Summer exercising tips: ఎండాకాలంలో వ్యాయామం చేస్తున్నారా? ఈ జాగ్రత్తలు పాటించండి

సరైన దుస్తులు ఎంచుకోవాలి:

ఎండాకాలంలో చెమట ఎక్కువగా వస్తుంది. అందుకే వీలైనంత సౌకర్యంగా ఉండే దుస్తులు ధరించాలి. కాటన్ దుస్తులు అయితే చెమటను పీల్చుకుంటాయి. చాలా మంది కాటన్ దుస్తులు వేసుకోవాలని చెబుతుంటారు. అయితే కాటన్ దుస్తులు చెమటను పీల్చుకుని బరువుగా మారతాయి. అందుకే వదులుగా ఉండే దుస్తులు ధరించి ఎప్పటికప్పుడు చెమటను తుడుచుకోవాలి.

హైడ్రేట్‌గా ఉండాలి:

శరీరంలో 50-70 శాతం నీరు ఉంటుంది. వేసవిలో శరీరం సరిగ్గా పని చేయడానికి నీరు చాలా అవసరం. శరీరం నుండి వ్యర్థాలు చెమట, మూత్రం రూపంలో బయటకు వెళ్లిపోతుంది. అలా శరీరంలో నీరు తగ్గుతుంది. దానిని భర్తీ చేయకపోతే డీహైడ్రేషన్ కు గురవుతాం. అలా కావొద్దంటే రోజూ తగినంత నీరు తాగాలి. చేసే పనిని బట్టి నీరు తాగుతుండాలి.

వ్యాయామం చేసేటప్పుడు కూడా మధ్య మధ్యలో నీరు తాగుతుండాలి. వికారం, వాంతులు, మూత్రపిండ వైఫల్యం వంటి డీహైడ్రేషన్ యొక్క కొన్ని తీవ్రమైన ప్రభావాలను నివారించడానికి ఇది సాయం చేస్తుంది.

శరీరం చెప్పేది వినాలి:

ఎండాకాలం చాలా జాగ్రత్తగా ఉండాలి. ఎండ వేడిమిని తట్టుకోవడం కొంత మందికి చాలా కష్టంగా ఉంటుంది. మీరు వ్యాయామం చేస్తున్నప్పుడైనా శరీరం చూపించే కొన్ని సూచనలను చాలా జాగ్రత్తగా గమనించాలి. విపరీతమైన దాహం, వికారం, తిమ్మిర్లు, నోరు పొడిబారడం లాంటి సంకేతాలు కనిపిస్తే వెంటనే వర్కవుట్స్ ఆపేసి చల్లని ప్రదేశంలో కాసేపు సేదతీరాలి. నిమ్మరసం, గ్లూకోజ్ వాటర్ లాంటివి తాగిన తర్వాత తిరిగి తేలికపాటి వర్కవుట్స్ చేయవచ్చు.

ఎక్కువ సేపు ఎండలో ఉండొద్దు:

వేసవి కాలంలో వేడి చాలా తీవ్రంగా ఉంటుంది. ఉదయం 10 గంటల నుండి మధ్యాహ్నం 3 గంటల వరకు ఎండలో ఉండకుండా జాగ్రత్త పడండి. ఆ సమయంలో సూర్యుడి వేడి అత్యంత ఎక్కువగా ఉంటుంది. సూర్యక్రాంతి నేరుగా పడే చోట వ్యాయామం చేయకపోవడం చాలా మంది. ఉదయం పూట, సాయంత్రం పూట కొద్ది సేపు ఎండలో వ్యాయామం చేసినా పర్లేదు. కానీ ఎక్కువసేపు చేయకూడదు. ఎండ తక్కువగా ఉన్నప్పుడు ఆరుబయట వ్యాయామం చేయడం ఉత్తమం.

వర్కవుట్స్ ముందు ప్రోటీన్ తినొద్దు:

లీన్ ప్రోటీన్ అనేది శక్తికి గొప్ప మూలం. అయితే వేడిలో వ్యాయామం చేసే ముందు ఇది మంచిది కాదు. వ్యాయామం చేసే ముందు ప్రోటీన్ తినడం వల్ల బేసల్ ఉష్ణోగ్రత పెరుగుతుందని సైన్స్ చెబుతోంది.

వ్యాయామం తర్వాత ప్రోటీన్ తీసుకోవడం మంచిది. దీని వల్ల కండర కణజాలం పునర్నిర్మితమవడంలో సహాయపడుతుంది. వ్యాయామానికి ముందు, వర్కవుట్స్ చేస్తున్నప్పుడు నీరు తాగడం మంచిది.