షుగర్ వ్యాధి అంటే ఏమిటి?

మనం తినే తిండిలో వున్న గ్లూకోజు పొట్టలోకి వెళ్ళి రక్తంలోకి ప్రవేశిస్తుంది. ఇక మనకు ఎనర్జీ ఇవ్వాలంటే ఈ గ్లూకోజు కణాలలోకి చేరాలి. గ్లూకోజు కణాలలోకి చేరేందుకుగాను ఇన్సులిన్ సహాయపడుతుంది. ఇన్సులిన్ అనే పదార్ధాన్ని మన దేహంలోని పాన్ క్రియాస్ గ్రంధి ఉత్పత్తి చేస్తుంది. ఈ పాన్ క్రియాస్ గ్రంధి కనుక సరిగా పని చేయకపోతే ఇన్సులిన్ ఉత్పత్తి తగ్గుతుంది. అపుడు మనం తిన్న గ్లూకోజు కణాలలోకి పూర్తిగా చేరకుండా రక్తంలోనే నిలువ వుంటుంది. ఈ స్ధితినే షుగర్ వ్యాధి వచ్చిన దశగా చెపుతారు.

డయాబెటీస్ వ్యాధి నాకే ఎందుకు రావాలి? మా కుటుంబంలో ఎవరికీ లేదే. నాకెలా వచ్చింది. అనేది తరచుగా వింటూంటాం. కుటంబ చరిత్ర తప్పకుండా పరిగణలోకి తీసుకోవాల్సిందే. డయాబెటీస్ రావటం మీ తప్పు కాదు. భారత దేశంలోని గ్రామీణులలో 6 శాతం , నగరవాసులలో 14 శాతం ఈ వ్యాధికి గురై వున్నట్లు తెలుస్తోంది. తాజా పరిశోధనలలో ప్రపంచం మొత్తంలోకి ఆసియా ఖండ నివాసులలో ఈ వ్యాధి అధికంగా వున్నట్లు తెలుస్తోంది. పాశ్చాత్య దేశాల వారికంటే కూడా మనకు మరింత చిన్న వయసు (సుమారు 10 సం.) లోనే వచ్చేస్తున్నట్లు నివేదికలు తెలుపుతున్నాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.