి. ధోతీల మీద షర్టులు, స్కర్టుల మీద శారీ బ్ల్లౌజులు ఈ సీజన్ ఫ్యాషన్.

ఈ సీజన్ లో బెస్ట్ ఏమిటంటే క్రాప్ టాప్ లెహంగా. అమ్మాయిలు ఈ కొత్త రకం క్రాప్ టాప్ లెహెంగా ధరించడానికి బాగా ఆసక్తి చూపించారు. పద్మినీ కొల్‌హాపురీ ప్రదర్శించిన క్లోతింగ్ లైన్ ఎగ్జిబిషన్లో ట్రెండీ క్రాప్ టాప్ లెహెంగాలు అందరినీ తెగ ఆకట్టుకుంటున్నాయి.

పెళ్లికూతురిని చేసే రోజు ధరించడానికి ఈ ఫోటోలో చూపించిన ఎరుపు-పసుపు రంగుల లెహంగా చక్కగా సరిపోతుంది. స్లీవ్ లెస్ పింక్ కలర్ టాప్ పసుపు రంగు పూల డిజైనున్న పూల స్కర్టు మీదకి సరిగ్గా నప్పింది కదూ. చాలా డిఫరెంట్ గా ఆకట్టుకుంటోంది.

ఇక రెండోది ఈ నీలం రంగు లెహెంగా. పగలు జరిగే ఫంక్షన్లకి ఇది చక్కటి ఎంపిక. ఎందుకంటే నీలపు రంగు పగటి వెలుతురులో బాగా ప్రకాశిస్తుంది. దీని మీద ధరించిన మోచేతులవరకూ ఉన్న బ్లౌజ్ పూల డిజైన్ తో ఉన్న సముద్రపు నీలి రంగు స్కర్టు మీదకి చక్కగా సరిపోయింది.