డయాబెటీస్ వ్యాధి నయం చేయవచ్చా?

Diabetes

oi-Nageswara

By B N Sharma

Published: Tuesday, April 24, 2012, 13:52 [IST]

ఆధునిక జీవన విధానంలో డయాబెటీస్ వేగంగా వ్యాప్తి చెందే వ్యాధి. నేటి రోజులలో 30 సంవత్సరాలకే ఈ వ్యాధి వచ్చేస్తోంది. అది శాశ్వతంగా వుండే వ్యాధి. నివారణ లేదు. బాధపడేవారికి ఇది విచారకరవిషయమే. అయితే, మీరు కనుక ఇప్పుడిపుడే డయాబెటీస్ పొందుతున్నట్లయితే, మీరు దీని నుండి బయటపడేటందుకు కొన్ని అవకాశాలుంటాయి. కొత్త పరిశోధనలు డయాబెటీస్ వ్యాధి ప్రాధమిక దశలో వుంటే దానిని రివర్స్ చేయవచ్చని చెపుతున్నాయి. అయితే, అన్ని రకాల డయాబెటీస్ రివర్స్ చేయటానికి వీలు లేదు. సాధారణంగా డయాబెటీస్ అనేది రక్తంలో షుగర్ నిల్వలు అధికంగా వుండటంతో ఏర్పడుతుంది.

ఏ రకమైన డయాబెటీస్ రివర్స్ చేయవచ్చు? డయాబెటీస్ రెండు రకాలుగా వుంటుంది. ఒకటి పిల్లలలో వచ్చేది. వీరిలో పాన్ క్రియాస్ గ్రంధి ఇన్సులిన్ అసలు ఉత్పత్తి చేయదు. ఇన్సులిన్ అనేది షుగర్ ని శక్తిగా మారుస్తుంది. మరి ఇన్స్ లిన్ కనుక శరీరంలో లేకుంటే బయటనుండి దానిని అందించాల్సివుంటుంది. పుటుకతో వచ్చే ఈ డయాబెటీస్ కు ఇన్సులిన్ బయటనుండి అందించడమే చికిత్సా పరిష్కారం.

టైప్ 2 డయాబెటీస్ అనేది రెండవరకం డయాబెటీస్. ఇది జీవన విధానంలోని అసమతుల్యతలకు వస్తుంది. సాధారణంగా మధ్య వయసు వారిలో వస్తుంది. ఊబకాయం, అనారోగ్య జీవన విధానం వుంటే త్వరగా వస్తుంది. వీరిలో ఇన్సులిన్ సరిగా పనిచేయదు. శరీర కణాలలో కొవ్వు అధికంగా వుండటంతో అవి గ్లూకోజు ను పీల్చలేవు. ఈ పరిస్దితికి పాన్ క్రియాస్ గ్రంధి మరింత అధికంగా ఇన్సులిన్ ఉత్పత్తి చేయాలి. ఈ రకమైన డయాబెటీస్ ను రివర్స్ చేయవచ్చు.

టైప్ 2 డయాబెటీస్ ను ఎలా రివర్స్ చేయాలి?
నూటికి 90 మంది ఈ రకం డయాబెటీస్ తో బాధ పడుతున్నారు. మీకు కనుక ఈ డయాబెటీస్ వున్నట్లయితే, మొదటి దశలలో దీనిని రివర్స్ చేయవచ్చు. లేదా తగ్గించుకోవచ్చు. మరి దీనినిగురించి కొంత తెలుసుకోండి.

డయాబెటిస్ మొదటి దశ - మొదటి సారి మీ బ్లడ్ షుగర్ 120 రీడింగ్ దాటితే మిమ్మల్ని డయాబెటిక్ అనటానికి వీలు లేదు. అపుడే మీ ఇన్సులిన్ సరిగా పని చేయని దశకు వచ్చింది. మీరు పూర్తి డయాబెటిక్ కాదు.

ఆ దశలో మీరు తక్కువ కేలరీల ఆహారం తీసుకోవాలి. అధిక బరువు తగ్గించుకోవాలి. కనీసం 3 నెలలపాటు తగిన ఆహార ప్రణాళిక ఆచరించాలి. ఈ లోపు మీ పాన్ క్రియాస్ గ్రంధి దానిలోని కొవ్వు కరిగించుకుంటుంది. మరల సాధారణంగా పనిచేస్తుంది. ఈ సమయంలో పీచు అధికంగా వుండే ఆహారాలు మీరు తినాలి.

క్రమం తప్పకుండా వ్యాయామం ప్రతిరోజూ తప్పక చేయాలి. వేగవంతమైన నడకలు లేదా జాగింగ్ నిరంతరంగా చేయాలి. అపుడే మీరు ఈ వ్యాధిని తగ్గించుకోగలరు. మీ కుటుంబ సభ్యులలో ఎవరికైనా డయాబెటీస్ చరిత్ర వుంటే, మరి మీ జీవన విధానం మీ 30 సంవత్సరాల వయసునుండే సక్రమంగా వుండేలా చూసుకోండి. డయాబెటీస్ వ్యాధిని నిరోధించాలంటే, మీ అనారోగ్య జీవన విధానానికి దూరంగా వుండాలి. ఆహారపు అలవాట్లు మార్చుకోవాలి. అంతకు మించి డయాబెటీస్ వ్యాధిని దూరం చేసుకోవాలంటే మరో మార్గం లేదు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.