యువతలో షుగర్ నియంత్రించాలంటే?

అమెరికా దేశంలో పిల్లలు ఊబకాయాలతో బరువెక్కి షుగర్ వ్యాధి తెచ్చిపెట్టుకుంటున్నారు. వాటిని తగ్గించుకోలేక నానా అవస్ధలు పడుతున్నారు. అయితే ఈ పిల్లలు అరబిక్ వ్యాయామాలు, డ్యాన్స్ వంటివి చేస్తూ వుంటే వారి షుగర్ స్ధాయి నియంత్రణలోకి వచ్చేస్తోందని తాజాగా ఫిలడెల్ఫియాలోని ఒక పరిశోధనా సంస్ధ యూనివర్శిటీ ఆఫ్ పెన్సిల్వానియా స్కూల్ ఆఫ్ నర్సింగ్ తో కలిసి చేసిన పరిశోధనలో తేలింది.

వీరి పరిశోధనలో డ్యాన్స్ తరగతిలో విద్యార్ధులు ఇతర రోజులలో వారు వేసే అడుగులకంటే కూడా రెండు రెట్లు అధికంగా అడుగులువేసి శరీర శ్రమను కలిగించుకుంటున్నారట. కనుక డ్యాన్సింగ్ అనేది ఉచితమైన సాంస్కృతిక కార్యక్రమమే కానవసరంలేదు, షుగర్ వ్యాధిని తగ్గించేందుకు చురుకైన ఒక జీవన విధానంగా కూడా మార్చుకోడానికి తేలికగా అందుబాటులో వుందని, ఇకపై స్కూళ్ళలో విద్యార్ధుల ఆరోగ్యానికై ఆరోగ్య నిపుణులు డ్యాన్స్ ను తరగతి గదిలో ఒక బోధనా అంశంగా కూడా ప్రవేశపెట్టాలని అధ్యయన కర్త టెర్రి లిప్ మాన్ వెల్లడించారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.