For Quick Alerts
ALLOW NOTIFICATIONS  
For Daily Alerts

బరువును తగ్గించి నాజాగ్గా మార్చే హెల్తీ సూప్స్ ...

|
తాజా కూరగాయలు, ఆరోగ్యకరమైన చిక్కుళ్లు, పప్పు ధాన్యాలతో చేసిన సూప్స్ ఆరోగ్యానికి ఎంతో మంచివి. ఇవి ధర తక్కువ ఉండటమే కాదు... అధిక ప్రోటీన్లు, విటమిన్లు, మినరల్స్, ఫైబర్ కూడా వీటిలో ఉంటాయి. ఎక్కువ మోతాదులో అన్నం తినేకంటే కొద్దిగా అన్నంతోపాటు సూప్ కూడా తీసుకుంటే కడుపు నిండటమే కాదు... కొవ్వు కూడా తక్కువ మోతాదులోనే ఉంటుంది. ఇది అధిక బరువును సులభంగా తగ్గిస్తుంది. శరీరంలో రోగనిరోధక శక్తి పెరగాలంటే శరీరానికి అనేక మినరల్స్ కావాలి. రోగనిరోధక శక్తిని పెంచడంలో సూప్స్ కీలకపాత్ర పోషిస్తాయి.

బరువు తగ్గడానికి ప్రతి ఒక్కరికీ ఒకే విధమయిన కామన్ డైట్ పనిచేస్తుందని చెప్పాలేం. అది ఒక్కొక్కరి అవసరాలు, జీవన విధానాలు, శారీరక తీరుపై ఆధారపడి ఉంటుంది.బరువు సమతూకంగా ఉండి, చక్కని ఆరోగ్యం కోసం ఓ ప్రణాళిక కార్యక్రమం ఎంతయినా అవసరం.

కడుపు మాడ్చుకోకుండా క్యాలరీల్ని ఎలా తగ్గించుకోవాలా అని సతమతం అవుతున్నార? అయితే భోజనానికి ముందు సూప్ తాగే యమంటున్నారు నిపుణులు. తక్కువ క్యాలరీల వెజిటేబుల్ సూప్ ను భోజనానికి ముందు తాగడం వల్ల భోజనంలో కాలరీల్ని 20శాతం తగ్గించుకోవచ్చు. ఈ విషయమై అనేక అధ్యయనాలు జరిగాయి. సూప్ తాగకుండా భోజనం చేసే వారిపై, సూప్ తాగి భోజనం చేసే వారిపై జరిగిన విస్త్రుత అధ్యయనంలో సూప్ తీసుకోనివారు ఆహారాన్ని యధేచ్చగా ఆస్వాధించినట్లు గుర్తించారు. సూప్ తాగి భోజనం చేసినట్లయితే కాలరీలు సగటున 135 దాకా పెరిగినట్లు గుర్తించారు.

సూప్ తయారీ విధానం పెద్దగా ప్రభావితం చేయదని, తయారీకి ఏ పదార్థాలు వినియోగించినా ఫలితం ఒకే మాదిరి కనిపించిందని వివరించారు. భారీగా క్రీమ్ లేదా ఛీజ్ ఆధారిత సూప్ లు తాగితే ఆ రూపంలో క్యాలరీలు పెరుగుతాయి. కాబట్టి, వీలైనంత వరకు సాదా వెజిటబుల్ సూప్ లనే ఎంచుకోవాలి.

ఇంట్లో ఫ్రెష్ గా తయారు చేసుకునే టొమోటో, మష్రుమ్, బేబీకార్న్ సూపులు ఎంతో రుచిగా ఉండడమే కాకుండా ఆరోగ్యాన్నిస్తాయి. అలాగే క్యాన్డ్ , ప్యాకేజ్ సూప్ లలో ఉప్పు ఎక్కువగా ఉంటుంది. తక్కువ సోడియం రకాల్నిఅంటే ఉప్పు శాతం తక్కువగా ఉండే కేన్డ్ సూపుల్ని ఎంచుకుంటే మంచిది.

బాగా జలుబు చేసినప్పుడు చికెన్ సూప్ తాగి చూడండి. వెంటనే బ్యాక్టీరియా బయటికి పోతుంది. సూప్స్ తయారు చేయడం వల్ల కాయగూరల్లో ఉన్న సహజమైన గుణాలేవీ పోకుండా ఉంటాయి. ప్రత్యేకించి ఈ సూప్స్‌లో క్యాబేజ్, క్యారెట్స్, అల్లం, ఉల్లిగడ్డలు, పుట్టగొడుగులు, ఆకుకూరలు ఉపయోగిస్తే ఆరోగ్యానికి మరీ మంచిది. క్యాబేజ్ శరీరంలోని ఇన్‌ఫెక్షన్స్‌ను పోగొడితే.. అల్లం జీర్ణవ్యవస్థను క్రమబద్ధీకరిస్తుంది.

ఇక బీట్‌రూట్, దోస, కీరదోస, పాలకూర రక్తాన్ని శుద్ధి చేసి అధికకొవ్వును కరిగిస్తాయి. కాలేయ శుద్ధికీ ఉపయోగపడతాయి. సూప్స్‌కి బియ్యపు పిండి, మొక్కజొన్న పిండి, ఓట్స్ పొడిలాంటివి యాడ్ చేస్తే.. సూప్‌కి చిక్కదనం రావడమే కాదు అండ్ హెల్దీగానూ తయారవుతుంది. ప్రోటీన్స్ ఎక్కువగా కావాలనుకునేవాళ్లు పప్పుధాన్యాలను యాడ్ చేసుకోవచ్చు. గుడ్డులోని తెల్లసొన కూడా కలపొచ్చు. వర్షాకాలంలో ఆకుకూరలు, కూరగాయలను చాలా జాగ్రత్తగా కడగాలి.

సూపుల వలన తక్కువ కేలరీలు, ఎక్కువ పోషకాలు శరీరానికి అందడమే కాకుండా, శారీరక మానసిక వత్తిడులను తగ్గిస్తాయి. తేలికగా జీర్ణం కావడమే ఇందుకు కారణం. అంతేకాక నాడీ వ్యవస్థ మీద నేరుగా ప్రభావం చూపించ గలగడం సూపుల ప్రత్యేకత.

English summary

Healthy Soup for Weight Loss | మిమ్మల్ని స్లిమ్ గా మార్చే హెల్తీ సూపులు....

An estimated 72 million Americans have been diagnosed obese, with a body mass index of 30 or greater, according to the Centers for Disease Control and Prevention. So it follows that the population at large is needs to learn healthy weight loss techniques, including diet and exercise. When it comes to dieting you face endless choices to make, for example, which one's better for weight loss, chicken or soup? Before including these items into your diet, it's important to understand the potential benefits of each food item.
Story first published: Saturday, September 8, 2012, 16:22 [IST]
Desktop Bottom Promotion