గుండెపోటుతో 8ఏళ్ల చిన్నారి మృతి..మీ పిల్లలకు రాకుండా ఉండాలంటే ఇలా చేయండి

పెద్దలకు మాత్రమే గుండెపోటు వస్తుందని చాలామంది అనుకుంటారు. అయితే మీరు కూడా అనుకుంటున్నట్లయితే పొరపాటు పడినట్లే. సాధారణంగా గుండె సంబంధిత సమస్యలు 18-20 సంవత్సరాల తర్వాత మాత్రమే సంభవిస్తాయి. అయితే ఇటీవల కాలంలో చిన్నారులకు కూడా హార్ట్ ఎటాక్ వస్తుంది. స్కూల్ లో తోటి పిల్లలో ఆడుతూ, కబుర్లు చెప్పుకుంటూ సడెన్ గా గుండెపోటుకి గురై చిన్నారులు మరణించిన ఘటనలు చాలానే వెలుగుచూశాయి.

తాజాగా కర్ణాటకలోని చామరాజనగరలోని సెయింట్ ఫ్రాన్సిస్‌ స్కూల్‌ లో తేజస్విని (8) అనే మూడో తరగతి చిన్నారి క్లాస్ రూమ్ లోనే గుండెపోటుతో మరణించడం అందరినీ షాక్ కు గురిచేసింది. ఈ సోమవారం ఎంతో ఉత్సాహంగా పాఠశాలకు వచ్చిన ఆ చిన్నారి స్నేహితులతో కబుర్లు చెప్పుకొని తర్వాత టీచర్ కు నోట్ బుక్ చూపిస్తూ ఒక్కసారిగా కుప్పకూలిపోయింది. వెంటనే చిన్నారిని హాస్పిటల్ కి తరలించగా అప్పటికే తేజస్విని మృతి చెందినట్లు డాక్లర్లు కన్ఫర్మ్ చేశారు.

చైల్డ్ స్పెషలిస్ట్ చెబుతుందిదే

పిల్లల్లో కార్డియాక్ అరెస్ట్ అనేది పుట్టుకతో వచ్చే గుండె లోపాలు, విద్యుత్ సమస్యలు లేదా తీవ్రమైన ఇన్ఫెక్షన్ల వల్ల సంభవించవచ్చు. ఈ పరిస్థితి చాలా అరుదు కానీ 10 సంవత్సరాల కంటే తక్కువ వయస్సు ఉన్న పిల్లలలో కూడా ఇది సాధ్యమే. చైల్డ్ స్పెషలిస్ట్ వివేక్ శర్మ ప్రకారం.. పిల్లలలో గుండెపోటు కేసులు చాలా అరుదు. లక్షలో 1- 3 మంది పిల్లలు మాత్రమే ప్రభావితమవుతారు. గుండె ఆగిపోవడానికి అనేక కారణాలు ఉన్నప్పటికీ సగం కేసులలో కారణం తెలియదు. ఈ సందర్భంలో గుండె అకస్మాత్తుగా పంపింగ్ ఆగిపోతుంది, ఇది మరణానికి దారితీస్తుంది. తక్షణ CPR,హాస్పిటల్ ట్రీట్మెంట్ జీవితాలను కాపాడుతుంది.

ఇవి కూడా గుండెపోటుకి కారణం
గుండె ఆగిపోవడానికి అనేక కారణాలు ఉండవచ్చు. గుండె ఇన్ఫెక్షన్ వల్ల వచ్చే మయోకార్డిటిస్, గుండె కండరాలను బలహీనపరుస్తుంది, ఇది అరెస్టుకు దారితీస్తుంది, ఇది పిల్లలలో సాధారణం. క్యాన్సర్, తీవ్రమైన గాయాలు, మాదకద్రవ్యాల అధిక మోతాదు,పుట్టుకతో వచ్చిన లేదా జన్యుపరమైన గుండె జబ్బులు కూడా గుండె ఆగిపోవడానికి కారణం కావచ్చు. ఈ కారణాల వల్ల గుండె అకస్మాత్తుగా పంపింగ్ ఆగిపోతుంది, ఇది ప్రాణాంతకం. పిల్లలలో గుండె ఆగిపోవడానికి ఇది ఒక కారణం అవుతుంది.

ఈ పరీక్షలు చేయించుకోవాలి

నిపుణుల అభిప్రాయం ప్రకారం ఫస్ట్ డిగ్రీ రిలేషన్‌షిప్‌లో ఎవరైనా ఈ రకమైన వ్యాధిని కలిగి ఉంటే వారి పిల్లలు కూడా దాని బారిన పడే ప్రమాదం ఉంది. అలాంటి వ్యక్తులు 10 సంవత్సరాల వయస్సులోపు లిపోప్రొటీన్ A, లిపిడ్ ప్రొఫైల్ పరీక్ష చేయించుకోవాలి. తద్వారా గుండె పరిస్థితిని గుర్తించవచ్చు. గుండె కండరాల నిర్మాణాత్మక లేదా క్రియాత్మక అసాధారణతలు, కండరాలు గట్టిపడటం వంటివి యువతలో ఆకస్మిక గుండె మరణానికి ప్రధాన కారణం కావచ్చు. గుండె కణాలలో ఆటంకాలు, ఎలక్ట్రోలైట్స్ లేకపోవడం లేదా అధికంగా ఉండటం కూడా గుండెపోటుకి కారణం కావచ్చు.

నివారించడం ఎలా?
గుండె ఆగిపోకుండా ఉండాలంటే కుటుంబంలో గుండెపోటు లేదా గుండె ఆగిపోయిన చరిత్ర ఉంటే 10 సంవత్సరాల వయస్సు నుండి గుండె సంబంధిత పరీక్షలు చేయించుకోవాలి. గుండెపోటు లేదా గుండె ఆగిపోయే ముందు ఎటువంటి లక్షణాలు కనిపించవు కాబట్టి ప్రతి సంవత్సరం లిపిడ్ ప్రొఫైల్, ట్రెడ్‌మిల్ పరీక్ష, ECG వంటి గుండె పరీక్షలు చేయించుకోవడం చాలా ముఖ్యం. దీని కోసం డాక్టర్ ని సంప్రదించడం,డాక్టర్ల సలహా తీసుకోవడం చాలా ముఖ్యం. గుండె సంబంధిత వ్యాధులను నివారించడానికి ఆరోగ్యకరమైన ఆహారం, క్రమం తప్పకుండా వ్యాయామం, తగినంత నిద్ర, ఒత్తిడి లేని జీవనశైలిని అనుసరించడం చాలా ముఖ్యం అని నిపుణులు చెబుతున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.