షుగర్ వ్యాధి గ్రస్తులు- ప్రయాణ జాగ్రత్తలు!

Diabetes

oi-Nageswara

By B N Sharma

Published: Wednesday, March 21, 2012, 12:02 [IST]

వేసవికాలం వచ్చేస్తోంది. పిల్లలకు సెలవులు. సెలవులలో సాధారణంగా వివిధ ప్రదేశాలకు ప్రయాణాలుంటాయి. అయితే, డయాబెటిక్ రోగులు ప్రయాణాలు చేయాలంటే, వారికి వేళకు తిండి, మందులు, నిద్ర, వంటివి ఎంతో అవసరం. మరి డయాబెటిక్ రోగులు ప్రయాణాలు చేస్తుంటే, వెంట ఏమేమి తీసుకు వెళ్ళాలి. మరచిపోకుండా మందులు ఎలా దగ్గర వుంచుకోవాలి అనే అంశాలు పరిశీలించండి.

అదృష్టవశాత్తూ డయాబెటీస్ ని మనం మోసుకెళ్ళనవసరం లేదు. అది టైప్ 1 అయినా లేక టైప్ 2 అయినాఅది మనతోనే వుంటుంది. సాధారణ ప్రయాణీకులకంటే వీరు కొద్ది వస్తువులు అదనంగా తీసుకోవాలి. వీటిని ముందుగా ప్రణాళిక చేసుకుని వుంటే, మరచిపోయి ఇబ్బందిపడే ప్రమాదం వుండదు. సాధారణంగా మీరు వాడే మెడిసిన్లకిట్ తో పాటు, మరి కొన్ని అదనంగా కూడా వుంచుకోండి. బస్సు లేదా కారు ప్రయాణం చేసే వారు ఈ కిట్ ను వారికి అందుబాటులోనే వుంచుకోవచ్చు. అయితే, విమాన ప్రయాణం చేసేవారు ముందు జాగ్రత్తలతో తమ కిట్ ను సెక్యూరిటీ ద్వారా తెప్పించుకొని తమతో వుంచుకోవాలి. ప్రయాణంలో ఎట్టి పరిస్ధితులలోను ఈ మందులు మీ చెంత తప్పక వుండాలి.

విమాన ప్రయాణంలో మీ ఇన్సులిన్ ఫ్రీజ్ కాకుండా జాగ్రత్త పడాలి. కేబిన్ లో వుండా ఇన్సులిన్ బాగానే వుంటుంది. దానికి అదనపు కూలింగ్ అవసరం లేదు. అధిక వేడి లేదా అధిక చల్లదనం ఇన్సులిన్ కు పనికిరాదు. ప్రయాణం చేసేటపుడు వెంట తీసుకు వెళ్ళవలసిన ఇతర వస్తువులు అంటే ఫోన్ చార్జర్, కెమెరా చార్జర్, వంటివాటితోపాటు మెడిసిన్ల కిట్ లో పెట్టుకోవలసిన మందులు కూడా ఒక జాబితాగా రాసుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.