డయాబెటిక్ రోగుల ఆహారం ఎలా వుండాలి?

Diabetes

oi-Nageswara

By B N Sharma

Published: Monday, April 2, 2012, 13:00 [IST]

ఆహార సంబంధంగా వుండే కారణాలలో, పోషకాలు లేని ఆహారాలు తినటం కూడా డయాబెటీస్ కు దోవతీస్తుంది. కనుక మంచి ఆహారం తీసుకుంటే ఈ వ్యాధిని అరికట్టవచ్చని కూడా చెప్పవచ్చు. డయాబెటీస్ కలిగిన వ్యక్తులు, ప్రత్యేక ఆహారాలు తినాలి అనటం వాస్తవం కాదు. డయాబెటీస్ వున్నా లేకున్నా లేదా డయాబెటీస్ ను నియంత్రించాలంటే ఆరోగ్యకరమైన అన్ని పోషకాలు కల సమతుల్య ఆహారం తీసుకోవాలి. అనేది సరైన వాస్తవం. మరి డయాబెటీస్ రోగులకు ఆహారం ఎలా వుండాలనేది పరిశీలించండి.

1. కార్బోహైడ్రేట్లు అధికంగా వుండే ఆహారాలు తక్కువగా తీసుకోవాలి. బ్రెడ్, రైస్, దుంపలలో కార్బోహైడ్రేట్లు అధికంగా వుంటాయి. ఇవి తేలికగా జీర్ణం అయి రక్తంలోని షుగర్ స్ధాయిలను పెంచుతాయి. అయితే స్వీట్లు, కూల్ డ్రింకులు వంటివి తీసుకోరాదు.
2. మాంసాహారాన్ని తగ్గించాలి. వీటిలో శాట్యురేటెడ్ కొవ్వు వుంటుంది. అది షుగర్ వ్యాధిగ్రస్తులకు మంచిదికాదు. అయితే, చేపలు, సీఫుడ్లు, వంటివి తినవచ్చు.
3. ఆరోగ్యకర నూనెలు వాడండి. ఆరోగ్యకర వంటనూనెలు రక్తంలో కొలెస్టరాల్ తగ్గిస్తాయి. ఆలివ్ ఆయిల్, కెనోలా నూనె వంటివి ఆరోగ్యకరమైనవి. అధికంగా నూనెలో వేయించిన ఆహారాలు భుజించకండి.
4. సూప్ వంటి వాటిలో క్రీమ్ వంటి వాటికి బదులుగా కార్న్ స్టార్చ్ వాడండి. షుగర్ వంటి వాటిని సగానికి తగ్గించి వాడండి.
5. రైస్ కంటే కూడా అధికంగా కూరలు తినండి. వృక్షజాతి సంబంధ ఆహారాలలో పోషకాలు అధికం. ఇవి డయాబెటీస్ రోగులకు ఆరోగ్యం కలిగిస్తాయి. కూరగాయలను సూప్ లుగా, కేసే రోల్ గా, సలాడ్లలో కలిపి తినండి.
6. తాజాపండ్లు తినండి. కూరగాయలవలెనే పండ్లలో మంచి పోషకాలుంటాయి. పండ్లలో వుండే తీపి బ్లడ్ షుగర్ ను అధికం చేయదు. కనుక పండ్లను డయాబెటిక్ రోగులు తమ షుగర్ స్ధాయిని బట్టి దానిని నియంత్రించుకోడానికి తగుమాత్రంగా తినవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.