అక్క‌డ మ‌గ‌వాళ్లు బ‌తుక‌మ్మ ఆడ‌డం సంప్ర‌దాయమ‌ట‌...ఎక్క‌డంటే?!

అక్టోబ‌ర్ 2వ తేదీ నుంచి తెలంగాణ‌ల‌లో బ‌తుక‌మ్మ సంబ‌రాలను ఘ‌నంగా నిర్వ‌హించేందుకు భ‌క్తులు సిద్ధ‌మ‌వుతున్నారు. ఇళ్ల‌లో పూల‌ను క్ర‌మబ‌ద్ధంగా పేర్చి, మ‌హిళ‌లు బ‌తుక‌మ్మ ఆడుతూ ఉంటారు. అయితే, తెలంగాణ‌లోని కొన్ని ప్రాంతాల్లో మాత్రం అక్క‌డి మ‌గ‌వారు బ‌తుక‌మ్మ ఆడుతారు. విన‌డానికి ఆశ్చ‌ర్యంగా ఉన్న‌ప్ప‌టికీ ఈ ఆచారం ఎన్నో ఏళ్లుగా కొన‌సాగుతూ వ‌స్తోంది. బ‌తుక‌మ్మ సంబ‌దార‌లు అంబ‌రాన్ని అంటేందుకు సిద్ధ‌మ‌వుతున్న వేళ‌.. పురుషులు బ‌తుక‌మ్మ ఆడే సంప్ర‌దాయం ఉన్న గ్రామాల‌ను ప‌ల‌క‌రిద్దాం రండి!

తెలంగాణ‌లోని సిద్దిపేట జిల్లాలోని ప‌లు గ్రామాల్లో ఏటా మ‌గ‌వారు బ‌తుక‌మ్మ ఆడ‌టం ఆన‌వాయితీగా వస్తోంది. ఈ జిల్లాలోని తోటపల్లి, అక్కన్నపేట, గొల్లపల్లి, గాంధీనగర్ గ్రామాల్లోని పురుషులు బతుకమ్మ ఆడుతూ త‌మ పూర్వీకుల సంప్ర‌దాయాన్ని కొన‌సాగిస్తూ వ‌స్తున్నారు. ఇలా పండ‌గ చేసుకోవ‌డం త‌మ తాత‌లు, తండ్రు కాలం నుంచి ఆన‌వాయితీగా వ‌స్తుంద‌ని, దానినే తాము కూడా కొసాగిస్తున్నామ‌ని అంటున్నారు.

రెండు రోజులు మాత్ర‌మే..

ఇక్క‌డి మ‌గ‌వారు బ‌తుక‌మ్మ ఆడ‌టం ప్ర‌తిరోజు ఉండ‌దు. బ‌తుక‌మ్మ సంబ‌రాల్లో రెండు రోజులు మాత్ర‌మే ఆడుతారు. అవి కూడా తొలి రోజు జ‌రిపే ఎంగిలి పూల బతుకమ్మ సంబ‌రాలు, చివరి రోజు చేసే సద్దుల బతుకమ్మను సంబరాల్లో మ‌గ‌వారు సంప్ర‌దాయ‌బ‌ద్దంగా ఆడ‌తారు. ఈ ఆచారం ఎప్ప‌టినుంచి కొన‌సాగుతుంద‌న్న విష‌యంపై స్థానికంగా ఎవ్వ‌రికీ స్ప‌ష్ట‌త లేదు. అయితే, తాత‌ల కాలం నుంచి వ‌స్తున్న సంప్ర‌దాయాన్ని నేటికీ కొన‌సాగిస్తున్న ఈ గ్రామాల ప్ర‌జ‌ల‌ను అభినందించాల్సిందే.

బ‌తుక‌మ్మ తేదీలు ఇలా..

తెలంగాణ‌లో ఏడాది బతుకమ్మ పండుగ తేదీలు ఇలా ఉన్నాయి. ఎంగిలి పూల బతుకమ్మ సంబ‌రం ఆశ్వయుజ మాసంలో శుద్ధ పాడ్యమికి ముందు వచ్చే భాద్రపద అమావాస్య లేదా మహాలయ అమావాస్య రోజున‌ (అక్టోబర్ 2 - బుధవారం) ప్రారంభం అవుతోంది. అలాగే, సద్దుల బతుకమ్మ పండుగ ఆశ్వయుజ శుద్ధ అష్టమి అంటే అక్టోబర్ 10వ తేదీన జ‌రుపుకొంటారు. అయితే, ఈ అక్టోబర్‌ 11 ఉదయం 11 గంటల వరకు అష్టమి తిధి ఉండ‌డంతో ఆరోజున‌ కూడా సద్దుల బతుకమ్మ జరుపుకోవచ్చని కొందరు పండితులు స్ప‌ష్టం చేశారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.