తుమ్ములు ఇబ్బంది పెడుతుంటే? తక్షణ ఉపశమనం కలిగించే హోం రెమెడీస్

అల్లం :

తుమ్ములు నివారించడంలో అల్లం బెస్ట్ నేచురల్ రెమెడీ. అల్లంతో తయారుచేసిన టీని తాగడం లేదా జింజర్ పౌడర్ ను తేనెతో మిక్స్ చేసి తాగడం వల్ల తక్షణ ఉపశమనం కలుగుతుంది.

వెల్లుల్లి:

నిరంతరం బాధించే తుమ్ముల నుండి తక్షణ ఉపశమనం పొందాలంటే, వెల్లుల్లిని ఉపయోగించండి. వెల్లుల్లిలో యాంటీ బ్యాక్టీరియల్ లక్షణాలు పుష్కలంగా ఉన్నాయి. వెల్లుల్లి రెబ్బలను మెత్తగా దంచి, వేడినీటిలో వేసి మరిగించాలి. కొద్దిసేపటి తర్వాత ఈ నీటిని వడగట్టి, కొద్దిగా కొద్దిగా రోజంతా తగడంతో ఉపశమనం కలుగుతుంది. లేదా వెల్లుల్లి రెబ్బలను వేడి నీటిలో వేసి మరిగించి ఆవిరి పట్టాలి.

దాల్చిన చెక్క:

దాల్చిన చెక్కలో యాంటీ వైరల్ లక్షణాలు పుష్కలంగా ఉన్నాయి. కాబట్టి, కొద్దిగా దాల్చిన చెక్క పౌడర్ తీసుకుని, ఒక టీస్పూన్ తేనెలో మిక్స్ చేసి తీసుకోవడం వల్ల తుమ్ములు, జలుబు నుండి తక్షణ ఉపశమనం కలుగుతుంది.

తేనె మరియు నిమ్మరసం:

నిరంతరం బాధిస్తున్న తుమ్ములను నివారించే బెస్ట్ కాంబినేషన్ ఇది. తేనెలో యాంటీ బ్యాక్టీరియల్ లక్షణాలు, నిమ్మరసంలో విటమిన్ సి గ్రేట్ గా సహాయపడుతాయి. ఈ రెండింటిని ఒక్కోక్కో స్పూన్ ను గోరువెచ్చని నీటిలో మిక్స్ చేసి , తాగాలి. తుమ్ములను నివారించడంలో బెస్ట్ హోం రెమెడీ.

చమోమెలీ టీ:

ఆగకుండా తుమ్ములు ఇబ్బంది పెడుతుంటే, రోజుకు రెండు సార్లు చమోమెలీ టీని తాగండి. . తుమ్ముల నుండి తక్షన ఉపశమనం కలిగిస్తుంది.

యూకలిప్టస్ ఆయిల్ :

మరో బెస్ట్ హోం రెమెడీ, యూకలిప్టస్ ఆయిల్. బాయిలింగ్ వాటర్ లో కొన్ని చుక్కల యూకలిప్టస్ ఆయిల్ ను మిక్స్ చేసి, ఆవిరి ట్టాలి. ఇలా చేస్తే తక్షణ ఉపశమనం కలుగుతుంది.

బ్లాక్ పెప్పర్ :

ఆగకుండా తుమ్ములు ఇబ్బంది పెడుతుంటే ఒక టేబుల్ స్పూన్ పెప్పర్ పౌడర్ తీసుకుని, ఒక గ్లాసు గోరువెచ్చని నీటిలో మిక్స్ చేసి తాగాలి. ఇలా చేస్తే జలుబు మరియు తుమ్ముల నుండి తక్షణ ఉపశమనం పొందుతారు.

ఫెన్నల్ టీ:

ఫెన్నల్ టీలో యాంటీ బ్యాక్టీరియల్ మరియు యాంటీ వైరల్ లక్షణాలు పుష్కలంగా ఉన్నాయి. ఒక గ్లాసు నీటిలోఫెన్నల్ పౌడర్(సోంపు పౌడర్) మిక్స్ చేసి మరిగించాలి. తుమ్ముల నుండి తక్షణ రిలీఫ్ ను అందిస్తుంది.

హాట్ వాటర్ తో ఆవిరి పట్టాలి:

హాట్ వాటర్ తో ఆవిరి పట్టడం వల్ల ముక్కు మరియు గొంతులో మ్యూకస్ వదులవౌతుంది. దాంతో శ్వాస సమస్యలుండవు, తుమ్ములు కూడా నేచురల్ గా తగ్గించుకోవచ్చు.

పసుపు:

పసుపులో ఉండే కుర్కుమిన్ అనే కాంపోనెంట్ , ఎఫెక్టివ్ గా పనిచేస్తుంది. ముక్కుదిబ్బడను తొలగిస్తుంది. అలర్జీలను నివారించడలో , తుమ్ముల నుండి ఉపశమనం కలిగించడంలో గ్రేట్ గా సహాయపడుతుంది. డైలీ డైట్ లో పసుపు చేర్చడం వల్ల తుమ్ములను తగ్గించుకోవచ్చు. అలాగే కొద్దిగా గోరువెచ్చని పాలలో పసుపు మిక్స్ చేసి తీసుకుంటే తక్షణ ఉపశమనం కలుగుతుంది.