ఈ 7 సాధారణ అలవాట్లు మీ బెల్లీ ఫ్యాట్ ను ఎప్పటికీ తగ్గనివ్వవు

1. సోషల్ మీడియా అడిక్షన్:

ఫోన్లలో అలాగే కంప్యుటర్లో సోషల్ మీడియాను ఎక్కువగా వాడటం వలన కళ్ళకు ఇబ్బందులు అలాగే ఒత్తిడితో పాటు మరెన్నో సమస్యలు తలెత్తవచ్చు. అయితే, ఇవన్నీ బెల్లీ ఫ్యాట్ కి అస్సలు సంబంధం లేదన్నది ఇప్పటి వరకు ఉన్న ఒక భావన.

అయితే, హార్వర్డ్ హెల్త్ బ్లాగ్ లో పబ్లిష్ అయిన ఒక అధ్యయనం ప్రకారం సోషల్ మీడియా అడిక్షన్ వలన ఒక వ్యక్తి ఒకే ప్లేస్ లో మరీ ఎక్కువ సేపు కూర్చుని ఉండవలసి వస్తుంది. దాంతో, ఫిజికల్ యాక్టివిటీ అనేది తగ్గిపోతుంది. తద్వారా, బెల్లీ ఫ్యాట్ పేరుకుపోవడం అనేది పెరుగుతుంది.

2. వ్యాయామం క్రమపద్ధతిలో చేయకపోవటం:

క్రమం తప్పకుండా వ్యాయామం చేయడం వలన అనేక ఆరోగ్య ప్రయోజనాలను పొందవచ్చు. వ్యాయామం చేయడం వలన బరువును తగ్గించుకోవచ్చు. అయితే, క్రమం తప్పకుండా వ్యాయామం చేస్తేనే ప్రయోజనాలను అందుకోగలుగుతారు.

వారంలో కేవలం రెండు రోజులు మాత్రమే వ్యాయాయం చేసి లేదా నెలలో కొన్ని రోజులు మాత్రమే వ్యాయామానికి కేటాయిస్తే ఇది ఆకలి స్థాయిలను పెంచుతుంది. తద్వారా బెల్లీ ఫ్యాట్ మరింత ఎక్కవగా పేరుకుంటుంది. కాబట్టి, ఈ పద్దతి ఫ్యాట్ ను కరిగించడానికి పనికిరాదు.

3. ప్రోబయాటిక్స్ లోపం:

ప్రోబయాటిక్స్ అనే పోషకాహార గ్రూప్ లో ఆరోగ్యకరమైన బాక్టీరియా లభిస్తుంది. ఇది డైజెస్టివ్ సిస్టమ్ కు మంచిది. పెరుగు మరియు గ్రీక్ యోగర్ట్ లో ప్రోబయాటిక్ కంటెంట్ పుష్కలంగా లభిస్తుంది.

ప్రోబయాటిక్ అనేది గ్రెలిన్ అనే హంగర్ హార్మోన్ ను రెగ్యులేట్ చేసేందుకు తోడ్పడుతుంది. అందువలన బెల్లీ ఫ్యాట్ అనేది తగ్గుముఖం పడుతుంది. అలాగే శరీరంలోని కొవ్వు కూడా కరుగుతుంది. అందువలన, మీ డైట్ లో తగినన్ని ప్రోబయాటిక్స్ లేకపోతే బెల్లీ ఫ్యాట్ ను తగ్గించుకోవడం కష్టమే.

4. మీల్స్ ను ప్లాన్ చేసుకోకపోవడం:

చాలా మంది మీల్స్ ను ముందుగా ప్లాన్ చేసుకోవడం అవసరం లేదన్న భావనలో ఉన్నారు. అయితే, మనం ఆరోగ్యకరమైన ఆహారాన్ని తీసుకోవాలంటే ప్లానింగ్ తప్పనిసరి. ముందుగా మీల్స్ ను ప్లాన్ చేసుకుంటే తగిన మోతాదులోనే ఆహారాన్ని తీసుకుంటాము. ఆరోగ్యకరమైన ఆహారాన్నే తీసుకుంటాము. లేదంటే, అనారోగ్యకరమైన ఆహారాన్ని ఎక్కువగా మోతాదులో తీసుకునే ప్రమాదం ఉంది. కాబట్టి, మీల్స్ ను ప్లాన్ చేసుకోవడం ముఖ్యమన్న విషయాన్ని గుర్తించి తగిన విధంగా చర్యలు తీసుకోవడం మంచిది.

ఆహారాన్ని ముందుగా ప్లాన్ చేసుకోవడం ద్వారా బెల్లీ ఫ్యాట్ ను తగ్గించుకోవడానికి మార్గం సుగమం అవుతుంది.

5. ఎమోషనల్ ఈటింగ్ :

ఎమోషనల్ ఈటింగ్ అంటే కొన్ని ప్రత్యేక సందర్భాలలో భావోద్వేగానికి అధికంగా గురవడం వలన ఆకలికి ఎక్కువగా గురవడం. అందువలన, ఎక్కువగా ఆహారాన్ని తీసుకోవడం జరుగుతుంది. బాధ, ఆందోళన, ఒత్తిడి లేదా విపరీతమైన సంతోషం కలిగినప్పుడు ఎక్కువగా ఆహారాన్ని తీసుకోవాలని అనిపిస్తుంది.

ఆయా సమయాలలో కొంతమందిలో హంగర్ హార్మోన్స్ అనేవి ఎక్కువగా ఉత్పత్తి అవుతాయి. ఈ అలవాటు అనేది బెల్లీ ఫ్యాట్ ను పెంచుతుంది. వెయిట్ లాస్ కు తోడ్పడదు.

6. వెజిటబుల్స్ ను తీసుకోకపోవడం:

మీరు వెజిటేరియన్, వెగాన్ లేదా మీట్ ఈటర్ అయినా వెజిటబుల్స్ ని మీ రోజువారీ డైట్ లో భాగంగా చేసుకోవడం ముఖ్యం. వెజిటబుల్స్ లో పోషకాలు అధిక మోతాదులో లభిస్తాయి. ఇవి మెటబాలిక్ రేట్ ను మెరుగుపరుస్తాయి. తద్వారా, బెల్లీ వద్ద పేరుకుపోయిన ఫ్యాట్ ను కరిగించడానికి తోడ్పడతాయి. కాబట్టి, ఒకవేళ ఇప్పటి వరకు మీరు వెజిటబుల్స్ పై శ్రద్ద పెట్టకపోతే ఇక మీదటి నుంచైనా వెజిటబుల్స్ ను మీరు ఆహారంలో భాగంగా చేసుకోండి.

7. క్యాన్డ్ జ్యూస్ ను తీసుకోవడం:

మీలో చాలామందికి క్యాన్డ్ జ్యూస్ లను తీసుకోవడం ముఖ్యంగా ఉదయాన్నే వీటిని తీసుకోవడం అలవాటుగా ఉండి ఉంటుంది. ఉదయాన్నే ఆరెంజ్ జ్యూస్ లేదా జామపండు జ్యూస్ తో రోజును ప్రారంభిస్తారు కొందరు. బ్రేక్ ఫాస్ట్ తో పాటు వీటిని తీసుకుంటారు. అయితే, ఈ జ్యూస్ బ్రాండ్స్ అనేవి ఇవి షుగర్ ఫ్రీ మరియు వంద శాతం సహజమైనవని చెబుతున్నా అసలు విషయం ఏంటంటే వీటిలో షుగర్ మోతాదు ఎక్కువగా ఉంటుంది. అలాగే ప్రిజర్వేటివ్స్ ని వీటిలో వాడతారు. ఇవన్నీ బెల్లీ ఫ్యాట్ ని కరిగించేందుకు ఏ మాత్రం సహాయపడవు.