చలికాలంలో స్కిన్ ఫంగల్ ఇన్ఫెక్షన్ ను ఎఫెక్టివ్ గా నివారించే హోం రెమెడీస్..!

పసుపు:

పసుపులో యాంటీ ఫంగల్ యాంటీసెప్టిక్ లక్షణాలు ఎక్కువగా ఉంటాయి. పసుపు కొమ్ము పచ్చిది తీసుకు,ి పొడి చేసి నేరుగా చర్మం మీద అప్లై చేయాలి. ఇన్ఫెక్షన్, దురద ఉన్న ప్రదేశంలో అప్లై చేసి రెండు మూడు గంటలు తర్వాత మంచి నీళ్ళతో శుభ్రం చేసుకోవాలి. ఇలా రోజుకు రెండు మూడు సార్లు చేస్తుంటే మంచి ఫలితం ఉంటుంది.

వెనిగర్ :

బౌల్లో కొన్ని చుక్కల వెనిగర్, నీళ్ళు మిక్స్ చేయాలి. ఈ మిశ్రమాన్ని ఇన్ఫెక్షన్ ఉన్న ప్రదేశంలో అప్లై చేయాలి. 15 నిముషాల తర్వాత శుభ్రం చేసుకోవాలి. ఇలా చేయడం వల్ల స్కిన్ ఫంగల్ ఇన్ఫెక్షన్ నివారించబడుతుంది.

టీట్రీ ఆయిల్ :

టీ ట్రీ ఆయిల్లో యాంటీ ఫంగల్ లక్షణాలున్నాయి. కొన్ని చుక్కల టీట్రీ ఆయిల్ తీసుకుని, అందులో కొన్ని చుక్కల బాదం ఆయిల్ మిక్స్ చేయాలి. ఈ మిశ్రమాన్నిప్రభావిత ప్రదేశంలో అప్లై చేయాలి. రోజుకు రెండు మూడు సార్లు చేస్తుంటే మంచి ఫలితం ఉంటుంది.

వెల్లుల్లి:

ఇందులో ఉండే యాంటీ ఫంగల్ లక్షణాలు స్కిన్ ఇన్ఫెక్షన్ లక్షణాలను చాలా ఎఫెక్టివ్ గా నివారిస్తుంది.రెండు మూడు వెల్లుల్లి రెబ్బలను తీసుకుని మెత్తగా పేస్ట్ చేసి, అందులో కొద్దిగా ఆలివ్ ఆయిల్ మిక్స్ చేసి, ఇన్ఫెక్షన్ ఉన్న ప్రదేశంలో అప్లై చేయాలి. ఒక గంట తర్వాత గోరువెచ్చని నీటితో శుభ్రం చేసుకోవాలి.

పెరుగు:

పెరుగులో ప్రొబయోటిక్స్ ఉంటాయి. ఇది ఫంగస్ గ్రోత్ ను నివారిస్తుంది. ఒక కాటన్ బాల్ తీసుకుని, పెరుగులో డిప్ చేసి ప్రభావిత ప్రాంతంలో అప్లై చేయాలి. అరగంట తర్వాత వేడినీళ్లతో శుభ్రం చేసుకుని తేమను పూర్తిగా తుడిచేయాలి. ఇలా రోజుకు ఒక్కసారి చేస్తే చాలు మంచి ఫలితం ఉంటుంది.

కొబ్బరి నూనె :

స్కిన్ ఫంగల్ ఇన్ఫెక్షన్ నివారించడంలో కొబ్బరి నూనె గ్రేట్ గా సహాయపడుతుంది. కొద్దిగా స్వచ్చమైన కొబ్బరి నూనెతీసుకుని,ప్రభావింత ప్రాంతంలో అప్లై చేయాలి. రోజుకు రెండు సార్లు చేస్తుంటే మంచి ఫలితం ఉంటుంది.

ల్యావెండర్ ఆయిల్ :

ల్యావెండర్ ఆయిల్లో యాంటీ ఫంగల్ లక్షణాలు ఎక్కువగా ఉన్నాయి. కొన్ని చుక్కల ల్యావెండర్ ఆయిల్ ను ప్రభావిత ప్రాంతంలో అప్లై చేయాలి. 15 నిముషాల తర్వాత కడిగేసుకోవాలి. ఇలా చేస్తే ఫంగల్ ఇన్ఫెక్షన్ నుండి త్వరగా ఉపశమనం కలుగుతుంది.

ఆలివ్ లీప్ :

ఆలివ్ లీప్ లో యాంటీ ఫంగల్ మరియు యాంటీ బ్యాక్టీరియల్ లక్షణాలు అధికంగా ఉన్నాయి. కొన్ని ఆలివ్ లీఫ్స్ తీసుకుని, పేస్ట్ చేసి ఇన్ఫెక్షన్ ఉన్న ప్రాంతంలో అప్లై చేయాలి. అరగంట తర్వాత శుభ్రం చేసుకుంటే మంచి ఫలితం ఉంటుంది.