Mrunal Thakur video: అది బలంగా ఉండాలంటే..మృణాల్ ఠాకూర్ లా ఇలా చేయాల్సిందే!..వీడియో చూడండి

సీతారామం సినిమాలో తన అద్భుతమైన ఫర్ఫార్మెన్స్ తో తెలుగు ఆడియన్స్ కి బాగా కనెక్ట్ అయిన నటి మృణాల్ ఠాకూర్ కి సోషల్ మీడియాలో కూడా గట్టిఫాలోయింగే ఉంది. సోషల్ మీడియాలో అమ్మడి ఫొటోలు,వీడియోలకు నెటిజన్ల నుంచి మంచి రెస్ఫాన్స్ వస్తుంటది. తన ఫిట్ నెస్ పై ఎక్కువగా ఫోకస్ పెట్టే మృణాల్ ఠాకూర్..తరచుగా వాటికి సంబంధించిన వీడియోలను,ఫోటోలను కూడా నెటిజన్లతో పంచుకుంటది. వివిధ రకాల వర్కౌట్స్ చేస్తుంటది ఈ ముద్దుగుమ్మ.

ఇటీవల మృణాల్ ఠాకూర్ సోషల్ మీడియాలో తన ఇన్ స్టాగ్రామ్ అకౌంట్ లో "నేను పోహా బాగా ఇష్టపడతాను..అందుకే వర్కౌట్ చేస్తాను"అంటూ ఓ వీడియో షేర్ చేసింది. ఆ వీడియోలో మృణాల్.. ఆరోగ్యానికి చాలా మేలు వర్కౌట్ ఒకటి వీపుకు పుల్-డౌన్స్ చేస్తున్నట్లు ఉంది. ఎంతో అంకితభావంతో సీతారామం బ్యూటీ వ్యాయామం చేస్తున్నట్లు మనం అందులో చూడవచ్చు. మృణాల్ మాదిరి మీరు కూడా మీ వీపును బలోపేతం చేసుకోవాలనుకుంటే, కొన్ని సులభమైన కానీ ప్రభావవంతమైన ఎక్సర్ సైజ్ లు ఏవో ఇక్కడ చూడండి.

రెసిస్టెన్స్ బ్యాండ్ పుల్ అపార్ట్( Resistance Band Pull Apart)

మీ వెన్ను వ్యాయామాన్ని ప్రారంభించడానికి ఇది ఒక గొప్ప ఎక్సర్ సైజ్. మన రోజువారీ జీవితంలో చాలామంది కంప్యూటర్ల ముందు కూర్చోవడం, మొబైల్ ఫోన్లు చూడటం వల్ల భుజాలు ముందుకు వంగిపోయే అవకాశం ఉంది. ఇది వెన్ను నొప్పికి, భుజాల నొప్పికి, నిటారుగా నిలబడలేకపోవడానికి దారితీస్తుంది. రెసిస్టెన్స్ బ్యాండ్ పుల్ అపార్ట్ ఈ సమస్యను పరిష్కరించడానికి సహాయపడుతుంది. ఇది మీ వెనుకవైపు కండరాలను బలోపేతం చేస్తుంది, భుజాలను వెనక్కి లాగడానికి సహాయపడుతుంది.

ఈ వ్యాయామం చేయడానికి మీకు కేవలం ఒక రెసిస్టెన్స్ బ్యాండ్ మాత్రమే కావాలి. ఈ వ్యాయామం చాలా ప్రభావవంతమైనది, మీ భుజపు బ్లేడ్లను ఒకదానితో ఒకటి దగ్గరగా లాగడం (స్కపులర్ రిట్రాక్షన్) అనే ముఖ్యమైన కదలికపై దృష్టి పెడుతుంది.

లాట్ పుల్‌డౌన్ (Lat Pulldown)
లాట్ పుల్‌డౌన్ అనేది ఒక శక్తి శిక్షణ వ్యాయామం. ఇది ప్రధానంగా మీ వెనుకవైపు ఉండే అతి పెద్ద కండరాల సమూహమైన లాటిస్సిమస్ డోర్సి (lats) ని లక్ష్యంగా చేసుకుంటుంది. ఈ వ్యాయామం సాధారణంగా జిమ్‌ లోని ఒక ప్రత్యేకమైన లాట్ పుల్‌ డౌన్ మెషీన్‌పై చేస్తారు. లాట్ పుల్‌ డౌన్ మీ వెనుక కండరాలను బలోపేతం చేయడానికి,మీ పై శరీర శక్తిని మెరుగుపరచడానికి ఒక గొప్ప వ్యాయామం. మీ వ్యాయామ దినచర్యలో దీనిని చేర్చుకోవడం వల్ల మీరు మంచి ఫలితాలను పొందవచ్చు.

బ్యాక్ ఎక్స్ టెన్షన్(Back Extension)
బ్యాక్ ఎక్స్‌టెన్షన్ అనేది మీ దిగువ వెనుకవైపు (నడుము), పిరుదులు, తొడ వెనుక భాగంలోని కండరాలను బలోపేతం చేయడానికి చేసే ఒక వ్యాయామం. దీనిని సాధారణంగా ఒక ప్రత్యేకమైన బ్యాక్ ఎక్స్‌టెన్షన్ మెషీన్‌పై చేస్తారు, కానీ నేలపై కూడా చేయవచ్చు. ఎక్సర్ సైజ్ ని కొత్తగా స్టార్ట్ చేసేవారికి అంటే ప్రారంభకులకు ఇది గొప్ప వ్యాయామం. ఇది నడుము నొప్పిని తగ్గించడానికి, నివారించడానికి కూడా సహాయపడుతుంది. బలమైన వెనుక కండరాలు వెన్నెముకను అతిగా వంచకుండా నిరోధించడంలో సహాయపడతాయి. మీకు నడుము నొప్పి ఇప్పటికే ఉంటే ఈ వ్యాయామం ప్రారంభించే ముందు సంబంధిత నిపుణుడిని సంప్రదించడం మంచిది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.