డయాబెటిస్ నివారణ కోసం ముందు జాగ్రత్తలు

ప్రత్యేకించి చర్మవ్యాధులైన ఫంగస్, గజ్జి, తామర వంటి వాటి వల్ల పానిక్రియాస్ గ్రంధిలోని బీటా కణాలు చెడిపోయి షుగర్ వ్యాధి వస్తుంది. సాధారణంగా శరీరంలో రోగనిరోధక శక్తి తగ్గితే వైరల్ ఇన్ఫెక్షన్లు మనిషిపై ఎక్కువ దాడిచేస్తాయి. ఈ ఇన్ఫెక్షన్లు పిల్లల్లో ఎక్కువగా గమనిస్తుంటాం. కనుక చర్మవ్యాధులు అంటే శరీరంపై చిన్న చిన్న పుండ్లు, కురుపులువంటివి కనిపించినా సరే వైద్యులను సంప్రదించి తగిన యాంటీబయాటిక్స్ మందులు వాడాలి.

దంతాల సమస్యలు కూడా డయాబెటిస్ వ్యాధి రావటానికి సహకరిస్తాయి. పంటి వ్యాధులకు డయాబెటిస్‌కు సంబంధం ఎలా ? అనేదానిపై వైద్యపరంగా ఇంకా ఆధారాలు లేవు. అయితే రెండిటికి సంబంధం మాత్రం ఉందని వైద్యులు సూచిస్తారు. పంటి వ్యాధుల బారినపడిన వారందరికీ మధుమేహం, గుండెజబ్బులు కూడా వచ్చే అవకాశం ఉంది. పంటి సంబంధ వ్యాధులు ఉన్నవారు దంత వైద్యులచే దంతాలను శుభ్రం చేయించిన తర్వాత చేసిన పరీక్షలలో, డయాబెటిస్ రిస్క్ సగానికి సగం తగ్గినట్లుగా పరిశీలనలు చెబుతున్నాయి. కనుక డయాబెటిస్ సమస్య రాకుండా ఉండాలంటే పంటి ఆరోగ్యం పట్ల కూడా శ్రద్ధ చూపించాలి. సమస్యలుంటే తగిన చికిత్స వెంటనే చేయించాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.