ఉదయం నిద్ర లేవగానే ఈ సంకేతాలు కనిపిస్తే..మీకు డయాబెటిస్ ఉన్నట్లే!

డయాబెటిస్‌..దీనినే షుగర్ వ్యాధి, మధుమేహం అని కూడా అంటారు. రక్తంలోని చక్కెరలను శరీరం ప్రాసెస్ చేయలేనప్పుడు డయాబెటిస్ వస్తుంది. మనం తిన్న ఆహారంలోని కార్బోహైడ్రేట్లను జీర్ణవ్యవస్థ చక్కెరలుగా లేదా గ్లూకోజ్ గా విడగొడుతుంది..క్లోమ గ్రంథి ఉత్పత్తి చేసే ఇన్సులిన్ అనే హార్మోన్ శక్తిని విడుదల చేయడానికి ఈ గ్లూకోజ్‌ను గ్రహించాలని శరీర కణాలను ఆదేశిస్తుంది. శరీరంలో ఇన్సులిన్ ఉత్పత్తి ఆగిపోయినప్పుడు శరీరంలో చక్కెర పోగుపడి డయాబెటిస్ వస్తుంది. డయాబెటిస్ వస్తే హార్ట్ ఎటాక్, చూపు కోల్పోవడం, మూత్రపిండాల వైఫల్యం,పక్షవాతం వంటివి సంభవించే ముప్పు ఉంటుందని నిపుణులు చెబుతున్నారు.

గతంలో వృద్ధుల్లో మాత్రమే కనిపించే ఈ రకమైన డయాబెటిస్ ఇప్పుడు చిన్న పిల్లలను కూడా ప్రభావితం చేస్తోంది. ముఖ్యంగా మనదేశంలో డయాబెటిస్ పేషెంట్ల సంఖ్య భారీగా పెరిగిపోతుంది. డయాబెటిస్ ని పూర్తిగా నయం చేసే మెడిసిన్ ఇప్పటివరకు రాలేదు. జీవనశైలిలో మార్పులతో చాలా వరకు ఈ వ్యాధిని నివారించవచ్చు. ఉదయాన్నే నిద్ర లేవగానే కనబడే కొన్ని సంకేతాలు మీకు డయాబెటిస్ ఉన్నట్లు తెలియజేస్తాయని నిపుణులు చెబుతున్నారు. అవేంటో ఇక్కడ చూడండి.

బలహీనత,అలసట

శరీరంలో చక్కెర స్థాయిలు పెరగడం వల్ల అలసట,ఒత్తిడి వంటివి వస్తాయి. మంచి రాత్రి నిద్ర తర్వాత ఉదయం మీరు అలసిపోయి బలహీనంగా అనిపిస్తే మీ రక్తంలో చక్కెర స్థాయిలను చెక్ చేయండి.

దృష్టి
ఉదయం దృష్టి అస్పష్టంగా కనిపిస్తుంటే అది కూడా డయాబెటిస్ సంకేతం కావచ్చు అని నిపుణులు చెబుతున్నారు.

ఎండిన నోరు

ఉదయాన్నే మధుమేహం అతి ముఖ్యమైన హెచ్చరిక సంకేతం పొడి నోరు. మీరు తరచుగా నోరు పొడిబారడం లేదా విపరీతమైన దాహంతో ఉదయాన్నే మేల్కొంటే, మధుమేహం హెచ్చరిక సంకేతంగా పరిగణించండి. వెంటనే మీ రక్తంలో చక్కెర స్థాయిని చెక్ చేయండి

చర్మ సమస్యలు

మధుమేహ వ్యాధిగ్రస్తులలో గాయాలు నెమ్మదిగా మానుతాయి. రోగనిరోధక శక్తి బలహీనపడటం వల్ల చర్మ మార్పులు సంభవిస్తాయి.

తరచుగా మూత్రం
తరచుగా మూత్ర విసర్జన అధిక చక్కెర స్థాయిలను సూచిస్తుంది. తరచుగా మూత్రవిసర్జన సాధారణంగా రాత్రి లేదా ఉదయాన్నే జరుగుతుంది. మూత్రపిండాలు గ్లూకోజ్‌ను ఫిల్టర్ చేయడానికి ఎక్కువ మూత్రాన్ని ఉత్పత్తి చేస్తాయి.

బరువు తగ్గడం
డయాబెటిస్ కూడా బరువు తగ్గడానికి కారణమవుతుంది. అయితే ఇది టైప్ 1 డయాబెటిస్ ఉన్నవారిలో మాత్రమే సంభవిస్తుంది. ఎందుకంటే టైప్ 1 డయాబెటిస్ పేషెంట్ల శరీరం తగినంత ఇన్సులిన్‌ను స్రవించదు. దీని కారణంగా శరీర కణాలు రక్తంలోని గ్లూకోజ్‌ను ఉపయోగించలేవు. కాబట్టి దీనిని సరిచేయడానికి శరీరం ప్రోటీన్ కొవ్వును కరిగించడం ప్రారంభిస్తుంది. దీని వల్ల బరువు తగ్గుతారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.