మరో దేశానికి పాకిన చైనా HMPV వైరస్.. ఈ లక్షణాలు ఉంటే మీకు కూడా ఈ వైరస్ ఉన్నట్లే!

చైనాలో హ్యూమన్ మెటాప్ న్యుమో వైరస్ వేగంగా వ్యాపిస్తోంది. ఈ వైరస్ ప్రస్తుతం ప్రపంచ దేశాలను వణికిస్తోంది. కరోనా లక్షణాలు ఉండడంతో పాటు వేగంగా వ్యాపిస్తుండడంతో ప్రజలందరూ బిక్కు బిక్కుమంటూ బతుకుతున్నారు. ఈ వైరస్ కారణంగా చైనాలోని ఆసుపత్రులు, స్మశాన వాటికలు నిండిపోతున్నాయని అంతర్జాతీయ మీడియా కథనాలు ప్రచురిస్తున్నాయి. జపాన్‌లో కూడా ఈ వైరస్ కేసులు నమోదైనట్లు వార్తలు వస్తున్నాయి. ఈ నేపథ్యంలో ఈ వైరస్ లక్షణాలు ఎలా ఉంటాయి? దానిని ఎలా నివారించుకోవాలి అనేది ఈ స్టోరీలో తెలుసుకుందాం.

HMPV వైరస్ లక్షణాలు

ఈ వైరస్ సోకిన వారిలో ముఖ్యంగా శ్వాసకు సంబంధించిన సమస్యలు వస్తాయి. శ్వాసకోస వ్యవస్థ దెబ్బతింటుంది. ఇది సాధారణంగా ఫ్లూ లేదా జలుబు లక్షణాలను కలిగి ఉంటుంది. అలాగే దగ్గు, జ్వరం కొన్ని సందర్భాల్లో వాసన కోల్పోవడం, రుచి లేకపోవడం వంటి లక్షణాలు కూడా కనిపిస్తాయి. మొదట జలుబు, దగ్గు వస్తుంది. తరువాత కొద్దిపాటి జ్వరంతో ఈ వైరస్ ప్రభావం మొదలవుతుంది. క్రమంగా ఊపిరి తిత్తులను ప్రభావితం చేస్తుంది. గొంతునొప్పి, ఊపిరి ఆడకపోవడం వంటి సమస్యలు తీవ్రమవుతాయి. క్రమంగా మృతి చెందే అవకాశాలు కూడా ఉన్నాయి.

ఈ వైరస్ సోకిన వారు దగ్గినా తుమ్మినా, శారీరక సంబంధాల ద్వారా ఈ వైరస్ ఇతరులకు సోకుతుంది. కరోనా మాదిరిగానే ఈ వైరస్ కూడా ఇతరులపై వేగంగా దాడిచేయగలదు. కరోనా మాదిరిగానే లక్షణాలు కూడా ఉన్నాయి. అందుకే దీని గురించి అందరూ అంతలా భయపడుతున్నారు.

నివారణ మార్గాలు

ఈ వైరస్ ప్రస్తుతానికి ప్రమాదకరంగా కనిపించినప్పటికీ.. కాలక్రమేణా చాలా ప్రమాదకరంగా మారే అవకాశాలు కనిపిస్తున్నాయి. ఈ వైరస్ సోకకుండా ఉండాలంటే ముఖ్యంగా శుభ్రత పాటించాలి. మాస్క్‌ను తప్పనిసరిగా వినియోగించాలి. దగ్గినప్పుడు లేదా తుమ్మినప్పుడు కచ్చితంగా గుడ్డను ముఖానికి అడ్డం పెట్టుకోవాలి. చేతులను ఎప్పటికప్పుడు శుభ్రం చేసుకోవాలి. ఈ HMPV వైరస్‌ను 20 సంవత్సరాల క్రితమే శాస్త్రవేత్తలు కనుగొనినట్లు తెలుస్తోంది. చైనా, జపాన్ దేశాల్లో ప్రస్తుతం 7 లక్షలకుపైగా కేసులు నమోదవుతున్నట్లు తెలుస్తోంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.