రోజూ 4 కప్పులు కాఫీ తాగితే...!

By B N Sharma

Published: Thursday, February 23, 2012, 13:11 [IST]

4 cups of Coffee daily cut Diabetes risk!

ప్రతిరోజూ నాలుగు కప్పులు కాఫీ తాగితే డయాబెటీస్ వ్యాధి కలిగే అవకాశాలను తగ్గిస్తుందంటున్నారు రీసెర్చర్లు. యూరోప్ లోని ఒక పరిశోధనా సంస్ధ ఆరోగ్యకర జీవన విధానాలు - ఆహారం అనే అంశంపై చేసిన పరిశోధనలో ప్రతిరోజూ నాలుగు నుండి ఐదు కప్పుల కాఫీ తాగితే డయాబెటీస్ వచ్చే అవకాశం 30 శాతం తగ్గుతుందని తెలిపింది. అంతేకాదు, గుండె జబ్బులు, లేదా కేన్సర్ వంటి మొండి రోగాలు కూడా రావని తెలిపినట్లు ది డైలీ మెయిల్ పత్రిక తెలిపింది.

ఈ ఏజన్సీ నిర్వహించిన పరిశోధనలో సుమారు తొమ్మిది సంవత్సరాల పాటు 42,659 మంది వ్యక్తులు పాల్గొన్నారు. వారిలో టైప్ 2 డయాబెటీస్ వ్యాధికలవారు 1,432 కాగా గుండె సంబంధిత వ్యాధులున్నవారు 394 మంది, గుండెపోటు, కేన్సర్లున్నవారు 1,801 మంది వున్నట్లు వెల్లడించారు.

కాఫీలో వుండే కేఫైన్ అనే పదార్ధం డయాబెటీస్, గుండెజబ్బులు తగ్గించేందుకు తోడ్పడటమే కాక, బాగా అలసిన వారికి ఉత్తేజాన్నిచ్చి మరో మారు వారు తమ పనులు ఉత్సాహంతో చేసుకోడానికి తోడ్పడుతుందని, ప్రత్యేకించి, రహదారుల ప్రయాణంలో వున్న డ్రైవర్లకు ఎంతో శక్తినిచ్చి వారు మెళకువతో ప్రయాణించేలా చేస్తుందని నెదర్లాండ్స్ లోని యుట్రెచ్ యూనివర్శిటీ సైంటిస్టులు వెల్లడించారు. ఒక కప్పు కాఫీ సుమారు నాల్గు గంటలపాటు మనిషిలో ఉత్తేజాన్నిస్తుందని వీరు తమ పరిశోధనలో తెలిపారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.