అధిక సమయం కూర్చునే మహిళలకు డయాబెటీస్!

నిరంతరం కూర్చుని పనులు చేసుకునే మహిళల రక్త నమూనాలు పరిశోధకులు పరీక్షించారని, ఇటువంటివారికి డయాబెటీస్ త్వరగా వచ్చే అవకాశాలు మెండుగా వున్నాయని పరిశోధకులు వెల్లడించినట్లు డెయిలీ మెయిల్ పత్రిక తెలిపింది. అయితే, తాము చేసిన ఈ పరిశోధన లోని అంశాలను పురుషులకు వర్తించి పరీక్షలు చేసినేప్పటికి వారిలో ఏ రకమైన షుగర్ వ్యాధి జాడ కనపడలేదట.

దీనికి కారణం నిశ్చలంగా వున్నపుడు జరిగే శరీర మార్పులు మహిళలలో అధికంగా వుండి కణాలపై ప్రభావం చూపుతున్నాయని పరిశోధకులు తెలిపారు. లీసెస్టర్ యూనివర్శిటీ పరిశోధకులు తమ పరిశోధనలో షుమారు 505 మంది పురుషులను, స్త్రీలను 59 సంవత్సరాల పై బడిన వారిని పరిశోధించారు. వారంలో ఎన్ని గంటలు వారు కూర్చున్నారన్నది లెక్కించారు.

అధికంగా కూర్చుని వుండే మహిళలు ఏదో ఒకటి స్నాక్స్ లేదా చిరుతిండి వంటివి కూడా తింటున్నారని, అయితే పురుషులు ఒక సారి కదలటం మొదలుపెడితే ఎంతో ఎనర్జీని ఖర్చు చేసేలా శారీరక శ్రమ చేస్తారని కనుక ఈ పరిస్ధితి పురుషులలో లేదని పరిశోధకులు తెలిపారు. షుగర్ వంటి మొండి వ్యాధిని అరికట్టాలంటే, మహిళలు తక్కువ సమయం కూర్చోవాలని ఎపుడూ ఏదో ఒక పని చేసుకుంటూ శరీరాన్ని కదిలించాలని వీరు తెలిపారు. ఈ పరిశోధనా ఫలితాలను అమెరికన్ జర్నల్ ఆఫ్ ప్రివెంటివ్ మెడిసిన్ ప్రచురించింది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.