పురుషులు ఖచ్చితంగా ఎందుకు బరువు తగ్గాలో మీకు తెలుసా?

| Published: Monday, November 18, 2019, 16:07 [IST]

నేడు చాలా మంది పురుషులకు పెద్ద పొట్ట వల్ల అందమైన శరీర ఆక్రుతిని కోల్పోతున్నారు. మగవారికి ఆ పొట్ట రావడానికి చాలా కారణాలు ఉన్నాయి. వ్యాయామం లేకపోవడం, ఒత్తిడి, హార్మోన్ల సమస్యలు మరియు పేలవమైన ఆహారం వంటివి పురుషులలో పొట్ట పెరగడానికి, ఊబకాయగ్రస్తులుగా మారడానికి కారణాలు.

ప్రస్తుత కాలంలో పురుషులు ఎక్కువ నిరాశకు లోనవుతారు. అలాగే, పనిభారం కారణంగా, వారికి వ్యాయామం చేయడానికి సమయం లేకపోవడం వల్ల ఫలితంగా వారు పొట్ట చుట్టూ కొవ్వు నిక్షేపణతో కడుపు ఉదర భాగంలో ఉబ్బెత్తైన పొట్టను పొందుతారు, ఇది చాలా ప్రమాదకరమైనది మరియు అనేక వ్యాధులకు దారితీస్తుంది.

మహిళల కంటే పురుషులకు పొట్ట పెద్దగా ఒక కుండలా ఉంటుంది. దీన్నే బానపొట్ట అని కూడా పిలుస్తుంటారు. ఇటువంటి పొట్ట కలిగినవారు వెంటనే పొట్టను తగ్గించుకోవడానికి ప్రయత్నించకపోతే , అది చాలా తీవ్రమైన ఆరోగ్య సమస్యలకు దారితీస్తుంది. సరే, ఇప్పుడు పురుషులు ఎందుకు పొట్ట తగ్గించాలి? ఎందుకు బరువు తగ్గాలన్న ప్రశ్నకు గల కారణాలను పరిశీలిద్దాం.

ఎందుకు?

పురుషులు ఆరోగ్యంగా మరియు ఎలాంటి అనారోగ్య సమస్యలు లేకుండా జీవించాలనుకుంటే బరువు తగ్గడం చాలా ముఖ్యం. ఊబకాయం మరియు పొట్ట ఒకరి రూపాన్ని ప్రభావితం చేయడమే కాకుండా వివిధ ప్రాణాంతక అనారోగ్యాలకు దారితీస్తుంది. ఎక్కువ బరువుల మరియు అధిక పొట్ట ఉంటే పురుషులు ఎదుర్కొనే కొన్ని ఆరోగ్య సమస్యలు ఇక్కడ ఉన్నాయి.

హై బ్లడ్ ప్రెజర్

ఊబకాయం ఉన్న చాలామంది పురుషులకు ఉన్న అతి ముఖ్యమైన సమస్య రక్తపోటు మరియు కొలెస్ట్రాల్ సమస్యలు. ఈ సమస్యలు అదుపులో లేకపోతే, ఇది చాలా తీవ్రమైన గుండె జబ్బులకు దారితీస్తుంది.

గుండె సమస్యలు

అధిక పొట్ట వల్ల చాలా మంది పురుషులు వేగంగా గుండె కొట్టుకోవడం మరియు గుండెపోటు వల్ల మాత్రమే చనిపోతున్నారు. ఒత్తిడితో మరియు అనారోగ్యకరమైన జీవనశైలితో జీవించడం వల్ల గుండెపోటు వచ్చే అవకాశం ఉంది.

క్యాన్సర్

క్యాన్సర్ చాలా మంది పురుషులను ఊబకాయం మరియు పెద్ద పొట్టతో బాధించే ప్రాణాంతక వ్యాధి. ఊబకాయం ఉన్న పురుషులలో ప్రోస్టేట్ మరియు ప్రేగు క్యాన్సర్లు ఎక్కువగా ఉన్నాయి.

డయాబెటిస్

ఎత్తు మరియు ఎత్తుకు తగ్గ బరువు లేకుంటే శరీరంలో హార్మోన్ల అసమతుల్యత ఏర్పడుతుంది. చక్కెర వల్ల కూడా ముఖ్యంగా హాని కలిగిస్తుంది. ఇది టైప్ 2 డయాబెటిస్ దారి తీస్తుంది.

కాలేయ సమస్యలు

పురుషులు అధిక బరువు పెరగడం వల్ల, వారు హెపటైటిస్ లేదా కొవ్వు కాలేయం వంటి కాలేయ సమస్యలతో బాధపడే అవకాశం ఉంది. అదనంగా, మీరు గుండెల్లో మంట లేదా అధిక ఆమ్ల స్రావంతో బాధపడవచ్చు.

ఆర్థరైటిస్

ఊబకాయం ఉన్న పురుషులు కండరాల మరియు కీళ్ల సమస్యలతో, ముఖ్యంగా మోకాలి సమస్యలతో బాధపడే అవకాశం ఉంది. చాలా మంది పురుషులు ఆర్థరైటిస్‌తో బాధపడతారు.

ఇతర సమస్యలు

బరువు తగ్గకుండా శరీర బరువు ఎక్కువగా ఉండే పురుషులు, వారు నిద్ర రుగ్మతలు, పిత్తాశయ వ్యాధి లేదా పిత్తాశయ రాళ్ళు, వినికిడి మరియు నేర్చుకోవడంలో ఇబ్బంది మరియు మానసిక ఆరోగ్య సమస్యలతో బాధపడవచ్చు.

ఇప్పుడు బరువు తగ్గడం వల్ల మరియు పొట్ట తగ్గించుకోవడం వల్ల పురుషులు ఏ ప్రయోజనాలు పొందుతారో చూద్దాం.

ఆరోగ్యకరమైన హృదయం

మీరు ఊబకాయం కలిగి ఉంటే, గుండె పనితీరులో ప్రభావం చూపుతుంది, వివిధ గుండె సమస్యలను కలిగిస్తుంది. మీరు ఊబకాయాన్ని తగ్గిస్తే, అధిక రక్తపోటు ప్రమాదం తగ్గుతుంది మరియు మీ గుండె ఆరోగ్యంగా ఉంటుంది.

మంచి కొలెస్ట్రాల్ పెరుగుతుంది

మీరు బరువు తగ్గి క్రమం తప్పకుండా వ్యాయామం చేస్తే, మీ శరీరం మంచి కొలెస్ట్రాల్ మొత్తాన్ని పెంచుతుంది. ఒక వ్యక్తి శరీరం చెడు కొలెస్ట్రాల్‌ను తగ్గించి, మంచి కొలెస్ట్రాల్‌ను పెంచినప్పుడు, గుండె సమస్యలు తగ్గుతాయి.

డయాబెటిస్ ప్రమాదం తగ్గుతుంది

అధిక బరువు తగ్గడం ఆరోగ్యకరమైన రక్తంలో చక్కెర స్థాయిని నిర్వహించడానికి సహాయపడుతుంది మరియు డయాబెటిస్ ప్రమాదాన్ని తగ్గిస్తుంది.

క్యాన్సర్ ప్రమాదం తగ్గుతుంది

బరువు తగ్గడం వల్ల క్యాన్సర్ వచ్చే ప్రమాదం తగ్గుతుంది. ఊబకాయం ఉన్నవారికి ప్రోస్టేట్ క్యాన్సర్ ఉన్నట్లు నిర్ధారణ అవుతుంది. అదేవిధంగా, ఊబకాయం ఉన్న మహిళలకు అండాశయం మరియు గర్భాశయ క్యాన్సర్ వచ్చే ప్రమాదం ఉంది.

సెక్స్ జీవితం మెరుగుపడుతుంది

ఊబకాయం ఉన్న ఎవరైనా బరువు తగ్గించుకోగలిగితే, సెక్స్ జీవితం బాగుంటుంది. పురుషులు బరువు తగ్గడం వల్ల, అంగస్తంభన సమస్యలు ఉండవు మరియు వారు సంబంధంలో ఉన్నప్పుడు వారికి ఇతర సమస్యలు ఉండకూడదు.