వయసు 40 మీద పడిన వారికి సూచించదగిన బరువుతగ్గే సూచనలు

బరువును తగ్గించుకోడానికి ముందు

1.బరువును తగ్గించుకోడానికి ముందు మిమ్ములను మీరు ప్రశ్నించుకోవాలి. అసలు నిజంగా మీరు బరువు తగ్గాల్సిన అవసరం ఉందా? మీరు పాటించే విధానాల వలన మీ ఆరోగ్య పరిస్థితులకు ఏమైనా ఆటంకాలు ఏర్పడుతాయా? మీ జీవన శైలిలో ఆకస్మిక మార్పులు కుటుంబాన్ని ఎంతవరకు ప్రభావితం చేస్తాయి? ఇలా మీకంటూ ఒక అవగాహన ఉండాలి.

ఈ నిర్ణయం పూర్తిగా మీమీదే ఆధారపడి ఉంటుంది. మీరు మీ లక్ష్యానికి కట్టుబడి ఉన్నప్పుడే, ఒక ప్రయోజనాన్ని కూడా పొందగలరని మరువకండి. కావున నిర్ణయాలలో లోతైన ఆలోచనలు ముఖ్యం.

ఒక లక్ష్యం నిర్ధారించుకోండి –

2. ఒక లక్ష్యం నిర్ధారించుకోండి - దేనికైనా ఒక ప్రేరణ ముఖ్యం, క్రమంగా లక్ష్యాలు, అంచనాలు మొదలైనవి జతకూడుతాయి. నియమ నిబద్దతలతో సాధించగలిగిన లక్ష్యాలు ఎదురుగా ఉన్నప్పుడు కూడా ఫలితాలను పొందలేకపోతే, అది మన పట్టుదలలో లోపం ఉన్నట్లే. సాధించలేని లక్ష్యాలను గురించి కాదు, కానీ ఏ లక్ష్యాన్నైనా సాధించడానికి ఒక మార్గం ఉంటుంది. ఆ మార్గంలో ఒడిదుడుకులు ఎదురైనా పోరాడి గెలవాలి. దీనికి ఆత్మస్థైర్యం, దృఢనిశ్చయం అవసరం అని మరవొద్దు.

మీ ప్రోగ్రెస్ ట్రాక్ -

3. మీ ప్రోగ్రెస్ ట్రాక్ - మీ పురోగతిని ఎప్పటికప్పుడు ట్రాక్ చేసుకోవడం కూడా మీ లక్ష్య సాధనలో ఉపయోగపడుతుంది. మీ లక్ష్యాలను విస్మరించకుండా ముందుకు సాగడంలో ఈ అలవాటు మీకు సహాయం చేస్తుంది. మీరు బరువు తగ్గే క్రమంలో పాటిస్తున్న విషయాలను, బరువులో మార్పులను ఎప్పటికప్పుడు నోట్ చేసుకోవడం కూడా ముఖ్యమే అని మరవకండి.

మద్దతు అవసరం -

4. మద్దతు అవసరం - బరువు తగ్గాలి అన్న ఆలోచన మీ ఒక్కరిలోనే ఉంచకండి, నలుగురితో ఎందుకు మీరు ఆ నిర్ణయం తీసుకున్నారు అని పంచుకోండి. ముఖ్యంగా మీ ప్రియమైన వారితో పంచుకోవడం , నిపుణుల సలహాలు తీసుకోవడం వంటి చర్యలకు ఉపక్రమించాలి.

మీ ఆరోగ్య సంబంధిత మరియు ఫిట్నెస్ విషయాలలో మీకు ఎటువంటి సమస్యలు ఉన్నా మమ్ములను సంప్రదించండి. బోల్డ్స్కీ తరపున మా వంతు సహాయం చేయడానికి ఎప్పుడూ సిద్దంగా ఉంటాము.

40 సంవత్సరాల మీదపడిన వ్యక్తులు ఆశించిన రీతిలో బరువు కోల్పోవుటలో పాటించవలసిన దశలు:

మీరు 40 సంవత్సరాలుగా ఎన్నో అనుభవాలు కలిగి ఉన్నారు. యుక్తవయసుని దాటి వచ్చిన మీకు సవాళ్లు ఒక లెక్క కాదని మీకు మరియు మాకు కూడా తెలుసు. కానీ, కొందరిలో ఉన్న నిరాశావాదం వారిని వెనక్కి లాగుతుంటుంది. భవిష్యత్ సంతోషానికి ఆరోగ్యం కూడా తోడవ్వాలి, లేకుంటే జీవితంలో అనేక ప్రతికూల సమస్యలను ఎదుర్కొనవలసి ఉంటుంది.

ఆహార ప్రణాళిక, వ్యాయామం మరియు కొన్ని అదనపు ట్రిక్స్ తెలపడం ద్వారా మీ బరువు తగ్గించుటలో, లేదా పొట్ట చుట్టూ కొవ్వు తగ్గించడంలో సహాయం చేయగలము. కానీ పాటించాల్సిన భాద్యత మాత్రం మీదే.

అన్నిటికన్నా నిద్ర ముఖ్యం!

#1- అన్నిటికన్నా నిద్ర ముఖ్యం! మీరు రోజులో కనీసం 6-7 గంటల నిద్రను కలిగి ఉండాలి. నిద్రలేమి జీవక్రియలపై ప్రభావాన్ని చూపి, బరువు తగ్గడంలో అవసరమైన హార్మోన్ల అసమతుల్యతకు కారణం అవుతుంది. క్రమంగా మీరు ఎంత కష్టం చేసిన ఆశించిన ఫలితాలు పొందడానికి ఎక్కువ సమయం పడుతుంది, లేదా ఆశాజనక ఫలితాలు పొందలేకపోవచ్చు కూడా.

బరువు కోల్పోవాలి అని మీరు ఎందుకు కోరుకుంటున్నారు

# 2- బరువు కోల్పోవాలి అని మీరు ఎందుకు కోరుకుంటున్నారు అన్న విషయాన్ని కలలో కూడా మరవకండి. ఆ ఆలోచన మీకు మరింత ప్రేరణగా మారుతుంది. మీరు పాటించే ప్రతి అంశం పట్ల దినచర్యలు నాట్ చేసుకోండి.

సాధారణ మరియు స్థిరమైన ఆహారం వైపుకు

# 3 సాధారణ మరియు స్థిరమైన ఆహారం వైపుకు జీవనశైలి మార్పులను చేయండి. ఆహారపు నియమాల గురించి అనేక వ్యాసాలలో వివరణలు ఇవ్వడం జరిగినది.

జిమ్ లో వ్యాయామం చేయక పోయినా

# 4- జిమ్ లో వ్యాయామం చేయక పోయినా, రోజువారీ కార్యకలాపాలలో భాగంగా కనీసం 30-45 నిమిషాలు వ్యాయామం ఉండేలా చూసుకోండి. మీ శరీరానికి సరైన ఆకృతిని అందివ్వడంలో కనీసం రోజువారీ కదలిక అవసరం, క్రమంగా మీ ఆకలి స్థాయిలను కూడా నియంత్రించవచ్చు. ముఖ్యంగా కార్డియో వ్యాయామాలకు, ఆస్కారం ఇవ్వండి.

పైన చెప్పిన దశలు మీకు సత్ఫలితాలను ఇస్తున్న ఎడల

# 5- పైన చెప్పిన దశలు మీకు సత్ఫలితాలను ఇస్తున్న ఎడల, అధికారిక వ్యాయామాలకు వెళ్ళడం ప్రారంభించండి. అత్యుత్తమ ఫలితాలను పొందడానికి నిపుణుని సలహాలు తీసుకుని ప్రణాళికా బద్దంగా చర్యలను పాటించవలసి ఉంటుంది.

మీ ప్రియమైన వ్యక్తుల ఆరోగ్యాలతో కూడా మీ సంతోషాలు ముడిపడి ఉంటాయి. ఇక్కడ సమస్య మీకే ఉండనవసరం లేదు, ఒకవేళ మీ ప్రియమైన వారు అధిక బరువు సమస్యలతో భాదపడుతున్న ఎడల, వారి పట్ల సరైన జాగ్రత్త తీసుకుని, వారికి సూచనలు చేయాల్సిన అవసరం కూడా మీకుంది. ఇది వరకు అనేక వ్యాసాలలో, ఆహార ప్రణాళికలు, వ్యాయామాల గురించిన అనేక వివరాలు అందివ్వడం జరిగినది. మీ జీవన శైలిలో మార్పులు తీసుకుని వచ్చే క్రమంలో బోల్డ్స్కీ పేజీ ఎంతగానో ఉపకరిస్తుందని ఆశిస్తున్నాము.

ఈవ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆరోగ్య సంబంధిత అంశాలకై బోల్డ్స్కీ పేజీని తరచూ సందర్శించండి.