డయాబెటీస్ వుంటే నిద్ర లోపిస్తుందా?

రాత్రివేళ ఆరు గుంటలకంటే తక్కువ నిద్రిస్తే, వారిలో డయాబెటీస్, గుండె జబ్బు వచ్చే అవకాశాలు మూడు రెట్లు అధికం అని న్యూయార్క్, బఫెలో స్టేట్ యూనివర్శిటీ మరియు వార్విక్ మెడికల్ స్కూల్ కలసి చేసిన ఒక అధ్యయనం తెలిపినట్లు టైమ్స్ ఆఫ్ ఇండియా ప్రచురించింది. తక్కువగా నిద్రిస్తున్నారంటే ఇక మీకు డయాబెటీస్ వచ్చే సూచనలున్నట్లేనట. ఈస్ధితిలో శరీరంలో గ్లూకోజ్ నియంత్రణ సరిగా వుండదు. టైప్ 2 డయాబెటీస్ మరియు గుండెజబ్బులు, లేదా పోటు వచ్చే అవకాశం వుంటుంది.

ఈ స్టడీలో 1455 మంది పాల్గొన్నారు. ఆరు సంవత్సరాలపాటు ఈ స్టడీని వెస్ట్రన్ న్యూయార్క్ హెల్త్ స్టడీ రికార్డు చేసింది. ఇందులో పాల్గొన్న వారి వయసు 35 - 79 సంవత్సరాలవరకు వున్నది. స్టడీ ఫలితాలను అన్నాల్స్ ఆఫ్ ఎపిడెమియాలజీ అనే జర్నల్ లో ప్రచురించారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.