డయాబెటీస్ వ్యాధి ఉన్నప్పటికి ఆరోగ్యంగా...!

Diabetes

oi-Nageswara

By B N Sharma

Published: Saturday, June 16, 2012, 9:28 [IST]

డయాబెటీస్ వ్యాధి అశ్రధ్ధ చేస్తే, శరీరంలోని భాగాలను చాపకింద నీరులా ఆక్రమించి పాడు చేయగలదు. జీవన విధానం కొద్దిపాటి మార్పులు చేసి జీవిస్తే....సందర్భానుసారంగా మీరు స్వీట్ కూడా తినేయవచ్చు. దీర్ఘకాలం ఆరోగ్యకరమైన జీవితాన్ని జీవించవచ్చు. అందుకుగాను కొన్ని చిట్కాలు చూడండి. ప్రతిరోజూ షుగర్ స్ధాయిలను ఆహారం, వ్యాయామాలతో నియంత్రిస్తూ వుంటే...డయాబెటీస్ నియంత్రణలో వుండటమే కాక కొంతకాలానికి వ్యాధి మీకు వున్నదన్న వాస్తవం కూడా మరుగున పడే అవకాశం వుంది. నేడు మార్కెట్ లో అధునాతన పరికరాలు, షుగర్ వ్యాధిని ఎప్పటికపుడు ఇంటివద్దే నియంత్రించుకునే విధంగా అందుబాటులో వున్నాయి. గతంలో వలే లేబరీటరీలకు వెళ్ళడం, రక్తం, మూత్రం శాంపిల్స్ ఇవ్వటం వంటివి చేయనవసరం లేదు. మీరు ఇంటి వద్దే ఈ పరికరాలతో సరిచూసుకుంటూ తినే ఆహారంలో మార్పులు చేసికొనవచ్చు. డయాబెటీస్ రోగులకు ప్రతిరోజూ నడక చాలా ప్రధానమైనది. వీరు కనీసం, అరగంటనుండి ఒక గంట వరకు వేగంగా, ఉదయం లేదా సాయంకాల వేళలలో నడవాలి. లేదా స్విమ్మింగ్, స్కిప్పింగ్, వంటివి కూడా చేసి మంచి ఫలితాలు పొందవచ్చు. శారీరక శ్రమ రక్తంలోని గ్లూకోజ్ స్ధాయిలను ఎప్పటికపుడు నియంత్రిస్తూంటుంది. డయాబెటీస్ నియంత్రణలో లేకుంటే అనేక ఇతర ఆరోగ్య సమస్యలు అంటే, గుండె సంబంధిత వ్యాధులు, రక్తపోటు, కిడ్నీ విఫలత వంటి వ్యాధులు కూడా వీరికి దీర్ఘకాలంలో వచ్చే అవకాశం వుంటుంది. డయాబెటీస్ వ్యాధిని ఎంత తేలికగా నివారించుకొనవచ్చో, అంత వేగంగా కూడా దానిని మన శరీరంలో విస్తరింపజేయవచ్చు, దాని దుష్ఫలితాలను గమనించవచ్చు.

1. అశ్రద్ధ చేయకండి - షుగర్ వ్యాధిని అశ్రద్ధ చేయవద్దు. ఎప్పటికపుడు పరీక్షలు చేయించటం, డాక్టర్ సలహాలు పాటించడం చేయండి. సాధారణ ఆరోగ్యవంతునివలే వుండండి. మానసికంగా ప్రశాంతంగా వుండండి.

2. తినటం మానకండి - తినండి. షుగర్ వ్యాధి డైట్ ప్రణాళికను ఆచరించండి. పీచు అధికంగా వుండే ఆహారం, షుగర్, కార్బో హైడ్రేట్లు తక్కువగల ఆహారాలు వైద్యుల సలహా మేరకు తినండి.

3. మైండ్ లో వ్యాధి గురించి ఆలోచించకండి - షుగర్ వ్యాధి కలవారు ఎందో రో వున్నారు. అందరూ సాధారణ జీవనం చేస్తూనే వున్నారు. మీరు కూడా ప్రశాంతంగా వుండండి. జీవితంలో ఉన్నత శిఖరాలను అధిరోహించాలంటే, డయాబెటీస్ ఏ మాత్రం అడ్డంకి కాదని తెలుసుకోండి. ఆ వ్యాధి మీ కెరీర్ కు ఏ మాత్రం అడ్డంకి కాదని గుర్తించండి.

4. అప్పుడప్పుడూ ఇష్టమైన ఆహారాలు - ప్రతిరోజూ షుగర్ వ్యాధి ప్రణాళిక మేరకు ఆహారం తీసుకుంటూ, ఎపుడైనా మీకు ఇష్టమైన రుచులు తినాలంటే...., వ్యాధి నియంత్రణలో వుంటే, నిరభ్యంతరంగా తినేయండి. ఇక ఆరోజుకు డైట్ ఛార్ట్ ఆహారాలు తినవద్దు.

5. చిరునవ్వుతో అందరికి ధైర్యం చెప్పండి - డయాబెటీస్ వ్యాధి కలిగి మీరు విజయవంతంగా ఆరోగ్య జీవనం కలిగి వుంటే, ఇతరులకు ఈ రహస్యం చెప్పి వారి చేత కూడా మీ వలెనే ఆచరింప చేయండి.

డయాబెటీస్ అనేది జీవన విధానం మారిస్తే తగ్గిపోయే వ్యాధి అని గుర్తించండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.