కీళ్ల నొప్పులు నివారించే.. అమేజింగ్ సొల్యూషన్: నిమ్మ తొక్క..!!

నిమ్మకాయను రకరకాలుగా ఉపయోగిస్తారు. ఆరోగ్యానికి, చర్మ, జుట్టు సౌందర్యంలో కూడా నిమ్మకాయ కీలక పాత్ర పోషిస్తుంది. అలాగే.. చెడ్డ కన్ను సోకకుండా.. కూడా నిమ్మకాయను ఉపయోగిస్తాయి. అయితే.. నిమ్మ తొక్కను కీళ్ల నొప్పులు నివారించడానికి ఉపయోగిస్తారంటే ఆశ్చర్యంగా ఉంది కదూ.

నిమ్మలో యాంటీ ఆక్సిడెంట్స్, విటమిన్ సి పుష్కలంగా ఉంటాయి. ఇవి.. జలుబు, అజీర్ణం, బ్యాక్టీరియల్ ఇన్ఫెక్షన్స్ వంటి రకరకాల సమస్యలను నివారిస్తాయి. ఇందులో పోషకాలు.. ఇమ్యునిటీని కూడా మెరుగుపరుస్తాయి.

నిమ్మతొక్క విషయానికి వస్తే.. ఇందులో చాలా ఆరోగ్య ప్రయోజనాలు దాగున్నాయి. చేదుగా ఉన్నప్పటికీ.. నిమ్మతొక్కలో సిట్రిక్ యాసిడ్, ఫోర్మిక్ యాసిడ్, సిట్రోనెల్లా, పెక్టిన్స్ వంటి పోషకాలు.. అనేక అనారోగ్య సమస్యలను నివారించడానికి సహాయపడతాయి.

నిమ్మతొక్కలో యాంటీ ఇన్ల్ఫమేటరీగా కూడా పనిచేయడం వల్ల కీళ్ల నొప్పులను తగ్గిస్తుంది. ఇది..కీళ్ల నొప్పులు తగ్గించి.. కూలింగ్ ఎఫెక్ట్ ని ఇస్తుంది. మరి నిమ్మతొక్కను కీళ్ల నొప్పులు నివారించడానికి ఎలా ఉపయోగించాలో చూద్దామా..

కొన్ని నిమ్మ కాయలు తీసుకోని.. నిమ్మ తొక్కను మాత్రమే.. తురుము కోవాలి. కేవలం ఎల్లో కలర్ లో ఉన్న తొక్క మాత్రమే వచ్చేలా జాగ్రత్తపడాలి. ఇలా తురుముకున్న తొక్కను కీళ్ల నొప్పులు ఉన్న ప్రాంతంలో రాసుకుని.. బ్యాండేజ్ కట్టుకోవాలి. ఇలా 2 నుంచి 3 గంటలు అలాగే పెట్టుకుంటే.. కీళ్ల నొప్పులు తగ్గిపోతాయి.

కొన్ని నిమ్మతొక్కలను ఒక గాజు డబ్బాలో వేయాలి. కొన్ని యూకలిప్టస్ ఆకులు, ఆలివ్ ఆయిల్ కలిపి.. ఇప్పుడు మూతపెట్టి బాగా టైట్ గా తిప్పాలి. రెండు వారాలు అలాగే ఉన్న తర్వాత.. కీళ్లనొప్పులపై అప్లై చేసుకోవాలి. కాస్త నొప్పిగా ఉంటుంది. కానీ రాత్రంతా అలానే పెట్టుకోవాలి. ఇది నొప్పిను తగ్గిస్తుంది.

టీరూపంలో నిమ్మతొక్కను తీసుకోవడం వల్ల కూడా.. కీళ్ల నొప్పులను ఎఫెక్టివ్ గా తగ్గించవచ్చు. కొన్ని నిమ్మతొక్కలను వేడినీటిలో ఉడికించాలి. కొన్ని నిమిషాలు ఉడికిన తర్వాత.. కొద్దిగా తేనె కలుపుకుని.. తాగాలి. అంతే.. ఇలా చేయడం వల్ల కూడా..కీళ్ల నొప్పులు, వాపు ఎఫెక్టివ్ గా తగ్గుతుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.