కీళ్లనొప్పులు నివారించడానికి పవర్ ఫుల్ హోం రెమిడీస్

ఈ మధ్య ఎక్కువగా వినిపిస్తున్న సమస్య కీళ్లనొప్పులు. వయసు పెరిగే కొద్దీ కీళ్లు అరగడం కారణంగా.. కీళ్ల నొప్పులు వస్తుంటాయి. దీనివల్ల మనుషులు చాలా బలహీనమవుతాయి. కొన్ని సందర్భాల్లో బలహీనంగా ఉండేవాళ్లకు కూడా కీళ్లనొప్పుల సమస్య వచ్చే అవకాశం ఉంటుంది. వయసు పెరిగేటప్పుడు వచ్చే మార్పులు కూడా కీళ్ల నొప్పులు, అరుగుదలకు కారణమవుతాయి.

కొన్ని రకాల బ్యాక్టీరియా, వైరస్, ఇన్ఫెక్షన్లు కూడా కీళ్ల నొప్పులకు కారణమవుతాయి. అలాగే హార్మోన్ల అసమతుల్యత , థైరాయిడ్‌ ప్రభావం, సొరియాసిస్‌, రోగనిరోధకశక్తి తగ్గిపోవడం, సైనోవియల్‌ ద్రవంలో తేడాలు ఏర్పడటం వంటి సమస్యలు కూడా కీళ్లనొప్పులు రావడానికి కారణమవుతాయి. అధిక బరువు, ఎక్కువ సేపు కూర్చోవడం, లేదా నిలబడటం, ఆహార విధానంలో మార్పుల వంటి అలవాట్లు కూడా కీళ్లనొప్పుల సమస్యకు కారణమవుతాయి.

అయితే కీళ్లనొప్పులు ఉన్న వాళ్ల సమస్య అంతా ఇంతాకాదు. ఎన్ని మందులు వాడుతున్నా.. కదల్లేని పరిస్థితి ఉంటుంది. కూర్చోలేరు. నిలబడలేరు. ఎక్కువగా నడవలేరు. ఇలాంటి పరిస్థితుల్లో ఉన్నవాళ్లు హోం రెమిడీస్ ఫాలో అవడం వల్ల మంచి ఫలితం పొందవచ్చు. అవేంటో ఇప్పుడు చూద్దాం..

ఆవనూనెను రోజుకి రెండుసార్లు మసాజ్ చేయడం వల్ల ఉపశమనం పొందవచ్చు. అయితే మసాజ్ చేసేటప్పుడు కాస్త నొప్పిగా ఉన్నప్పటికీ.. తర్వాత చాలా ఉపశమనంగా ఉంటుంది.

ఉల్లిపాయ, ఆవాలు సమ భాగాలుగా తీసుకుని బాగా నూరి నొప్పిగా ఉన్న కీళ్ళమీద మర్దన చేసుకుంటే వెంటనే నొప్పులు తగ్గుతాయి.

జిల్లేడు వేరు చూర్ణాన్ని వేప నూనెలో బాగా కలిపి మర్దన చేసుకుంటే కీళ్ళ నొప్పులు తగ్గుతాయి. లేదా 10 గ్రాముల తులసి రసాన్ని, 10 గ్రాముల అల్లం రసంతో కలిపి తీసుకుంటే.. కీళ్ల నొప్పులు తగ్గుతాయి.

నువ్వుల నూనె ఒక కప్పు, నాలుగు వెల్లుల్లిపాయ రేకులను చిన్న ముక్కలుగా చేసి నూనెలో వేసి బాగా మరిగించి, చల్లారిన తర్వాత వడగట్టి నొప్పి ఉన్న ప్రాంతంలో మసాజ్ చేస్తే కీళ్ల నొప్పులు తగ్గుతాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.